Thread by @Ranadurga22

ഹൈക്കോടതിയുടെ വിധി വന്നതു കൊണ്ട് മാത്രമാണ് ഈ പോസ്റ്റ് ഇടുന്നത് . മറ്റുള്ള സമുദായക്കാർക്കും സത്യം മനസ്സിലാക്കുവാൻ . എല്ലാ മതക്കാരേയും അവരുടെ സ്ഥാപനങ്ങളേയും ഒരു പോലെ ദരണാധികാരികൾ കാണുമ്പോഴാണ് മതേതരത്വം ഉണ്ടാകുന്നതു് .~1

ഗുരുവായൂർ ദേവസ്വ ത്തിൽ നിന്നും സർക്കാർ നിയമിച്ച ദേവസ്വം ബോർഡ് അംഗങ്ങൾ ദേവസ്വത്തിൽ നിന്നും സർക്കാരിന്റെ ദുരിതാശ്വാസ നിധിയിൽ സംഭാവന ചെയ്ത 10 കോടി രൂപ തിരിച്ച നൽകാൻ ഹൈക്കോടതി വിധി. ~2

ഇതിനു് കാരണം താഴെ കൊടുത്തിരിക്കുന്ന പോസ്റ്റ വായിച്ചാൽ മനസ്സിലാകും
ഗുരുവായൂർ ക്ഷേത്രത്തിൽ നിനക്ക് എന്താണ് അധികാരങ്ങൾ? സർക്കാരിനും ദേവസ്വം ഭരണസമിതിക്കും എന്ത് അധികാരം? ക്ഷേത്ര സമ്പത്ത് ആരുടേതാണ് ? അത് എങ്ങനെ ചെലവാക്കണം? അറിയണ്ടേ...~3

*നിയമപരമായി മാത്രം സംസാരിക്കുക. അതിന് മലയാളം അറിയുന്ന എല്ലാ ഹിന്ദു മത സമുദായ അംഗങ്ങൾക്കും അറിവ് നൽകാൻ ഇത് പരമാവധി ആൾക്കാരിലേക്ക് പങ്കു വയ്ക്കണം* 🙏🏻~4

രാജവാഴ്ചക്കാലം മുതൽ സാമൂതിരി രാജാവിനും മല്ലിശേരി മന കാരണവർക്കും ക്ഷേത്രത്തിൽ സംയുക്ത ഊരായ്മ അവകാശമായിരുന്നു. ഭരണം കാര്യക്ഷമമായി നടക്കാഞ്ഞതിനാൽ 1932 - ൽ ഭക്ത ജനങ്ങൾ മദ്രാസ് ഹൈക്കോടതിയെ സമീപിച്ചതിന്റെ അടിസ്ഥാനത്തിൽ ക്ഷേത്രത്തെ~5

Madras Hindu Religious and Charitable Endowment Act ൻ കീഴിലാക്കുകയും പ്രത്യേക മേൽനോട്ടത്തിൻ കീഴിൽ ഊരാളന്മാർ നടത്തിപ്പുകാർ മാത്രമാവുകയും ചെയ്തു. ഭണ്ഡാരം തുറന്ന് എണ്ണുമ്പോൾ ഭക്ത ജനങ്ങൾ കണ്ട് സാക്ഷ്യപ്പെടുത്തണമെന്ന് 1930 ൽ മദ്രാസ് ഹൈക്കോടതി ഉത്തരവിട്ടു.അത് ഇന്നും തുടർന്ന് വരുന്നു.~6

[ക്ഷേത്ര സംരക്ഷണ സമിതി കേരള ഹൈക്കോടതിയിൽ സമർപ്പിക്കുന്ന പാനലിലെ അംഗങ്ങൾ ആണ് നിലവിൽ ഈ നിയോഗം ഏറ്റെടുത്തിട്ടുള്ളത് ]
തുടർന്ന് രാജവാഴ്ച അവസാനിക്കുകയും ഭരണഘടന നിലവിൽ വരുകയും ചെയ്തു. ~7

ദീർഘമായ വിശദീകരണത്തിലേക്ക് കടക്കാതെ വളരെ ചുരുക്കി പറഞ്ഞാൽ ഭരണഘടനയുടെ 25, 26 ആർട്ടിക്കിളുകളാണ് മതാചാരത്തിനുള്ള മൗലിക അവകാശം വ്യക്തമാക്കുന്നത്. ഭരണഘടന ആംഗലേയ ഭാഷയിൽ~8

നമ്മെ "Hindu religious denomination " അഥവാ ഹിന്ദുമത സമുദായം അല്ലെങ്കിൽ ഹിന്ദു മത സംഘം എന്ന് വിളിക്കുന്നു.

ഭരണഘടന പ്രകാരം ക്ഷേത്രവും അതിന്റെ നിയന്ത്രണത്തിനും പരിപാലനത്തിനും ഭരണത്തിനും നടത്തിപ്പിനും സമ്പത്ത് ചെലവഴിക്കുന്നത് നിശ്ചയിക്കുന്ന~9

തിനുമുള്ള അധികാരവും ഹിന്ദു മത സമുദായത്തിനാണ്.

അതായത് ശ്രീഗുരുവായൂരപ്പ ഭക്തർക്കുവേണ്ടി വിശ്വകർമ്മാവ് നിർമ്മിച്ച് ഗുരുവും വായുവും പ്രതിഷ്ഠിച്ച ഗുരുവായൂർ ക്ഷേത്രവും അതിന്റെ സകല സമ്പത്തും ഭരണഘടന പ്രകാരം നമ്മൾ ഹിന്ദുക്കളുടെയും നമ്മുടെ അനന്ത~10

സന്തതി പരമ്പരകളുടെയും ദൈവീകമായി ലഭിച്ച മൗലിക അവകാശമുള്ള ഒന്നാണെന്ന് തിരിച്ചറിയണം.

ഭാരതത്തിലും പുറമെയുമായി കോടിക്കണക്കിനു വ്യാപിച്ചു കിടക്കുന്ന ഹിന്ദു മത സമുദായത്തിനുവേണ്ടി ആ സമുദായത്തിലെ അംഗങ്ങൾ~11

ഉൾപ്പെടുന്ന ഒരു കമ്മിറ്റി / സമിതി / ബോർഡ് ആയിരിക്കണം ഭരണം നടത്തേണ്ടത്. ഇത്തരം സമിതിയെ തിരഞ്ഞെടുക്കാൻ ഹിന്ദു മത സമുദായത്തിന് ഏകീകൃതമായ സംവിധാനം ഇല്ലാത്തതിനാൽ ഭരണഘടന തന്നെ ഒരു സമ്പ്രദായം നിർദ്ദേശിച്ചു. അതിൻ പ്രകാരം സംസ്ഥാന സർക്കാരിന് ദേവസ്വം~12

ബോർഡ് / ഭരണ സമിതിയെ നിയോഗിക്കുന്നതിന് ചുമതല നൽകി. അങ്ങനെ ഗുരുവായൂർ ദേവസ്വം ഭരണസമിതി അംഗങ്ങളെ നാമനിർദ്ദേശം ചെയ്യുന്നതിനുള്ള അധികാരം മന്ത്രിസഭയിലെ ഹിന്ദു മന്ത്രിമാർക്ക് നൽകി.
ഈ ഒരു അധികാരം ഹിന്ദു മന്ത്രിമാരിൽ നിക്ഷിപ്തമാക്കി എന്നതല്ലാതെ ദേവസ്വം സർക്കാരിന്റെ~13

ഉടമസ്ഥതയിലോ നിയന്ത്രണത്തിലോ ഭരണത്തിലോ ഉള്ള സ്ഥാപനമല്ല എന്ന് അറിയുക.

ഭരണസമിതി ഹിന്ദുമത സമുദായത്തിന്റെ പ്രതിനിനിധിയാണ് അല്ലാതെ ഗവൺമെന്റിന്റെ പ്രതിനിധി അല്ല.~14

ക്ഷേത്ര സ്വത്ത് പ്രതിഷ്ഠയിൽ നിക്ഷിപ്തമാണ്. നിയമ പ്രകാരം പ്രതിഷ്ഠ ഒരു മൈനർ ആണ്. ഗവൺമെന്റിനോ ഭരണസമിതിക്കോ സ്വത്തവകാശം ഇല്ല .

സ്വത്ത് സ്വരൂപിക്കുന്നതിനും നിയമവിധേയമായി വിനിമയം ചെയ്യുന്നതിനുമുളള നടത്തിപ്പ് അവകാശം ഹിന്ദു മത സമുദായത്തിനാണ്. ~15

ഭരണസമിതിയെ മതസമുദായത്തിനു വേണ്ടി വെറും നടത്തിപ്പുകാർ മാത്രമായി നിയോഗിച്ചിരിക്കുന്നു
ഉടമസ്ഥനു വേണ്ടി കാര്യങ്ങൾ നടത്താനുള്ള കാര്യസ്ഥൻ മാത്രം.

1970 ൽ ഗുരുവായൂർ ക്ഷേത്രത്തിൽ തീപിടുത്തം ഉണ്ടായി. ഇത് അന്വേഷിക്കുന്നതിന് സർക്കാർ ഒരു കമ്മീഷനെ നിയോഗിച്ചു. ~16

കാര്യക്ഷമം അല്ലാത്ത ഭരണമാണെന്ന് കമ്മീഷൻ റിപ്പോർട്ട് നൽകിയതിന്റെ അടിസ്ഥാനത്തിൽ ഭരണസമിതിയെ നിയോഗിക്കുന്നതിന് 1971 ൽ ആദ്യമായി കേരള നിയമസഭ ഗുരുവായൂർ ദേവസ്വം ആക്ട് പാസാക്കി. ഭരണസമിതിയെ നിയോഗിച്ചു.~17

ഈ ആക്ടിൽ ദേവസ്വത്തിന്റെ ഭരണനിർവ്വഹണവും നിയന്ത്രണവും പ്രത്യക്ഷമായും പരോക്ഷമായും സർക്കാരിൽ നിക്ഷിപ്തമാക്കുന്നതും സ്വത്തവകാശം ഭരണസമിതിയ്ക്ക് നൽകുന്നതും ക്ഷേത്രസമ്പത്ത് വകമാറ്റി ചെലവഴിക്കുന്നതിനുമുള്ളതടക്കം ഭരണഘടനാ വിരുദ്ധമായ ധാരാളം~18

വ്യവസ്ഥകൾ ഉണ്ടായിരുന്നു. അത് മുഴുവൻ വായിച്ചാൽ ഹിന്ദു മതസമുദായം അന്തം വിട്ടു പോകും.

ആക്ടിനെതിരെ മലബാർ പ്രദേശ് ക്ഷേത്ര സംരക്ഷണ സമിതി പ്രസിഡന്റ് ശ്രീ. തറമ്മേൽ കൃഷ്ണൻ 1973 ൽ OP.No. 314 ആയി ബഹു.കേരള ഹൈക്കോടതിയിൽ കേസ് ഫയൽ ചെയ്തു. ജസ്റ്റിസ് ബാലകൃഷ്ണ~19

ഏറാടി മുതലായ 5 അഭിവന്ദ്യ ജഡ്ജിമാർ ഉൾപ്പെട്ട ഭരണഘടനാ ബഞ്ചാണ് കേസ് പരിഗണിച്ചത്. ഈ ബഞ്ച് ഭരണഘടന അനുസൃതമായി കേസിൽ വാദം കേൾക്കുകയും ആക്ട് ഭരണഘടന വിരുദ്ധമാണെന്ന് കണ്ട് റദ്ദാക്കുകയും ചെയ്തു. 1979 KLT 350 ആയി റിപ്പോർട്ട് ചെയ്യപ്പെട്ട വിധി ഇന്റർനെറ്റിൽ ലഭ്യമാണ്. ~20

അതിന്റെ ചുരുക്കം ഇതാണ് ....
1. ക്ഷേത്ര സ്വത്തുക്കൾ പ്രതിഷ്ഠയിൽ നിക്ഷിപ്തമാണ്.
2 . ഭരണഘടന നൽകുന്ന അവകാശ പ്രകാരം ക്ഷേത്ര നിർമ്മാണം, നടത്തിപ്പ്, ഭരണം, നിയന്ത്രണം, സ്വത്തുക്കൾ നിയമവിധേയമായി ക്ഷേത്രാവശ്യങ്ങൾക്ക് വിനിയോഗിക്കാനുള്ള അധികാരം~21

എന്നിവ ഹിന്ദുമത സമുദായത്തിനാണ്.
ഈ അധികാരം അവരിൽ നിന്ന് പ്രത്യക്ഷമായോ പരോക്ഷമായോ എടുത്ത് മാറ്റി സർക്കാരിലോ ഉദ്യോഗസ്ഥരിലോ മറ്റോ നിക്ഷിപ്തമാക്കുന്നത് ഹിന്ദുമത സമുദായത്തിന്റെ ഭരണഘടനാ അവകാശം ലംഘിക്കലാണ്.~22

3. ദേവസ്വം ആവശ്യത്തിനല്ലാതെ സ്ഥാവര ജംഗമ സ്വത്തുക്കൾ അന്യാധീനപ്പെടുത്താനോ പണം കടം വാങ്ങാനോ കൊടുക്കാനോ പാടില്ല.
4. അഡ്മിനിസ്ട്രേറ്ററായി നിയമിക്കപ്പെടുന്ന ഉദ്യോഗസ്ഥന് ഭരണസമിതി എടുക്കുന്ന നിയമവിധേയമായ തീരുമാനങ്ങൾ നടത്തുന്നതല്ലാതെ സ്വന്തമായി ~23

തീരുമാനം എടുത്ത് നടത്താനോ സ്വത്ത് ചെലവഴിക്കാനോ അധികാരമില്ല.

5. ക്ഷേത്ര സംബന്ധിയായ ആവശ്യത്തിനല്ലാതെ സ്വത്തുക്കൾ ചെലവഴിക്കാൻ പാടില്ല.

67 പേജുള്ള വിശദമായ വിധിയുടെ അടിസ്ഥാനത്തിൽ 1971 ലെ ആക്ട് റദ്ദാകുകയും 1978-ൽ ഭരണഘടനാ~24

വിധേയമായ പുതിയ ആക്ട് നിലവിൽ വരുകയും ചെയ്തു.

ശ്രീ. തറമേൽ കൃഷ്ണൻ അവർകളോടും ബഹുമാനപ്പെട്ട ഹൈക്കോടതിയോടും ഹിന്ദുമത സമുദായം എന്നും കടപ്പെട്ടിരിക്കുന്നു.

ഈ വിധി ഗുരുവായൂർ ക്ഷേത്രത്തിന് മാത്രം ഉള്ളതല്ല. ~25

എല്ലാ ക്ഷേത്ര ധ്വംസനങ്ങൾക്കും എതിരായി ഉപയോഗിക്കാം.

സ്വത്ത് വകമാറ്റി ചെലവഴിക്കാൻ ഉത്തരവിടുന്നതിന് കോടതിക്ക് പോലും അധികാരം ഇല്ലെന്ന് AIR 1954 SC 388 നമ്പരായി റിപ്പോർട്ട് ചെയ്ത വിധിയിൽ ബഹു സുപ്രീം കോടതിയും ഉത്തരവായിട്ടുണ്ട്.~26

കോടതി വിധിയും ആക്ടും പാലിക്കാൻ ഗവൺമെന്റും ഭരണസമിതിയും പ്രതിജ്ഞാ ബദ്ധമാണ്.
മുകളിൽ സൂചിപ്പിച്ച 1973 ലെ കേസ് നിലവിൽ ഉള്ള അവസരത്തിൽ ലക്ഷം വീട് പദ്ധതിക്കുവേണ്ടി 50,000 രൂപ നൽകാൻ ഭരണസമിതി തീരുമാനിച്ചിരുന്നു.~27

അത് കോടതി തന്നെ റദ്ദാക്കി.
1978 നു ശേഷവും സമാനമായ രീതിയിൽ പല തവണ പണം നൽകുകയും കേസുകൾ ഫയൽ ചെയ്തതിനെ തുടർന്ന് കോടതി ഇടപെട്ട് തിരികെ നൽകുകയും ചെയ്തിട്ടുണ്ട്.

നിലവിലുള്ള 1978 ലെ ദേവസ്വം ആക്ടനുസരിച്ച് ദേവസ്വത്തിന്റെ~28

controll, administration, management എല്ലാം ഭരണസമിതിക്കാണ്. സർക്കാരിനല്ല.

ആക്ടിൽ സർക്കാരിന് നൽകിയിട്ടുള്ള ചുമതലകൾ താഴെ പറയുന്നതാണ്.
ഭരണസമിതിയെ നോമിനേറ്റ് ചെയ്യുക ,
ഭരണസമിതിയെ പിരിച്ചു വിടുക, അഡ്മിനിസ്ട്രേറ്ററെ നിയമിക്കാനുളള~29

പാനൽ തയ്യാറാക്കുക, ജീവനക്കാരുടെ സേവന വ്യവസ്ഥ പ്രതിപാദിക്കുന്ന റഗുലേഷൻ ഭരണസമിതി സമർപ്പിക്കുന്നത് അംഗീകരിക്കുക, ആക്ടിന്റെ ലംഘനം ഉണ്ടായാൽ ഇടപെടുക എന്നിവ മാത്രം.

ദേവസ്വം കമ്മീഷണർ എന്ന ഗവൺമെന്റ് ഉദ്യോഗസ്ഥന് ആക്ട് നൽകിയിട്ടുളള ചുമതലകൾ താഴെ പറയുന്നു.~30

കമ്മിറ്റി രൂപീകരിക്കപ്പെടാത്ത അവസരത്തിൽ 6 മാസത്തിൽ കൂടാത്ത കാലയളവിൽ 3 സ്ഥിരം അംഗങ്ങളോടൊപ്പം ഭരണസമിതിയുടെ പ്രവൃത്തി നടത്തുക.
ദേവസ്വത്തിന് ആവശ്യം വന്നാൽ 5000 രൂപയിൽ കൂടുതൽ വിലയുള്ള സ്ഥാവര ജംഗമ സ്വത്തുകൾ~31

( വിൽക്കാൻ ഭക്തജനങ്ങളുടെ അഭിപ്രായം തേടിയ ശേഷം അംഗീകാരം നൽകുക. ജീവനക്കാരുടെ
തസ്തിക സൃഷ്ടിക്കാൻ അനുവാദം നൽകുക. ബഡ്ജറ്റ് പരിശോധിച്ച് അംഗീകാരം നൽകുക. ഓഡിറ്റ് റിപ്പോർട്ടിൽ നടപടി സ്വീകരിക്കുക.
5 ലക്ഷം രൂപയിൽ കൂടുതൽ വരുന്ന~32

മരാമത്ത് പണികൾക്ക് സാമ്പത്തിക അനുവാദം നൽകുക.
ഇവയല്ലാതെ മറ്റൊരു അധികാരവും കമ്മീഷണർക്ക് ഇല്ല.

ദേവസ്വം ധനം മറ്റേതെങ്കിലും കാര്യത്തിന് വിനിയോഗിക്കാൻ ഉത്തരവിടാൻ കമ്മീഷണർക്ക് അധികാരം നൽകിയിട്ടില്ല.~33

ആക്ട് വ്യവസ്ഥ ചെയ്യുന്ന ചുമതലകൾ അല്ലാതെ മറ്റ് അധികാരങ്ങൾ ഗവൺമെന്റിനോ കമ്മീഷണർക്കോ ഇല്ല.
ഹിന്ദു മത സമുദായ അംഗം ഭരണസമിതി അംഗമായാൽ മതപരമായ കാര്യങ്ങൾ നിർവ്വഹിക്കാനാണ് തന്നെ നിയോഗിച്ചതെന്നും മതേതരമായ~34

കാര്യത്തിനല്ല തന്റെ നിയമനo എന്നും അറിയുക. ഭരണഘടനയ്ക്കും ആക്ടിനും വിരുദ്ധമായി പ്രവർത്തിക്കലല്ല ചുമതല . വേലി തന്നെ വിളവ് തിന്നരുത്.
ഇവിടെ വായിച്ചതിൽ നിന്ന് ഭരണഘടനയുടെ ആർട്ടിക്കിൾ 25, 26 മൂലമാണ് സംസ്ഥാന സർക്കാർ ഇത്തരം ഭരണസമിതി രൂപീകരിക്കാൻ~35

ഇടയാകുന്നതെന്നും അത് കേന്ദ്രസർക്കാരോ മറ്റോ നിർവ്വഹിക്കുന്നതാണ് നല്ലതെന്നും തോന്നുന്നു എങ്കിൽ ഭരണഘടന ഭേദഗതി ചെയ്യണം. അതിന് ലോക്‌സഭ രാജ്യസഭ എന്നിവയിൽ വൻ ഭൂരിപക്ഷം അംഗങ്ങൾ അനുകൂലിക്കണം. ചിന്തിക്കുക......
പൊതു ക്ഷേത്രങ്ങളുടെ~36

അധികാരിയും അവകാശിയും ഭരണഘടന പ്രകാരം താൻ ആണെന്ന് ഓരോ ഹിന്ദു മത സമുദായ അംഗവും അറിഞ്ഞ് നിയമ വിരുദ്ധ പ്രവർത്തനങ്ങളെ നിയമപരമായി എതിർക്കണം.

അല്ലാതെ മറ്റു മതസ്ഥർ പണം വകമാറ്റി ചെലവഴിച്ചാൽ ക്ഷേത്ര സ്വത്തും വകമാറ്റി ചെലവഴിക്കാം~37

എന്നൊന്നും ചാനൽ ചർച്ചകളിൽ അഭിപ്രായപ്പെടരുത്.

*നിയമപരമായി മാത്രം സംസാരിക്കുക. അതിന് മലയാളം അറിയുന്ന എല്ലാ ഹിന്ദു മത സമുദായ അംഗങ്ങൾക്കും അറിവ് നൽകാൻ ഇത് പരമാവധി ആൾക്കാരിലേക്ക് പങ്കു വയ്ക്കണം.*🙏🏻~38/38

സ്നേഹപൂർവ്വം
ഒരു അഭിഭാഷകൻ..