Thread by @ShafiqueArajput

گندم کا موسم ہے اور گندم کی کٹائی میں بھی تقریباً اتنے ہی دن رہ گئے ہیں جتنے ماہ رمضان میں باقی ہیں۔
پہلی کہانی بھی گندم کی فصل میں رونما ہونے والی لکھنی ہے۔
لانگ مارچ ہوتا تو دھرنا بھی دینا پڑتا تو گندم کی کٹائی کیسے ہوتی؟
روزے کیسے رکھتے؟
لانگ مارچ کو لانگ ٹائم ملتوی سمجھو

شیخ سعدی کی حکایت کچھ یوں ہے کہ گندم کے ایک کھیت میں بٹیروں نے گھر بنایا ہوا تھا فصل پک کر تیار ہو گئی تو کھیت کا مالک اپنے بیٹوں کے ساتھ کھیت کی طرف آیا اور بیٹوں سے مخاطب ہو کر کہا کہ ہمیں گندم کاٹ لینی چاہئے کیونکہ یہ اب پک کر تیار ہو چکی ہے۔
کسان کے بیٹے نے کہا والد محترم

آپ بجا فرما رہے ہیں میں کل ہی اپنے دوستوں کو بلاوں گا ان کی مدد سے ہم فصل کاٹ لیں گے۔
شام کو جب اس کھیت میں بٹیروں کے ماں باپ واپس آئے تو بٹیروں کے بچوں نے پریشانی سے یہ بات اپنے ماں باپ کو سنائی بٹیروں کے باپ نے کہا فکر نہ کرو کل کوئی فصل نہ کاٹے گا ہم اپنی رہائش کا بندوبست

بڑی آسانی سے کر لیں گے۔
اگلے دن کھیت کا مالک اپنے بیٹوں کے ساتھ پھر کھیت کی طرف آیا اور بڑے بیٹے سے کہا کیا بنا تمھارے دوست نہیں آئے۔ بڑے بیٹے نے کہا فلاں دوست کسی شادی میں شریک ہونے چلا گیا فلاں بیمار ہے فلاں کو فلاں کام ہے اس لئے کوئی نہ آسکا۔
اس پر کھیت کے مالک نے دوسرے بیٹے

کی طرف دیکھا اس نے کہا والد محترم کل میں اپنے دوستوں کو بلاوں گا اور وہ ہمارے ساتھ گندم کٹوا دیں گے۔ یہ کہہ کر وہ گھر چلے گئے۔
بٹیرے جو اپنے بچوں کے لئے دانا دنکا اکٹھا کرنے نکل جاتے تھے ان کے بچوں نے پریشانی سے پھر یہ روداد اپنے ماں باپ کو سنائی تو بٹیرے نے کہا فکر نہ کرو کل

پھر اس کھیت کو کوئی نہ کاٹے گا۔ اور ہم اپنے لئے دو تین جگہ دیکھ آئے ہیں بڑے آسانی سے گھر تلاش کر لیں گے۔ اگلے دن پھر کھیت کا مالک اپنے بیٹوں کے ساتھ کھیت کی طرف آیا مگر اس روز منجلے بیٹے کے دوستوں بھی نہ آئے اور منجلے بیٹے نے بھی اپنے دوستوں کے بہانے سنائے۔
اب کہ کسان نے اپنے

چھوٹے بیٹے کی طرف دیکھا اور پوچھا تم کیا کہتے ہو۔
چھوٹے بیٹے نہ کہا والد محترم ہمارے اردگرد کے سب لوگوں نے اپنی اپنی فصل کاٹ لی ہے اب ہماری فصل کھڑی رہی تو بہت نقصان ہو گا۔ یہ فصل ہماری ہے اس کو ہم نے ہی کاٹنا ہو گا۔ بہتر یہ ہوگا کہ ہم تینوں بھائی اور آپ کل صبح اپنی اپنی

درانتی لے کر آئیں اور فصل کاٹ لیں۔ سب نے کہا ٹھیک ہے اور اگلے دن خود ہی فصل کاٹنے کا ارادہ کرکے چلے گئے۔
اس روز جب بٹیروں کے ماں باپ واپس آئے تو بچوں نے ان کو روداد سنائی تو بٹیرا پریشان ہوا اور کہا چلو آج ہی رات اس کھیت سے نکل چلتے ہیں کل اس میں کٹائی شروع ہو جانی ہے۔
کیونکہ

جن کا کام ہے انھوں نے اس کام کو سرانجام دینے کا فیصلہ کر لیا ہے اب یہ کرلیں گے۔
دوستو پیپلزپارٹی نے پنجاب سے آدھی درجن سے بھی کم سیٹیں پنجاب سے جیتی ہوئی ہیں اس کی وجہ سب کو معلوم ہے کہ ان کی کارکردگی کیا تھا ان کو اتنا ہی حصہ ملنا تھا وہ سندھ میں اپنی حکومت کے مزے لے رہے ہیں

جن مسلم لیگ کے دوستوں نے 2018 میں سینیٹر بننا تھا انھوں نے اس وقت پنجاب میں اپنی حکومت ہوتے ہو ہر زیادتی اور لاقانونیت کو نظرانداز کرتے ہوئے سینیٹ کے الیکشن تک احتجاج کرنے سے روکے رکھا حالانکہ دما دم مست قلندر تب بنتا تھا۔ تب ہی ووٹ کی عزت کی جنگ لڑنی بنتی تھی جب آپ کو پناما کی

بجائے اقامہ پر نکالا گیا مگر آخری دن تک آپ نے حکومت کی ثاقب نثار سے پیشگی مبارکباد لے کر تب بھی شہبازشریف صاحب اگلا وزیراعظم بننے کا خواب دیکھتے رہے۔
پھر جب 13 جولائی 2018 کو میاں نوازشریف لاہور ایئرپورٹ پر مریم نوازشریف کے ساتھ اترے تو آپ بھاٹی چوک سے مال روڈ تک نہ آسکے

بار بار آپ نے مواقع ضائع کئے۔ مولانافضل الرحمان نکلے تو میاں نوازشریف کے خط کے باوجود آپ اپنے اپنے لگژری سکواڈ کے ساتھ اسلام آباد مولانافضل الرحمن کے دھرنے میں گئے تقریریں جھاڑیں اور مولانا کو چھوڑ کر اپنے اپنے گھروں کو ہو لئے مولانا فضل الرحمن کیوں نہ کہے کہ استیفے دے کر چلو

اب پھر جب PDM بنا تو پہلے موسم کی شدت کا خیال آ گیا اور دسمبر کا لانگ مارچ فروری میں پہنچا اور فروری سے 26 مارچ۔۔۔
اس مناسبت سے اپنے ایک دوست وکیل شاہ صاحب مرحوم یاد آگئے ان کی پریکٹس نہ ہونے کے برابر تھی مگر روزانہ تیار شیار ہو کر کچہری جاتے تھے۔

کبھی کبھار جب کچہری جانا ہوتا تو شاہ صاحب کو سلام کرنے ان کے دفتر ضرور حاضر ہوتا اور ایک سوال خیریت پوچھنے کے بعد جو ہم پاکستانیوں کا لازمی ہوتا ہے ویسا ہی ان سے پوچھتا شاہ جی سنائیں کام دھندہ کیسا ہے اس سوال کے جواب میں جیسا موسم ہوتا شاہ جی ویسا جواب دیتے مثلاً برسات میں کہتے

آجکل برسات ہے لہذا لوگ بارشوں کی وجہ سے کچہری کی طرف کم ہی آتے ہیں سردیوں میں کہتے سردی بہت شدید ہے لوگ سردیوں میں کچہری کی طرف کم ہی آتے ہیں حالانکہ شاہ صاحب کی پریکٹس ہی نہ تھی بہانے بنا کر خود کو اور ہمیں بھی ٹال دیتے۔

یہ جو لانگ مارچ جنوری پھر فروری میں ہونا تھا جب اس کا سینیٹ کے الیکشن سے پہلے ہونا لازمی بنتا تھا تب آپ نے سینیٹر حضرات کا فرمائشی پروگرام چلا لیا کتنے بنائے؟؟
خیر 2018 میں میاں شہبازشریف صاحب نے جن ووٹ نہ دینے والے سینیٹروں کو بےنقاب کرنے کا اعلان کیا تھا ان کو بےنقاب کرلیا؟

یاد رہے 2018 میں زرداری صاحب نے سنجرانی کو چیئرمین سینیٹ بنایا تھا حالانکہ آپ نے پیش کش کی تھی کہ پیپلزپارٹی کے رضاربانی کو سینیٹر بنوا لیں۔مگر آپ کی پیشکش قبول نہ کی گئی۔
عمران نیازی کی طرح آپ بھی سمجھنا شروع ہو گئے ہیں کہ عوام کی یاداشت کمزور ہوتی ہے۔

آپ 2007 تا 2013 عوام کو لوڈشیڈنگ کے عذاب اور اسی حفیظ شیخ کے رحم کرم پر چھوڑ کر ڈینگی سے جنگ لڑتے رہے لوگ لمبی لمبی لائنوں میں لگے رہے مگر آپ جمہوریت کو مضبوط کرتے رہے مگر جمہوریت تو مضبوط نہ ہوئی پر بچہ جمورا آپ کو مینار پاکستان پر کھڑا ہو کر میموگیٹ سکینڈل کے قصے سناتا رہا

اب میموگیٹ اور کالے کوٹ کی کہانی کیا سنانی۔
پھر آپ نے 2013 جیتا تو یہی بچہ جمورا جو پاشا کی سرپرستی بڑا توانا ہو گیا تھا۔ آپ کو اس نے لوڈشیڈنگ ختم کرنے کے مزے لینے دیئے نہ ہی آپ کی ساری کارکردگی پر آپ کو خوش ہونے دیا۔ اور آپ کہاں اور بچہ جمورا کہاں خود دیکھ لیں۔

کیا جمہوریت مضبوط ہو گئی؟؟
مضبوط نہیں ہوئی بلکہ چلی گئی۔
ساتھ ہی ساتھ آپ کو زرداری کے برابر کھڑا کر دیا۔ اس زرداری کے برابر جس کا کوئی نام لینا بھی پسند نہ کرتا تھا۔ کتنا ظلم کیا۔
آج زرداری کو سب یاد آگیا بلکہ کچھ زیادہ ہی یاد آ گیا۔ آپ بھی کچھ کچھ یاد کیجئے

مولانا فضل الرحمٰن نے کسی بھی پارٹی کی مدد کے بغیر لانگ مارچ کیا؟؟
وہ لانگ مارچ مولانافضل الرحمٰن نے کسی پارٹی کے استیفے لئے بغیر کیوں اکیلے کیا؟
مولانا فضل الرحمٰن کو آپ کیوں مطمئن کر کے لانگ مارچ نہیں کر سکتے جیسے پہلے انھوں نے کیا اور جب آپ کی پارٹی نے "دھوکہ" دیا تھا۔

تب اگر آپ کو مفاہمت درکار تھی تو اب زرداری کو مفاہمت درکار ہوگی۔
زرداری صاحب استیفوں سے کیوں ڈرتے ہیں کیا پیپلزپارٹی میں اب اتنا دم خم بھی نہیں رہا کہ سندھ گورنمنٹ دوبارہ بنا سکے؟

اس لانگ مارچ کو آپ نے مہنگائی مارچ کا نام دیا تھا کیا مہنگائی بھی لانگ مارچ تک ملتوی ہو جائے گی؟؟
کیا نون لیگ اب پنجاب میں بھی دوسروں کی بیساکھیوں پر چلے گی؟؟
یاد رہے عمران نیازی کی تمام تر بربادی و تباہی کے باوجود "عمرانی یوتھیا" اس کے ساتھ کھڑا ہے۔ ایسے ہی "پٹواری یوتھیا" بھی

آپ کے ساتھ کھڑا رہے گا مگر جن کے سوچنے والے پرزے کام کرتے ہیں وہ سوال بھی کریں گے اور بار بار پوچھیں گے جس طرح لانگ مارچ میں نیازی کا کرونا نکل آتا ہے ویسے ہی حسب ضرورت آپ کو عوام کی مہنگائی یاد آتی ہے۔
ایک زرداری نہیں تو باقی کیوں عوام کے نہیں ہو سکتے؟؟

سوال در سوال ہوتے رہیں گے جن کے جواب آپ کو دینے ہوں گے۔