Thread by @ramandialnet

புதுச்சேரியில் நடைபெற இருக்கும் சட்டமன்ற தேர்தலை முன்னிறுத்தி திமுகவும், காங்கிரஸ் கட்சியும் தங்களது சுயநலமிக்க தவறுகளை மூடி மறைத்து, உண்மைக்கு புறம்பாக பல்வேறு விஷயங்களை பேசி வருவது நாடகத்தனமாக இருக்கிறது. நியமன சட்டமன்ற உறுப்பினர்கள் மூலம் மெஜாரிட்டி இல்லாத அரசை தக்க வைத்த

நாடகத்தை துவக்கி வைத்ததே #திமுகதான்.
இன்றைய தினம் நியமன சட்டமன்ற உறுப்பினர்களின் நியமனத்தைப்பற்றியும் அவர்களுக்குள்ள அதிகாரத்தைப் பற்றியும் பேச திமுகவிற்கு #எந்தவிதமான அருகதையும், தகுதியும் இல்லை.
1990ம் ஆண்டு புதுச்சேரி மாநிலத்தில் நடைபெற்ற சட்டமன்ற தேர்தலில் திமுக தலைமையில்

ஆட்சி அமைந்தது. அப்போது திமுக 9 இடங்களிலும், அதன் கூட்டணி கட்சியான ஜனதாதளம் 4 இடங்களிலும், கம்யூனிஸ்ட் கட்சி 2 இடங்களிலும் என மொத்தம் 15 இடங்களில் மட்டுமே அக்கூட்டணி வெற்றி பெற்று ஆட்சி அமைத்தது. எதிர்க்கட்சிகளான காங்கிரஸ் 11 இடங்களிலும், அதிமுக 3 இடங்களிலும், சுயேட்சை

ஒரு இடத்திலும் என மொத்தமாக 15 இடங்களில் வெற்றி பெற்று இருந்தது.
மத்தியில் 1990ல் திமுக கூட்டணியில் திரு.#விபிசிங் அவர்கள் ஜனதாதள கட்சி சார்பில் பிரதமராக இருந்தார். அப்போது மத்திய அமைச்சராக திரு.முரசொலி மாறன் இருந்தார். மத்தியில் இருந்த ஆட்சியைப் பயன்படுத்தி

புதுச்சேரியில் திமுக தனது அரசின் மெஜாரிட்டியை தக்க வைத்துக் கொள்ள இரவோடு இரவாக திமுகவைச் சேர்ந்த திரு.நாஜிம், திரு.கேசவன், திரு.பெரியநாயக்கர் சாமி ஆகிய மூவரையும் நியமன எம்.எல்.ஏ.க்களாக மத்திய அரசு நியமித்தது. அடுத்த நிமிடமே அப்போது துணை நிலை ஆளுனராக இருந்த திருமதி.சந்திரவதி

அவர்கள் ராஜ்நிவாஸில் பதவிப் பிரமாணமும் செய்து வைத்தார். மறுநாள் மூன்று நியமன எம்.எல்.ஏ.க்களுக்கு வாக்குரிமை அளிக்கப்பட்டு #மைனாரிட்டி திமுக அரசை மெஜாரிட்டி அரசாக திமுக மாற்றிக் கொண்டது.
1990ம் ஆண்டே ஜனநாயகத்திற்கு விரோதமாக இரவோடு இரவாக நியமன எம்.எல்.ஏ.க்களை நியமனம் செய்து,

அவர்களை துணை நிலை ஆளுனரை வைத்து பதவிப்பிரமாணமும் செய்ய வைத்து, அர்களுக்கு வாக்குரிமையையும் வழங்கி தனது அரசை குறுக்கு வழியில் காப்பாற்றிக்கொண்டது திமுக. ஆனால் இன்றைய தினம் திமுக அமைப்பாளர் நியமன எம்.எல்.ஏ.க்கள் விஷயத்தில் திடிரென ஞானோதயம் வந்ததைப்போன்று வாய்க்கு வந்ததை

சிறுபிள்ளைத்தனமாக உளறுகிறார்.
1990ம் ஆண்டு நடந்த இந்த ஜனநாயகப் படுகொலையின்போது தற்போதைய திமுக அமைப்பாளர் வாக்குரிமைகூட இல்லாதவராக இருந்திருப்பார். அதனால்தான் அவருக்கு திமுகவின் ஜனநாயகப்படுகொலையைப்பற்றி தெரியாமல் தேர்தல் ஆணையத்திடம் நியமன எம்.எல்.ஏ.க்களின் நியமனம் குறித்து புகார்

அளிப்பதாக கூறுகிறார்.
புதுச்சேரி மாநிலத்தில் சட்டமன்றத்திற்குள் நியமன எம்.எல்.ஏ.க்களை புகுத்தி ஜனநாயக படுகொலைக்கு முதன்முதலில் #வித்திட்டதே திமுகதான்.
அரசியல் வரலாறு புரியாமல் அவரது கட்சித்தலைவர் ஸ்டாலின்போன்றே முன்னுக்குப்பின் முரணாக
#புதுச்சேரி திமுகவும் பேசி வருகிறது.

தமிழகத்தில் 50 சதவீதத்திற்கு மேல் மருத்துவ கல்லூரியில் இட ஒதுக்கீட்டையும் அரசின் இட ஒதுக்கீட்டில் ஏழரை சதவீதம் அரசுப்பள்ளி மாணவர்களுக்கு தமிழக முதலமைச்சர் மாண்புமிகு இபிஎஸ் அவர்கள் வரலாற்று சிறப்பு மிக்க செயலை செய்துள்ளார். அதற்கும் திரு ஸ்டாலின் அவர்கள் என்னால்தான்

இந்த திட்டத்தை முதல்வர் கொண்டுவந்தார் என்கிறார். அதேபோன்று தமிழகம் முழுவதும் விவசாயிகளின் நலனிற்காக 12 ஆயிரம் கோடி விவசாய பயிர்க்கடனை மாண்புமிகு தமிழ்நாடு முதல்வர் இபிஎஸ் தள்ளுபடி செய்தபோதும் வெட்கமே இல்லாமல் இதுவும் என்னால்தான் தமிழக முதல்வர் இபிஎஸ் செய்தார் என்று

திரு ஸ்டாலின் கூறுகிறார்.
தமிழக அதிமுக அரசால் நிறைவேற்றப்படும் பல்வேறு வரலாற்று சிறப்பு மிக்க திட்டங்களை திமுக ஆட்சியில் இருக்கும்போது செயல்படுத்தாமல் #விட்டுவிட்டு இன்று மக்கள் நலனிற்காக அல்லும்பகலும் அயராது சிந்தித்து திட்டங்களை தமிழக அதிமுக அரசு நிறைவேற்றும்போது

எல்லாமே என்னால்தான் என்று திமுக தலைவர் ஸ்டாலின் கூறுகிறார். விட்டால் அதிமுக அரசே தமிழகத்தில் என்னால்தான் அமைந்தது என திமுக தலைவர் ஸ்டாலின் கூறினாலும் கூறுவார்.
திமுக ஆட்சியில் விஞ்ஞான ரீதியில் ஊழலும், முறைகேடுகளும் லஞ்ச லாவண்யங்களும் செய்த திமுகவினர் இன்று எல்லாவற்றையும்

மறைத்துவிட்டு உத்தமர் வேஷம் போடுகின்றனர். திமுக தலைவர் ஸ்டாலினை பின்பற்றி புதுச்சேரி திமுகவும் நியமன எம்.எல்.ஏ.க்கள் விஷயத்தில் தங்களது ஜனநாயக படுகொலையை மூடி மறைக்க முழு பூசணிக்காயை ஒரு பிடி சாதத்தில் மறைக்க பார்க்கிறது.
அதேபோன்று மத்தியிலும், மாநிலத்திலும் நீண்டகாலம் ஆட்சியில்

இருந்த திமுகவும், காங்கிரசும் புதுச்சேரி மாநிலத்திற்கு மாநில அந்தஸ்தை வழங்காமல், மத்திய நிதி கமிஷனிலும் புதுச்சேரியை சேர்க்காமல் மிகப்பெரிய துரோகத்தை புதுச்சேரி மாநிலத்திற்கு இழைத்தனர். ஆனால் இன்று தேர்தல் வரும் இந்நேரத்தில் மாநில அந்தஸ்தைப்பற்றி திமுகவும், காங்கிரசும்

பேசுவது கடைந்தெடுத்த அயோக்கியத்தனமான செயலாகும். மாநில அந்தஸ்தைப்பற்றி பேசும் #உரிமையோ_தகுதியோ திமுகவிற்கும், காங்கிரசுக்கும் இல்லை.