Thread by @RajarajanRj

Why DMK should win? - FAQ

இந்துத்துவ அரசியல் என்றால் தமிழர் பார்வையில் என்ன?

தமிழர் நலன், தமிழர் பண்பாடு, தமிழர் மெய்யியல், தமிழ் மொழி ஆகியவற்றை அழித்து ஹிந்து, ஹிந்து பண்பாடு, ஹிந்து மதம், சமஸ்கிருதம் என மாற்றுவது. சிறுபான்மையினர் மதங்கள், பிற்படுத்தப்பட்ட பட்டியிலின

மக்களுக்கு எதிரான உயர் சாதி ஆதிக்க அரசியல் செய்வது.

இந்துத்துவம் தனது நேரடி எதிரியாக யாரைப் பார்க்கிறது? ஏன்?

இந்துத்துவம் தனது நேரடி எதிரியாக திராவிட கொள்கையை பேசும் கட்சிகளையும்,தமிழர் உரிமை பேசும் கட்சிகளையும், பொதுவுடமை பேசும் கட்சிகளையும் பார்க்கிறது. அதாவது, திமுக, விசிக,

கம்யுனிஸ்ட் கட்சிகளை நேரடி எதிரியாக பார்க்கிறது. அதில் ஆட்சி அதிகாரத்திற்கு வரும் வாய்ப்புள்ள திமுகவை தனது முதல் எதிரியாக பார்க்கிறது.

ஒருவேளை, தமிழ் நாட்டில் திமுக ஆட்சி அமையாவிட்டால் என்ன நடக்கும்?

தமிழ்நாட்டு அரசாங்கத்தை பாஜக தனது நேரடி கட்டுப்பாட்டுக்குள் கொண்டு வரும்.

குஜராத், உத்திரபிரதேசத்தில் நடந்த மத கலவரங்கள் தமிழ்நாட்டிலும் நடக்கும்.

தமிழ் நாட்டில் திமுக ஆட்சி அமைத்தால் என்ன நடக்கும்?

முதலில், தமிழ்நாடு குஜராத் ஆகாமல் தடுக்கப்படும்.
இரண்டாவது, நம்மால் கேள்விக் கேட்க முடிந்தவர்கள் ஆட்சியில் இருப்பார்கள்.

தமிழ் தேசியம் பேசுபவர்கள் கூடத்தான் இந்துத்துவத்தை எதிர்க்கிறார்கள். சங்கிகளும் சீமான், திருமுருகன் காந்தி போன்றோரை எதிர்க்கிறார்களே?

தமிழ் தேசியம் என்று சொல்லி கட்சி நடத்தும் சீமான், திமுகவை தான் தனது எதிரி என்கிறார். எடப்பாடி பழனிச்சாமிக்கு இன்னொரு முறை

வாய்ப்பளிக்கலாம் என்று வெளிப்படையாக பேசியவர் சீமான். அவர் தனது கட்சியான “நாம் தமிழர்” ஜெயிப்பதற்காக அரசியலில் இல்லை. திமுகவை ஆட்சி அமைக்க விடக்கூடாது என்பதற்காக அரசியலில் இருக்கிறார். சீமானும் பாஜகவும் ஒரே குறிக்கோளுக்காவே தமிழ்நாட்டில் அரசியல் செய்கிறார்கள்.

தமிழ் தேசியம் என்ற பெயரில் இயக்கம் நடத்தும் திருமுருகன் காந்தியோ, திமுக கூட்டணியில் இருக்கும் சில கட்சிகளுக்கு ஆதரவு தந்திருக்கிறார். ஆனால், திமுகவிற்கு நேரடியான ஆதரவை தரவில்லை. மாறாக, திமுகவின் எதிரணியில் இருக்கும் அமமுக, SDPI போன்ற கட்சிகளுக்கு ஆதரவை தந்து வாக்குகளை சிதறடிக்க

உதவுகிறார். இவரும் மறைமுகமாக பாஜகவிற்கே உதவுகிறார்.

மூன்றாம் அணி என்று சொல்லிக்கொள்ளும் கமல், தினகரன், விஜயகாந்த் ஆகியோரை ஆதரிப்பதில் என்ன தவறு?

நீங்கள் சொன்ன கமல், தினகரன், விஜயகாந்த் ஆகியோர் பாஜகவை எத்தனை முறை எதிர்த்து பார்த்திருக்கிறீர்கள்? அல்லது பாஜக இவர்களை எங்கேனும்

எதிர்த்துப் பேசி பார்த்தீ்ர்களா? இவர்கள் பாஜக விற்கு அனுகூலமாகவே, தேர்தலிலும், தேர்தலுக்கு பிறகும் இருப்பார்கள்.

நீங்கள் ஏன் பாஜக பாஜக என சொல்கிறீர்கள்? நான் அதிமுக மீண்டும் ஆட்சி அமைக்கவே வாக்களிக்கிறேன். பாஜகவிற்காக இல்லை!

அதிமுக வேறு, பாஜக வேறு என்று நீங்கள் நினைத்தால்,

உங்களை விட அப்பாவி யாரும் இருக்க முடியாது. எடுத்துக்காட்டாக கடந்த நான்காண்டுகளில் அதிமுக அமைச்சர்களாக இருந்த ராஜேந்திர பாலாஜி, மாபா பாண்டியராஜன் ஆகியோர் பேசியதை கேட்டால், இவர்கள் அதிமுகவா? பாஜக வா? என்கிற சந்தேகம் உங்களுக்கு வரும். அதுவுமில்லாமல்,

பாஜக கொண்டு வந்த அனைத்து மக்கள் விரோத, மத வெறி கொள்கையையும் நாடாளுமன்றத்தில் ஆதரித்த கட்சி அதிமுக. ஆக, ஒரு அதிமுக எம்எல்ஏ ஜெயித்தாலும், அது பாஜக எம்எல்ஏ என்றே பொருள்.

அதற்காக இந்து விரோதி திமுகவை ஆதரிக்க சொல்கிறீர்களா?

இந்து விரோதி திமுக அல்ல. பாஜக தான். பணமதிப்பிழப்பு கொண்டு

வந்து அனைத்து இந்துக்களையும் தெருவில் நிறுத்தியது பாஜக தான், ஜிஎஸ்டி கொண்டு வந்து பல வியாபாரிகளின் வயிற்றில் அடித்தது பாஜக தான்.நீட் தேர்வை திணித்து நம் மாணவர்களின் மருத்துவ கனவை சிதைத்தது பாஜக தான். OBC இட ஒதுக்கீட்டை சிதைத்து பிற்படுத்தப்பட்டோர் படிக்க கூடாது என நினைப்பது பாஜக

தான். இப்படி இந்துக்களை படிக்க விடாமல், வேலைக்கு செல்ல விடாமல், நிம்மதியாக வாழ விடாமல் வைத்திருப்பது பாஜகவும் அவர்களின் அடிமை அதிமுகவும் தான். அவர்களை வீழ்த்தி திமுகவை ஆட்சியில் அமர்த்துவதே இந்துக்கள் உட்பட அனைத்து மக்களுக்கும் நல்லது!

சும்மா பாசிச பாஜக வருதுன்னு பூச்சாண்டி காட்டியே திமுகவிற்கு ஓட்டுப்போட சொல்லாதீங்க!

2016 லியே திமுக விற்கு வாக்களியுங்கள், இல்லையெனில் பாசிச பாஜக வந்துவிடும் என்று நாங்கள் சொன்னோம். இருப்பினும் 1.1 சதவிகிதத்தில் திமுக வெற்றி வாய்ப்பை இழந்துவிட்டது. விளைவு, கடந்த நான்காண்டுகள்,

தமிழ்நாட்டின் அரசாங்கம் பாஜகவின் நேரடி கட்டுப்பாட்டுக்குள் போனது. நாங்கள் சொன்னோம், நீங்கள் 2016ல் கேட்கவில்லை. 2021 ல் தவற விட மாட்டீர்கள் என நம்புகிறோம்.

கடைசியாக ஏன் திமுகவிற்கு வாக்களிக்க வேண்டும் என்பதற்கு ஒரே ஒரு காரணத்தை சொல்லுங்கள்?

மேலே பல காரணத்தை ஏற்கனவே சொல்லி

விட்டேன். கடைசியாக ஒன்று. ஒரு மாநிலத்தின் முதலமைச்சர் நூறு நாட்கள் மருத்துவமனைக்குள் இருந்து எப்படி இறந்தார் என்றுக் கூட தெரியவில்லை. அவரது முடிவு, அதற்கு பின்னால், அதிமுகவையும், தமிழ்நாட்டையும் கைப்பற்ற நினைக்கும் பாஜகவை இம்முறை அதிமுக தொண்டனே நிராகரிப்பான். அதையும் தாண்டி,

பாஜக கூட்டணிக்கு வாக்களிக்க நினைப்பவர்கள், அவர்களே குழியை வெட்டி உள்ளே படுக்க தயாராக இருக்கிறார்கள் என்றுப்பொருள்!

தமிழனை காப்பாற்றப் போகும் ஒரே வெளிச்சம் உதயசூரியன் மட்டுமே!

- Rajarajan RJ

#VoteforDMKAlliance