ಸಂಸದ @mepratap ಪ್ರತಾಪ್ ಸಿಂಹ ಅವರೇ, ಕ್ರೈಸ್ತ ಮಿಶನರಿಗಳು ಭಾರತಕ್ಕೆ ಬಂದ ಕಾಲದಿಂದ ಅವು ಶೋಷಿತ ಸಮುದಾಯಗಳ ಅಭಿವೃದ್ಧಿಗೆ ಕೆಲಸ ಮಾಡಲಾರಂಭಿಸಿದವು. ಹಿಂದೂ ಧರ್ಮದಲ್ಲಿ ದೇವಸ್ಥಾನ ಪ್ರವೇಶ ನಿರ್ಬಂಧಿಸಿದವರಿಗೆ ಸಮಾನ ಪ್ರಾರ್ಥನೆಯ ಅವಕಾಶ ನೀಡುತ್ತಿದ್ದ ಚರ್ಚ್‌ಗಳು ಆರಂಭವಾದವು. ಚರ್ಚ್‌ಗಳಲ್ಲಿ ಸಮಾನ ಅವಕಾಶವಿದೆಯೆಂದು ತಿಳಿದು ಕೆಲವರು +1 
ಕ್ರೈಸ್ತ ಧರ್ಮಕ್ಕೆ ಮತಾಂತರವಾದದ್ದಿದೆ. ಇದರಲ್ಲೂ ಅಸ್ಪೃಶ್ಯ ಸಮುದಾಯದವರೇ ಹೆಚ್ಚಿನ ಸಂಖ್ಯೆಯಲ್ಲಿ ಮತಾಂತರವಾಗಿದ್ದಾರೆ. ಅಂಬೇಡ್ಕರ್ ಅವರು ಮತಾಂತರವನ್ನು ಸ್ವಾಭಿಮಾನದ ಸಂಕೇತ ಎಂದು ಕರೆಯುತ್ತಾರೆ. ಬಿಡುಗಡೆಯ ಮೊದಲ ಹೆಜ್ಜೆ ಎಂದೂ ಗುರುತಿಸುತ್ತಾರೆ. ಧಾರ್ಮಿಕ ಮತಾಂತರವಾದ ಅಸ್ಪೃಶ್ಯ ಸಮುದಾಯಗಳಲ್ಲಿ ಸ್ವಾಭಿಮಾನದ ಬೆಳೆ ಚಿಗುರದಿದ್ದರೂ +1
ಅವು ಜಾತಿ ತುಳಿತದಿಂದ ತಪ್ಪಿಸಿಕೊಳ್ಳಲು ಸುಲಭ ಮಾರ್ಗವಾಯಿತೆಂಬುದು ಹೆಚ್ಚು ಸಮಂಜಸ. ಧಾರ್ಮಿಕ ಮತಾಂತರದ ನಂತರದಲ್ಲಿ ಅವರ ನಂಬಿಕೆ ಬದಲಾದವೇ ಹೊರತು ಸಾಮಾಜಿಕ, ಶೈಕ್ಷಣಿಕ, ಆರ್ಥಿಕ, ಸ್ಥಿತಿಗಳು ಬದಲಾಗಲಿಲ್ಲ. ಇಂದು ಧಾರ್ಮಿಕವಾಗಿ ಮತಾಂತರವಾಗಿದ್ದರೂ ಅವರ ನಂಬಿಕೆಗಳು ಬದಲಾಗಿವೆಯೇ ಹೊರತು ಸಾಮಾಜಿಕ, ಆರ್ಥಿಕ ಸ್ಥಿತಿಗತಿಗಳಲ್ಲ. ಈಗಲೂ ಅಷ್ಟೇ +1
ಮತಾಂತರವಾದ ಆದಿವಾಸಿಗಳು, ದಲಿತರು, ತಳಸಮುದಾಯಗಳಾದ ತಿಗಳ, ಕುಂಬಾರ, ಅಂಬಿಗ ಇತ್ಯಾದಿ ಸಮುದಾಯಗಳು ಹಿಂದಿನಂತೆಯೇ ಉಳಿದಿದ್ದಾರೆ. ಈ ನಿಟ್ಟಿನಲ್ಲಿ ಒಬ್ಬ ಜನಪ್ರತಿನಿಧಿಯಾಗಿ ಇಂತಹ ಹೇಳಿಕೆ ನೀಡುವುದು ಒಂದು ನಿರ್ದಿಷ್ಟ ಸಮುದಾಯದ ಕುರಿತು ತಮಗಿರುವ ಪೂರ್ವಾಗ್ರಹವನ್ನು ಸೂಚಿಸುತ್ತದೆಯೇ ವಿನಃ ಬೇರೇನೂ ಅಲ್ಲ. - End
• • •
Missing some Tweet in this thread? You can try to
force a refresh
