அவசரத்திலும் அரசியல் செய்த கனிமொழி
கோவை : கோவையில் தி.மு.க. மகளிரணிச் செயலாளர் கனிமொழி நடுரோட்டில் நின்று பேசும்போது நோயாளியுடன் சென்ற ஆம்புலன்ஸ்க்கு தி.மு.க.வினர் வழிவிட மறுத்தனர். அவர்களை வழிகொடுக்கச் சொல்ல வேண்டிய கனிமொழி மாற்று வழியில் போகச் சொல்லி அதிர்ச்சியை ஏற்படுத்தினார்.
கோவை : கோவையில் தி.மு.க. மகளிரணிச் செயலாளர் கனிமொழி நடுரோட்டில் நின்று பேசும்போது நோயாளியுடன் சென்ற ஆம்புலன்ஸ்க்கு தி.மு.க.வினர் வழிவிட மறுத்தனர். அவர்களை வழிகொடுக்கச் சொல்ல வேண்டிய கனிமொழி மாற்று வழியில் போகச் சொல்லி அதிர்ச்சியை ஏற்படுத்தினார்.
எம்.பி. கனிமொழி 'விடியலை நோக்கி ஸ்டாலினின் குரல்' என்ற பெயரில் தமிழகம் முழுவதும் சுற்றுப்பயணம் மேற்கொண்டு வருகிறார். நேற்று மாலை கோவை - மருதமலை ரோட்டிலுள்ள பாப்பநாயக்கன் புதுார் என்ற பகுதியில் தி.மு.க. சார்பில் நடத்தப்பட்ட நிகழ்ச்சியில் பங்கேற்றார்.
தி.மு.க. கொடியை ஏற்றி வைத்து கருணாநிதி படத்துக்கு மாலையணிவித்த அவர் வேனில் ஏறி சிறிது நேரம் பேசினார்.
மருதமலையிலிருந்து கோவை செல்லும் ரோட்டை மறித்து அவரது வாகனம் நிறுத்தப்பட்டிருந்தது. அந்த வாகனத்தைச் சுற்றிலும் ஆயிரத்துக்கும் மேற்பட்ட தி.மு.க. தொண்டர்கள் நின்றனர்.
மருதமலையிலிருந்து கோவை செல்லும் ரோட்டை மறித்து அவரது வாகனம் நிறுத்தப்பட்டிருந்தது. அந்த வாகனத்தைச் சுற்றிலும் ஆயிரத்துக்கும் மேற்பட்ட தி.மு.க. தொண்டர்கள் நின்றனர்.
இதனால் அந்த ரோட்டில் போக்குவரத்து முற்றிலும் தடைபட்டது. அப்போது வடவள்ளி பகுதியிலிருந்து கோவையை நோக்கி 108 ஆம்புலன்ஸ் வாகனம் நோயாளியுடன் வந்தது. ஆம்புலன்ஸ் சைரன் சத்தம் கேட்டும் தி.மு.க. தொண்டர்கள் யாரும் வழிவிடவில்லை.
வேறு வழியின்றி ஆம்புலன்சைத் திருப்பி எதிர் திசையில் அதாவது ஒரு வழிப்பாதையில் அனுப்பி வைத்தனர். கனிமொழி நினைத்திருந்தால் மைக்கில் பேசி அந்த ஆம்புலன்ஸ்க்கு தொண்டர்கள் வழிவிடுமாறு கூறியிருக்கலாம்.
ஆனால் அதைச் செய்யாத அவர் அதற்கு மாறாக 'இந்த ஆம்புலன்சும் நாங்கள் விட்டதுதான்' என்று அரசியல் பேசி அதிர்ச்சியை ஏற்படுத்தினார். ஒரு வழிப்பாதையில் ஆம்புலன்சை அனுப்புமாறும் அறிவுறுத்தினார்.
இதைப் பார்த்து பி.என்.புதுார் பஸ் ஸ்டாப்பிலும் கடை வீதியிலும் நின்ற ஏராளமான மக்கள் கடும் அதிருப்தி அடைந்தனர்.
'விடியலை நோக்கி ஸ்டாலினின் குரலை' ஒலிக்க வந்த கனிமொழி உயிருக்காகப் போராடிக் கொண்டு மருத்துவமனையை நோக்கிச் செல்லும் வாகனத்துக்கு ஏன் வழிவிடவில்லை என்று மக்கள் பேசிக்கொண்டனர்.
பத்தாண்டுகளாக ஆட்சியில் இல்லாமலே இத்தனை ஆதிக்க மனோபாவத்துடன் நடக்கும் தி.மு.க.வினர் நாளை மீண்டும் ஆட்சிக்கு வந்தால் என்ன நடக்குமோ என்ற அச்சவுணர்வும் அந்த மக்களின் பேச்சுகளில் வெளிப்பட்டது
தினமலர்
தினமலர்
• • •
Missing some Tweet in this thread? You can try to
force a refresh
