ஏழைகள், விவசாயிகள் மோடியை நம்புகிறார்கள்: நட்டா பெருமிதம்
புதுடில்லி: ராஜஸ்தான் மாநில உள்ளாட்சி தேர்தலில் பா.ஜ., அதிக இடங்களில் வென்றுள்ளது. தேர்தல் முடிவுகள் ஏழைகள், விவசாயிகள் பிரதமர் மோடி மீது நம்பிக்கை வைத்திருப்பதை காட்டுவதாக பா.ஜ., தலைவர் நட்டா கூறினார்.
புதுடில்லி: ராஜஸ்தான் மாநில உள்ளாட்சி தேர்தலில் பா.ஜ., அதிக இடங்களில் வென்றுள்ளது. தேர்தல் முடிவுகள் ஏழைகள், விவசாயிகள் பிரதமர் மோடி மீது நம்பிக்கை வைத்திருப்பதை காட்டுவதாக பா.ஜ., தலைவர் நட்டா கூறினார்.
ராஜஸ்தான் மாநிலத்தில் அசோக் கெலாட் தலைமையில் காங்கிரஸ் ஆட்சி நடைபெற்று வருகிறது. அங்கு 21 மாவட்டங்களுக்கு உள்ளாட்சித் தேர்தல் நடைபெற்றது. அதன் முடிவுகள் இன்று (டிச., 09) காலை முதல் அறிவிக்கப்பட்டு வருகின்றன.
மொத்தமுள்ள 4,371 பஞ்சாயத்துகளில் இதுவரை காங்., 1,718 இடங்களில் வென்றுள்ளது. பா.ஜ.க., 1,836 இடங்களில் வென்றுள்ளது. மாவட்ட கவுன்சில் பதவிகளில் 326 இடங்களை பா.ஜ.க.,வும், 250 இடங்களையும் காங்.,ம் பெற்றுள்ளன.
கடந்த சில மாதங்களுக்கு முன் காங்.,ன் சச்சின் பைலட், முதல்வர் அசோக் கெலாட் இடையே மோதல் ஏற்பட்டது. கணிசமான எம்.எல்.ஏ.,க்களுடன் அவர் பிரிந்து சென்றார். நீண்ட நாள் இழுபறிக்கு பின்னர் சமாதானமடைந்தார்.
இந்த காட்சிகளை ராஜஸ்தான் மக்கள் ரசிக்கவில்லை என்பது தேர்தல் முடிவுகளிலிருந்து தெரிகிறது. ஆளும் கட்சியாக காங்., உள்ள மாநிலத்தில், மத்திய அரசு புதிய வேளாண் சட்டங்களை நிறைவேற்றிய பின் நடைபெற்ற தேர்தலில் பா.ஜ., வென்றிருப்பது கட்சியினருக்கு உற்சாகத்தை தந்துள்ளது.
இந்த வெற்றிக்காக கடுமையாக உழைத்த வேட்பாளர்களுக்கும் கட்சியினருக்கும் முன்னாள் முதல்வரும், பா.ஜ., தலைவருமான வசுந்தரா ராஜே வாழ்த்து தெரிவித்துள்ளார். பா.ஜ.,வின் மீது நம்பிக்கை வைத்து, காங்.,ன் பொய் பிரசாரங்களை மக்கள் தவிர்த்துள்ளார் எனவும் கூறினார்.
பா.ஜ.க., தேசிய தலைவர் நட்டா வெளியிட்டுள்ள டுவிட்டர் பதிவில், “இந்த வெற்றி விவசாயிகள், தொழிலாளிகள் மற்றும் ஏழைகள் மோடியின் ஆட்சியின் மீது வைத்துள்ள நம்பிக்கையை காட்டுகிறது” என கூறியுள்ளார்.
தினமலர்
தினமலர்
• • •
Missing some Tweet in this thread? You can try to
force a refresh
