Thread by @Pyara_PAK

اپنی بیٹی سے میری شادی کر دو

جُلیبیب رضی اللہ عنہ ایک انصاری صحابی تھے، نہ مالدار تھے، نہ کسی معروف خاندان سے تعلق تھا۔صاحبِ منصب بھی نہ تھے۔ رشتہ داروں کی تعداد بھی زیادہ نہ تھی۔ رنگ بھی سانولا تھا۔ لیکن اللہ کے رسول ﷺ کی محبت سے سرشار تھے۔بھوک کی حالت میں پھٹے

پرانے کپڑے پہنے اللہ کے رسول کی خدمت میں حاضر ہوتے، علم سیکھتے اور صحبت سے فیض یاب ہوتے۔
ایک دن اللہ کے رسول ﷺ نے شفقت کی نظر سے دیکھا اور ارشاد فرمایا:۔ "جلیبیب! تم شادی نہیں کرو گے"۔
جلیبیب رضی اللہ عنہُ نے عرض کیا: اللہ کے رسول! مجھ جیسے آدمی سے بھلا کون شادی کرے گا؟

اللہ کے رسول ﷺ نے پھر فرمایا" تم شادی نہیں کرو گے"۔ اور وہ جواباً عرض گزار ہوئے کہ اللہ کے رسول ﷺ! بھلا مجھ سے کون شادی کرے گا؟ نہ مال نہ جاہ و جلال!!۔
اللہ کے رسول ﷺ نے تیسری مرتبہ بھی ارشاد فرمایا : "جلیبیب ! تم شادی نہیں کرو گے؟"۔
جواب میں انہوں نے پھر وہی کہا: اللہ کے

رسول ﷺ! مجھ سے شادی کون کرے گا ؟ کوئی منصب نہیں ، میری شکل بھی اچھی نہیں، نہ میرا خاندان بڑا ہے اور نہ مال و دولت رکھتا ہوں۔۔ ۔ ۔ ۔
اللہ کے رسول ﷺ نے ارشاد فرمایا:
" فلاں انصاری کے گھر جاؤ اور ان سے کہو کہ اللہ کے رسول ﷺ تمھیں سلام کہہ رہے ہیں اور فرما رہے ہیں کہ

اپنی بیٹی سے میری شادی کر دو "۔
جلیبیب رضی اللہ عنہُ خوشی خوشی اس انصاری کے گھر گئے اور دروازے پر دستک دی۔ گھر والوں نے پوچھا: کون؟ کہا :جلیبیب رضی اللہ عنہُ ۔ گھر والوں نے کہا :ہم تو تمھیں نہیں جانتے، نہ تم سے کوئی غرض ہے۔خیر گھر کا مالک باہر نکلا، ادھر جلیبیب رضی اللہ

عنہُ کھڑے تھے۔ پوچھا : کیا چاہتے ہو، کدھر سے آئے ہو؟ کہا اللہ کے رسول ﷺ نے تمھیں سلام بھجوایا ہے ۔
یہ سننے کی دیر تھی کہ گھر میں خوشی کی لہر دوڑ گئی۔ اللہ کے رسول ﷺ نے ہمیں سلام کا پیغام بھجوایا ہے۔ارے ! یہ تو بہت ہی خوش بختی کا مقام ہے کہ ہمیں اللہ کے رسول ﷺ نے

سلام کہلا بھیجا ہے۔
جلیبیب رضی اللہ عنہُ کہنے لگے: آگے بھی سنو ! اللہ کے رسول ﷺ نے تمھیں حکم دیا ہے کہ اپنی بیٹی کی شادی مجھ سے کردو۔
صاحب خانہ نے کہا:ذرا انتظار کرو ، میں لڑکی کی ماں سے مشورہ کر لوں۔اندر جا کر لڑکی کی ماں کو پیغام پہنچایا اور مشورہ پوچھا؟ وہ کہنے

لگی : نا نا، نا نا ۔۔۔ قسم اللہ کی ! میں اپنی بیٹی کی شادی ایسے شخص سے نہیں کروں گی:نہ خاندان، نہ شہرت، نہ مال و دولت۔ ۔
ان کی نیک سیرت بیٹی بھی گھر میں ہونے والی گفتگو سن رہی تھی اور جان گئی تھی کہ حکم کس کا ہے؟ کس نے مشورہ دیا ہے؟ سوچنے لگی اگر اللہ کے رسول ﷺ اس

رشتے داری پر راضی ہیں تو اس میں یقیناً میرے لیے بھلائی اور فائدہ ہے۔ اس نے والدین کی طرف دیکھا اور مخاطب ہوئی:۔
کیا آپ لوگ اللہ کے رسول ﷺ کے حکم کو ٹالنے میں ہیں؟ مجھے اللہ کے رسول ﷺ کے سپرد کر دیں ( وہ اپنی مرضی کے مطابق جہاں چاہیں میری شادی کر دیں)،کیونکہ وہ ہر گز

مجھے ضائع نہیں ہونے دیں گے"۔
پھر لڑکی نے اللہ تعالیٰ کے اس فرمان کی تلاوت کی:
اور دیکھو ! کسی مومن مرد و عورت کو اللہ اور اس کے رسول کے "فیصلہ کے بعد اپنے امور میں کوئی اختیار باقی نہیں رہتا"۔
لڑکی کا والد اللہ کے رسول ﷺ کی خدمت میں حاضر ہوا اور

عرض کی: اللہ کے رسول ﷺ! آپ کا حکم سرآنکھوں پر آپ کا مشورہ ، آپ کا حکم قبول، میں شادی کے لیے راضی ہوں۔جب رسول اکرم ﷺ کو اس لڑکی کے پاکیزہ جواب کی خبر ہوئی تو آپ نے اس کے حق میں یہ دعا فرمائی
اے اللہ ! اس بچی پر خیر اور بھلائی کے دروازے کھول دے اور

اس کی زندگی کو مشقت و پریشانی سے دور رکھ"۔
پھر جلیبیب رضی اللہ عنہُ کے ساتھ اس کی شادی ہو گئی۔ مدینہ منورہ میں ایک اور گھرانہ آباد ہوگیا جس کی بنیاد تقویٰ اور پرہیزگاری پر تھی ، جس کی چھت مسکنت اور محتاجی تھی، جس کی آرائش و زیبائش تکبیر وتہلیل اور تسبیح و تحمید تھی۔

اس مبارک جوڑے کی راحت نماز میں اور دل کا اطمینان تپتی دوپہروں کو نفلی روزوں میں تھا۔
رسول اللہ ﷺ کی دعا کی برکت سے یہ شادی خانہ آبادی بڑی ہی برکت والی ثابت ہوئی ۔ تھوڑے ہی عرصے میں ان کی مالی حالات اس قدر اچھے ہو گئے کہ راوی کا بیان ہے
۔" انصاری

گھرانوں کی عورتوں میں سب سے خرچیلا گھرانہ اسی لڑکی کا تھا"۔
ایک جنگ میں اللہ تعالیٰ نے مسلمانوں کو فتح نصیب فرمائی۔ رسول اللہﷺ نے اپنے صحابہ سے دریافت فرمایا:۔
" دیکھو ! تمھارا کوئی ساتھی بچھر تو نہیں گیا؟"
مطلب یہ تھا کہ کون کون شہید ہو گیا ہے؟

صحابی نے عرض کیا : ہاں فلاں فلاں حضرات موجود نہیں ہیں۔
پھر ارشاد ہوا:۔
کیا تم کسی اور کو گم پاتے ہو"۔"
صحابہ نے عرض کیا :نہیں۔
آپ نے فرمایا؛
لیکن مجھے جلیبیب نظر نہیں آرہا،اس کو تلاش کرو؛
چنانچہ ان کو میدانِ جنگ میں تلاش کیا گیا۔

وہ منظر بڑا عجیب تھا۔ میدانِ جنگ میں ان کے اردگرد سات کافروں کی لاشیں تھیں۔ گویا ان ساتوں سے لڑتے رہے اور پھر ساتوں کو جہنم رسید کر کے شہید ہوئے۔اللہ کے رسول ﷺ کو خبر دی گئی۔ رؤف و رحیم پیغمبر تشریف لائے۔ اپنے پیارے ساتھی کی نعش کے پاس کھڑے ہوئے۔ـ منظر کو دیکھا ۔۔ پھر فرمایا:۔

اس نے سات کافروں کو قتل کیا ۔پھر دشمنوں نے اسے قتل کردیا۔ یہ مجھ سے ہے اور میں اس سے ہوں"۔
پھر آپ نے اپنے پیارے ساتھی کو اپنے ہاتھوں میں اٹھایا اور شان یہ تھی کہ اکیلے ہی اس کو اٹھایا ہوا تھا۔صرف آپ کے دونوں بازوؤں کا سہارا اسے میسر تھا؛

جلیبیب رضی اللہ عنہُ کے لیے قبر کھودی گئی، پھر نبی ﷺ نے اپنے دستِ مبارک سے انہیں قبر میں رکھا۔
صحیح مسلم۔2472
(کتاب سنہری کرنیں، از عبدالمالک مجاھد)