Thread by @Oleshangay

Kituo cha Sheria na Haki za Binadamu tumefarijika sana na Hotuba iliyotolewa na Rais wa Jamhuri ya Muungano wa Tanzania wakati akiwaapisha viongozi mbalimbali wa juu serikalini. Tunatoa taarifa kwa Umma juu ya maswala machache yaliyoangaziwa katika hotuba hiyo ambayo ni pamoja na

Uhuru wa Habari
Kwa miaka kadhaa sasa kumekuwa na malalamiko yenye mashiko kuhusu uhuru wa Habari nchini Tanzania na ambayo kwa kiwango kikubwa ilikiuka katiba ya nchi katika Ibara ya 18. Kipekee kabisa tunamshukuru Rais wa Jamhuri ya Muungano wa Tanzania kutoa maelekezo

Tunaisihi serikali kuharakisha mabadiliko ya sheria na kuondoa viunzi vya sheria zinazotoa mianya kwa mamlaka za mawasiliano, na idara zingine za serikali kuminya uhuru wa habari kinyume na Katiba ya Nchi

Haki elimu
Tunatambua juhudi za serikali katika kuboresha Elimu nchini na kipekee kwa watoto wa kike kupata elimu. Tunatoa rai kwa serikali kuendelea kushughulikia swala la watoto wa kike wanaopata ujauzito bila ridhaa yao kuendelea kupata elimu kwenye shule za umma ama

kuanzishwa mpango maalum katika ngazi ya wilaya ambapo watapata fursa ya kuendelea na elimu katika mfumo rasmi.

Mifumo ya Kodi
Kwa muda sasa, kumekuwa na malalamiko ya wafanyabiashara na wananchi juu ya mifumo ya kodi nchini. Malalamiko haya yalipata nguvu katika Bunge la Tanzania kwamba Mamlaka ya Kodi Tanzania inakusanya kodi kupitia kikosi maalum ambao hawafuati misingi ya sheria na

hivyo kuminya haki za wawekezaji na watanzania. Kituo cha sheria na Haki za Binadamu kinafarijika na wito wa Rais kwa mamlaka za Kodi kuzingatia sheria lakini Wakati huohuo kuangalia uhalisia na kupunguza matumizi ya mabavu.

Tunatoa wito kufanyika kwa mabadiliko ya sheria ya kodi ili kuondoa uwezekano wa watu kubambikiziwa kodi kubwa ama kesi za uhujumu uchumi kama alivyosema Rais.

Ugonjwa wa COVID-19
Kituo cha Sheria na Haki za Binadamu inaungana na serikali hatua madhubuti za kisayansi zichukuliwe ili kuwakinga watanzania na janga la Corona. Tunaisihi serikali kutangaza hatua zaidi za kujikinga wakati Mh Rais akiunda Tume itakayomshauri kuhusu hatua

sahihi za kisayansi za kuchukua ikiwemo haja ya kufikiria kuhusu chanjo kwa wananchi.

Haki ya kuishi na makazi, Ngorongoro
Kituo cha Sheria na Haki za Binadamu kinatambua historia ya Haki za Binadamu Ngorongoro ambayo imekuwa na changamoto nyingi ndani ya takriban miaka sitini ya uwepo wake. Tunatambua maslahi ya kiuchumi kwa nchi, maslahi ya kimataifa kama sehemu

ya urithi wa Dunia lakini kwa Umuhimu mkubwa tunatambua maslahi na Haki za wenyeji wa eneo la Ngorongoro na jukumu lao kufanya eneo la Ngorongoro kuwa na umuhimu iliyonayo.

Tunatambua hali ya Haki za Binadamu katika eneo la Ngorongoro limekuwa likipigiwa kelele kwa muda mrefu sana. Tunatambua mchakato unaoendelea katika hifadhi ya Ngorongoro ikiwemo mapitio ya sera ya ardhi mseto ambayo imelalamikiwa na wananchi wa Ngorongoro kuwa haikuwa sherikishi

Tunaisihi Serikali kuzingatia misingi ya Haki za Binadamu na Haki za kiraia za wenyeji wa enel la Ngorongoro na historia ya miongo sita ambayo haki zao za maendeleo zimebinywa na sera na sheria za mamlaka ya hifadhi ya Ngorongoro katika mchakato huo

Uwajibikiaji
Maendeleo ya taifa lolote inategemea viwango vya ubora wa uwajibikaji iliyonayo, tunaunga mkono maelekezo ya Rais kwa viongozi kuwajibika kutatua kero za wananchi bila kusubiri viongozi wa juu kufika maeneo yao ili kuwasilisha kero hizo. Kituo cha Sheria na Haki za

Binadamu kinaiomba serikali na Mahakama kuifanyia marekebisho makubwa mifumo ya Haki nchini kwani ndio njia pekee na yenye tija ambayo wananchi wengi wanaweza kupata haki zao kwa wakati bila kujali aina ya viongozi wanaowaongoza

Matumizi ya mabavu kwa Uwekezaji

Kituo cha Sheria na Haki za Binadamu kinaamini katika utawala wa sheria, uwajibikaji wa watu na taasisi mbalimbali kwa mujibu wa Katiba na Sheria za nchi. Kituo kinamshukuru Rais kwa kuelekeza viongozi wa serikali wasitumie mabavu kutekeleza

sera na sheria za nchi. Kituo kinaishauri serikali kufanya marekebisho katika sheria ili kuondoa uwezekano wa matumizi mabaya ya madaraka @johnadamtz