Thread by @Soma70317358

ரஜினி என்ற பிம்பம் ஏன் உடைந்தது?

ரஜினி உண்மையிலேயே ஒரு கட்சியை ஆரம்பித்து மாநிலம் முழுதும் சூறாவளி சுற்றுப்பயணம் செய்திருந்தாலுமே தமிழக அரசியலில் அவர் எந்த மாற்றத்தையும் கொண்டுவந்திருக்கமாட்டார் என்பது பலருக்கும் தெரிந்த உண்மை.
1/9

இந்திய அரசியலில் நிலைத்து நிற்பதற்குத் தேவையான எதுவுமே ரஜினியிடம் இல்லை. கமலிடமும் இல்லை என்பது வேறு விஷயம். ஆனால் ஊடகங்களால் கொண்டாடப்பட்ட ரஜினியிடம் ஒன்றுமே இல்லை என்பதுதான் உண்மை.
2/9

திரைப்படம் ஒன்றில் பால் கறந்துகொண்டே பணக்காரன் ஆவதுபோல, ஆடிப் பாடிக்கொண்டே கோட்டையைப் பிடித்துவிடலாம் என்ற கனவை யாரோ ரஜினியிடம் விற்றிருக்கவேண்டும்.
3/9

அந்தக் கனவை அவர் துரதிருஷ்டவசமாகத் தானும் நம்பி, தன் ரசிகர்களிடமும் விற்றார். இப்போது அனைவரும் ஏமாந்துபோயுள்ளனர்.
4/9

சினிமாக்காரர்களை அழைத்து வந்தால் கூட்டம் வரும் என்பது பெரும்பாலும் உண்மைதான். ஆனால் ரஜினி வந்தால் கூட்டம் மட்டுமல்ல, வோட்டும் வரும் என்று பாஜக நம்பியதாகத் தெரிகிறது. அதனால் பல முறை அவரை அழைத்தார்கள். தொடர்ந்து அழைத்தார்கள்.
5/9

பாஜகவில் சேர்ந்தால் அந்தக் கட்சியின் காவி வண்ணம் தன்மீது பட்டுவிடும் என்று அவர் கடைசிவரை தயங்கினார். அதே நேரம், அவர் பேசிய சில வார்த்தைகளைக் கொண்டு அவரை 'பாஜகவின் பி டீம்' என்றே பலர் கேலி பேசினார்கள்.
6/9

பாஜக கட்சியில் ரஜினி சேராவிட்டாலும் பரவாயில்லை, அவர் ஒரு கட்சியைத் தொடங்கினால், அந்தக் கட்சியுடன் கூட்டணி சேர்ந்து தேர்தலை சந்திக்கலாம் என்று பாஜக விரும்பியதாகத் தெரிகிறது.

இப்போது அதுவும் கிடையாது. எனவே வெளியில் இருந்தபடி பாஜகவுக்கு ஆதரவு தரவேண்டும் என்று
7/9

பாஜக அவரைக் கெஞ்சப் போகிறது. பாஜகவுக்கு இது ஒரு பாடம்.

இன்றைக்கும் தமிழகத்தில் பாஜக சிறிய கட்சியாகத்தான் இருக்கிறது. நோட்டாவுடன் போட்டி போடும் கட்சி என்றுதான் பலரும் பாஜகவைக் கேலி செய்கிறார்கள்.
8/9

இன்றைக்கு பாஜகவின் தேவை, தன் கட்சியை மேலும் மேலும் வலுப்படுத்தி, அதிக எண்ணிக்கையிலான அடிப்படை உறுப்பினர்களைச் சேர்ப்பதே.

ரஜினி அதற்கு உதவப்போவதில்லை. ரஜினி வரப்போகும் தேர்தலில் யாருக்காகவும் குரல் கொடுக்கமாட்டார் என்பதே உண்மை.
9/9

Courtesy: BBC Tamil