Thread by @IAAAAI3

Gaurko #ArkeologiaOstegun honetan kontrol arkeologikoen garrantziaz kontzientziatu nahi zaituztegu. Horretarako, kasu berezi bat ekarri nahi dizuegu; testuingurutik kanpo dauden materialak besterik ez ditugunez, interpretazio egokia egin ezin daitekeen aztarnategi baten kasua.

🏗️Beste garai bateko kasu bat da, gauzak beste modu batera egiten zirenean, baina tristea da gaur egun aztarnategi askok segimendu arkeologiko egokirik ez izatea, eta, beraz, aztarnategi batzuk osorik galtzea. Gaur Salbatierrabideri buruz hitz egingo dizuegu.

⛏️Aztarnategi hau 1918an aurkitu zuen Jose Migel Barandiaranek, Marianista Anaiek partzialki industua zegoelarik. Mendizabalako muinoaren iparraldean hondarra ateratzeko egin ziren lanen ondorioz suntsitu zen.

📰José Miguel Ugartecheak aztarnategi horri buruz zeuden berri guztiak bildu zituen eta bertako material arkeologikoak aztertzeari ekin zion, bere ikerketen berri emanez EAAko 2. alean (

https://twitter.com/IAAAAI3/status/1357632867648569344?s=20

)

Zoritxarrez, aztarnategi horretan aurkitutako materialetako batzuk galdu egin ziren, eta gerra zibilean, Jose Migel Barandiaranen landa-kuadernoa desagertu egin zen.

✒️Domingo Fernandez de Leceta Medranoren lana eskertu behar dugu, bertako materialen berri eman baitzuen "Arabako Arkeologia Museo Probintzialaren inbentarioa"-n.

Marianista Anaiek hiru maila arkeologiko bereizi zituzten: errausketa hilobiak eta Brontze Aroko hondakinak, Burdin Aroko objektuak eta Erromatar garaiko objektuak zituen estratu beltza.

🏺Azken etapa honetan zentratuko gara. Bertan, zutabe oinarrien bi zati eta Terra Sigillata zeramikaren tipologia ezberdin asko aurkitu ziren (italikoa, galikoa eta hispanikoa, egileen arabera): anforak, platerak, katiluak…

📝Kontserbatutako zeramikaren zati handi bat berantiarra zen (K.o. III-V. mendeak). Horretaz gain, buztinlariaren marka batzuk eta grafito batzuk agertu ziren: VTINII, PRIMITIaNI edo VICII, besteak beste.

🗝️🔪Metalezko elementuei dagokienez, hainbat giltza eta lantza punta bat nabarmendu nahi ditugu. Horiekin batera, egileek modernoak deritzoten beste objektu batzuk ere aurkitu ziren (dardo puntak, uztaiak, kakoa eta puntzoia).

🧱Hainbat motatako adreiluak (batzuk hypocaustum bat eraikitzeko, azpitik aire beroko sistema bat duen gela bat) eta 3 errota jaso ziren, beste 4 zatieekin batera.

👛15 txanpon dokumentatu ziren, horietatik 9 erromatarrak zirelarik. Hauek Augustoren brontze batetatik Konstantinoren 5 brontzeraino zihoazen. Labana bat nabarmendu behar da; Gilek scramasax bat dela dio baina beste egile batzuen ustez, labana berantiar bat besterik ez da.

☠️Azkenik, ehorzketa berantiarren bat induskatu zuten, baina ikus dezakezuenez, oso informazio gutxi daukagu.

Beraz, Erromatar garaiko bi fase dituen aztarnategi batez hitz egin dezakegu: bata, goi-inperiokoa, eta bestea, erromatar berantiarrekoa. Hala ere, ezin da jarraitutasunik ezarri kontserbatzen diren datuekin.

💪Lanbideko enpresa eta autonomo askok egiten duten lana azpimarratu nahi dugu, askotan aztarnategi eta aurkikuntza arkeologiko batzuk kontserbatu eta dokumentatu ahal izateko borrokatu behar izaten baitute. Hari hau haiei eskainita dago.

Bibliografia eta argazkiak:
- academia.edu/45057311/Notas…
- Algunos elementos metálicos de equipo militar romano en Álava. iaa-aai.org/antbuspre.asp?…
- La Romanización en Álava. web.araba.eus/eu/arkeologia-…

@threadreaderapp unroll please!