Thread by @Arshe530

پی ٹی آئی فارن فنڈنگ کیس کا
مختصر احوال

پاکستان تحریک انصاف (PTI) کے چیئرمین اور موجودہ وزیراعظم عمران خان سے پارٹی میں مبینہ اندرونی کرپشن اور سیاسی فنڈنگ سے متعلق قوانین کے غلط استعمال پر اختلاف کے بعد پی ٹی آئی کے منحرف بانی رکن اور درخواست گزار اکبر ایس بابر نے 2014 میں
⬇️

ای سی پی میں غیر ملکی فنڈنگ سے متعلق کیس دائر کیا تھا۔
کیس میں الزام لگایا گیا تھا کہ غیر قانونی غیر ملکی فنڈز میں تقریباً 30 لاکھ ڈالر 2 آف شور کمپنیوں کے ذریعے اکٹھے کیے گئے اور یہ رقم غیر قانونی طریقے 'ہنڈی' کے ذریعے مشرق وسطیٰ سے پی ٹی آئی ملازمین کے اکاؤنٹس میں بھیجی گئی۔
⬇️

ان کا یہ بھی الزام تھا کہ جو فنڈز بیرونِ ملک موجود اکاؤنٹس حاصل کرتے تھے، اسے الیکشن کمیشن میں جمع کروائی گئی سالانہ آڈٹ رپورٹ میں پوشیدہ رکھا گیا۔
بعد ازاں ایک سال سے زائد عرصے تک اس کیس کی سماعت ECP میں تاخیر کا شکار رہی تھی کیونکہ PTI کی جانب سے اکتوبر 2015 میں اسلام آباد
⬇️

ہائی کورٹ میں ایک درخواست دائر کی گئی کہ اس کے اکاؤنٹس کی جانچ پڑتال سے ECP کو روکا جائے۔
جس کے بعد فروری 2017 میں اسلام آباد ہائی کورٹ نے دائرہ اختیار پر جائزہ لینے کے لیے کیس کو دوبارہ ECP کو بھیج دیا تھا اور اسی برس ستمبر میں ایک حکم جاری کرتے ہوئے PTI کو غیر ملکی فنڈنگ کے
⬇️

زرائع الیکشن کمیشن کو فراہم کرنے کا حکم دیا تھا۔
بعدازاں 12 مارچ 2018 کو الیکشن کمیشن نے تحریک انصاف کے غیر ملکی فنڈنگ کیس کا فیصلہ سناتے ہوئے ایک کمیٹی تشکیل دینے کا حکم دے دیا۔
تاہم 19 مارچ کو الیکشن کمیشن کے 2 نامزد ارکان نے پارٹی اکاؤنٹس کی جانچ پڑتال کے لیے بنائی گئی
⬇️

3رکنی کمیٹی میں شرکت کرنے سے معذرت کر لی تھی۔
بعدازاں 3اپریل 2018کو الیکشن کمیشن کی نئی اسکروٹنی کمیٹی عمل میں آئی جسے ایک ماہ میں تمام امور نمٹانے کی ہدایت کی گئی تھی تاہم جلد ہی اس کے مینڈیٹ میں غیر معینہ مدت تک کے لیے توسیع کردی گئی تھی اور کمیٹی اب تک فارن فنڈنگ کی تحقیقات
⬇️

کر رہی ہے۔ جولائی 2018 میں PTI کے بینک ریکارڈ اور اسٹیٹمنٹ کے لیے کی جانے والی درخواست کی تمام تر کوششوں کے خاتمے کے بعد الیکشن کمیشن نے اسٹیٹ بینک آف پاکستان (ایس بی پی) سے پارٹی کے بینک اسٹیٹمنٹس فراہم کرنے کی درخواست کی تھی۔
جس پر اسٹیٹ بینک کی جانب سے جمع کروائی گئی رپورٹ
⬇️

میں یہ انکشاف سامنے آیا کہ حکمراں جماعت ملک بھر میں 18 خفیہ بینک اکاؤنٹس استعمال کررہی ہے۔
اسٹیٹ بینک نے شیڈول بینکوں سے حاصل کی جانے والی معلومات الیکشن کمیشن میں جمع کروائیں جس میں یہ بات سامنے آئی کہ PTI کے ملک کے مختلف شہروں میں کل 26 بینک اکاؤنٹس ہیں لیکن الیکشن کمیشن میں
⬇️

جمع کروائی گئی معلومات میں صرف 8 کے بارے میں بتایا گیا۔
دیگر 18 بینک اکاؤنٹس جعلی یا غیر قانونی اکاؤنٹس کے زمرے میں آتے ہیں کیوں کہ پی ٹی آئی نے انہیں قانون کے تحت الیکشن کمیشن میں جمع کروائی گئی سالانہ آڈٹ رپورٹ میں ظاہر نہیں کیا۔
دوسری جانب فارن فنڈنگ کیس کے دائر ہونے
⬇️

کے بعد سے PTI کی جانب سے تحقیقات کو روکنے، اسے خفیہ رکھنے اور کمیٹی کی تشکیل کے خلاف سمیت متعدد درخواستیں دائر کی گئیں جن میں اکثر مسترد ہوگئیں۔
کمیٹی کے قیام کے ایک ماہ بعد ہی 17 مئی 2018 کو PTI نے الیکشن کمیشن میں اس کیس کی کارروائی خفیہ رکھنے کا مطالبہ کیا تھا۔
⬇️

بعدازاں PTI کی غیر ملکی فنڈنگ کیس کا جائزہ لینے کے لیے ECP کا اجلاس تقریباً 17 ماہ بعد یکم اکتوبر 2019 کو ہوا تھا جس میں اکاؤنٹس کے آڈٹ پر حکمراں جماعت کی جانب سے کیے گئے اعتراضات کی 4 اپیلوں پر فیصلہ محفوٖظ کیا گیا جسے 10 اکتوبر کو سناتے ہوئے ان درخواستوں کو مسترد کردیا تھا۔
⬇️

بعدازاں سال 2019 میں بھی غیر ملکی فنڈنگ کیس کی جانچ پڑتال میں رازداری کے لیے پارٹی کی جانب سے4 درخواستیں دائر کی گئیں جنہیں الیکشن کمیشن نے 17دسمبر 2019 کو مسترد کردیا تھا۔
علاوہ ازیں PTI نے 7 نومبر 2019 کو الیکشن کمیشن کی جانب سے کمیٹی کے قیام کے فیصلے کو اسلام آباد ہائی کورٹ
⬇️

میں چیلنج کرتے ہوئے مؤقف اختیار کیا تھا کہ الیکشن کمیشن کی تشکیل مکمل نہیں ہے اس لیے غیر ملکی فنڈنگ کی اسکروٹنی کے لیے قائم خصوصی کمیٹی کو کام سے روکا جائے۔
اس کے چند روز بعد ہی اسکروٹنی کمیٹی کے 12 نومبر کو مقرر کردہ اسکروٹنی اجلاس سے ایک روز قبل PTI نے غیر ملکی فنڈنگ کے
⬇️

ذرائع کی تحقیقات روکنے اور ECP کا 10 اکتوبر کا حکم معطل کرنے کی ایک اور درخواست دائر کردی تھی۔
تاہم 17 دسمبر 2019 کو اسلام آباد ہائی کورٹ نے اسکروٹنی کمیٹی کی تشکیل کے خلاف دائر درخواست کو مسترد کردیا تھا۔
اس کے علاوہ الیکشن کمیشن نے 21 نومبر 2019 کو PTI کے خلاف درج فارن فنڈنگ
⬇️

کیس کی اسکروٹنی روزانہ کی بنیاد پر کرنے کا حکم دیا تھا لیکن چیف الیکشن کمشنر کی تعیناتی کے سلسلے میں حکومت اور اپوزیشن کے مابین ڈیڈ لاک کے باعث بھی یہ معاملہ تاخیر کا شکار ہوا
جون 2020 تک مذکورہ کمیٹی کے 70 اجلاس ہوچکے تھے لیکن اس وقت تک کمیٹی انکوائری مکمل کرنے اور ECP میں اس
⬇️

کی رپورٹ جمع کروانے میں ناکام رہی تھی۔
جس پر کمیٹی کو اپنی رپورٹ جمع کروانے کے لیے ایک ہفتے حتمی مہلت دی گئیں، جسے بعد میں 17 اگست تک توسیع دے دی گئی اس کے نتیجے میں 13 اگست کو کمیٹی نے اپنی تحقیقات مکمل کیں۔
تاہم 21 ستمبر کو ECP نے فارن فنڈنگ کیس میں اسکروٹنی کمیٹی کی جانب سے
⬇️

جمع کروائی گئی 'نا مکمل' رپورٹ مسترد کرتے ہوئے کہا کہ رپورٹ نہ تو مکمل تھی اور نہ ہی تفصیلی تھی۔
کیس کی سماعت تاحال الیکشن کمیشن میں جاری ہے جس میں تازہ ترین پیش رفت 24 دسمبر 2020 کو سامنے آئی اور حکمراں جماعت اکاؤنٹس کے آڈٹ کرنے والے الیکشن کمیشن آف پاکستان کی اسکروٹنی کمیٹی
⬇️

کے پاس مزید دستاویزات جمع کرا دی تھیں۔
اس کیس میں سب سے دلچسپ موڑ چند روز قبل 13 جنوری کو سامنے آیا جب اسکروٹنی کمیٹی کے سوال نامے کے تحریری جواب میں PTI نے یہ وضاحت پیش کی کہ اگر عمران خان کی تحریری ہدایت کے بعد رجسٹرڈ ہونے والی دو امریکی کمپنیوں نے کوئی فنڈز غیر قانونی طور
⬇️

پر اکٹھے کیۓ ہیں تو اس کی ذمہ داری ان کمپنیوں کا انتظام سنبھالنے والے ایجنٹس پر عائد ہوتی ہے۔

موضوع سے ہٹ کر صرف ایک سوال : اگر فارن فنڈنگ کیس میں PTI پر پابندی لگا دی جاتی ہے تو پاکستان کو اس نہج تک پہنچانے کا ذمہ دار کون ہوگا ؟؟
کیا وہ غدار وطن نہیں کہلائے گا ؟؟