Thread by @VishramParab2

#नाभिक

...एक राजा होता... त्याचं राज्य ऐसपैस होतं... मात्र राजा कधीही राजवाड्यातून बाहेर पडायचा नाही... पण सगळ्या राज्याची खबर ठेवायचा... राज्याची बित्तंबातमी मिळवण्याचा राजाने एक सोपा मार्ग अवलंबला होता... रोज राजाची दाढी करायला, केस कापायला, नखं कापायला एक नाभिक यायचा... राजा

त्या नाभिकाला राज्याची हालहवाल विचारायचा... नाभिकाचा हा कार्यक्रम रोज सकाळी साधारण तासभर चालायचा...
... ह्या नाभिकाची राजाकडे रोज सकाळी सकाळी उठबस असल्यामुळे... राज्यातले इतर मंत्री, सरकारी अधिकारी, पोलीस अधिकारी, उद्योगपती, व्यापारी हे नाभिकाला आपली हजामत करायला बोलवत...
+

त्यांचा हेतू हजामत करून घेण्यापेक्षा... राजाचा आज मूड कसा आहे, राजाला भेटायला कोण येणार आहे, राजाच्या डोक्यात पुढील योजना काय आहेत, राजा ुठे दौर्‍यावर जाणार आहे का... आणि सगळ्यात महत्त्वाचं म्हणजे राजाच आपल्याबद्दल मत कसं आहे हे जाणून घेण्याचा असे... नाभिक आपल्या मगदुराप्रमाणे
+

त्यांना माहिती पुरवत असे... मात्र यामुळे नाभिकाचा राज्यात एक वेगळाच रुतबा होता आणि... कमाई तर विचारू नका...
... हवेशीर बंगला... दारात घोडागाडी... तिजोरीत पैसा अडका सोनं-नाणं... बक्कळ पैसा गाठीला बांधलेल्या त्या नाभिकाला राजाने रोज राज्याची हालहवाल विचारावी आणि... नाभीकाने...
+

प्रजा कशी सुखी आहे... सुसंपन्न आहे... आनंदी आहे... प्रजा कशी आपल्याला आशीर्वाद देते आहे... असे तोंड भरून वर्णन करावे हे ठरलेले होते... ना भिकाच्या वर्णना आपल्या प्रत्येक वाक्याने राजा मनोमन सुखावायचा आणि... नाभिकाला भरपूर मोबदला द्यायचा... अनेक वर्षे हा उपक्रम चालला होता...
+

... एक दिवस ठरल्याप्रमाणे राजाने नाभिकाला राज्याची हालहवाल विचारली आणि... नाभिकाने शिव्यांची लाखोली वहायला सुरुवात केली... प्रजा कशी दुःखी आहे... लोकांच्या हातात पैसा नाही... खाण्याची उपासमार आहे... भिकारी ने कळस गाठला आहे... प्रजेला कशाचाच भरवसा वाटत नाही... राज्य कोलमडायला आलं

आहे... आणि प्रजा तुम्हाला शापते आहे असे नाभिकाने राजाला सांगितले... काल पर्यंत आपल्याला आशीर्वाद देणारी प्रजा आज अचानक शापायला कशी लागली या विचाराने राजा बुचकळ्यात पडला... पण शांत राहिला... आपले काम आटोपल्यावर नाभिक तोंडातल्या तोंडात शिव्याशापांचा वर्षाव करत निघून गेला... राजाने

तातडीने सेनापतीला बोलून घेतलं... झाला प्रकार राजाने सेनापतीच्या कानावर घातला आणि... चौकशी करायला सांगितली...
... दुसऱ्या दिवशी सेनापती हसत-हसत खबर घेऊन आला... दोन दिवसांपूर्वी रात्री नाभिकाच्या घरी प्रचंड मोठी चोरी झाली होती... चोरांनी नाभिकाची तिजोरीच उचलून नेली होती... नाभिक
+

आणि त्याचे कुटुंब घरात झोपलेले असताना... या कानाचे त्या कानाला कळू न देता चोरांनी नाभिकाची जवळपास सगळी संपत्ती साफ करून टाकली होती... आर्थिक दृष्ट्या नाभिक पार कोलमडून पडला होता... आणि त्यामुळे नाभिकाला एका रात्रीत संपूर्ण राज्य कोसळून पडले आहे असे वाटू लागले होते...
+

... दुसऱ्या दिवशी राजाने आपला नाभिक बदलला... आता नव्या नाभिकाकडून तो दाढी केस करून घेऊ लागला... आणि राज्याची हालहवाल देखील नव्या नाभिकालाच विचारू लागला...
...

@MilindG11975687
@thakkar_sameet
@garg_trupti111
@VivekMore1712
@Abcd1234Man
@WaghamareVikas
@C_JackMH26
@PrakashGade13
@ShriRajTripute_
@TheAbhishek_IND
@ABHIca92
@LakhobaLokhande
@DChaurasia2312
@aher_narendra
@omkar_BJP
@BJP4Maharashtra
@BJP4India
@bjp4mumbai