Thread by @Hasyaroopam

હોસ્પિટલોની રેમડેસિવિર માટેની વ્યથા પણ સમજવી જરૂરી છે. Thread.

સરકાર એવી જાહેરાતો કરે છે કે અમે હોસ્પિટલોને રેમડેસિવિર આપીએ છીએ પણ હકીકત અલગ છે. એક હોસ્પિટલ કે જેમાં મારા સગાં દાખલ છે તેમને ડોકટરે રેમડેસિવિર આપવાનું કીધું છે. હોસ્પિટલ તરફથી સરકારમાં ઈમેલ અને લિસ્ટ જાય છે. (1/n)

હોસ્પિટલની પાસે 150 દર્દીઓ છે, જેમાંથી લગભગ સોએક લોકોને એની જરૂર હોય છે પણ સરકાર કેટલાં ઇન્જેક્શન આપે છે? માત્ર 27. આજના 27, ગઇકાલે 40 આપેલા, પરમદિવસે 57 આપેલા. પછી છેલ્લી ઘડીએ હોસ્પિટલ દર્દીના સગાંને ફોન કરે કે અમારાથી વ્યવસ્થા થઈ નથી તમે દવા લઈ આવો. (2/n)

ત્યારે લાઈન ના લાગે, કાળા બજાર ના થાય તો શું થાય? સરકારની પેનલના ડોકટરો ભલે કહેતાં હોય કે રેમડેસિવિરથી ફાયદો થતો નથી વગેરે વગેરે પણ દર્દીના સગાં નજર સામે પરિસ્થિતિમાં સુધારો થતાં જુએ છે એનું શું? (3/n)

છ મહિના પહેલાં જ્યારે એક સંબંધી દાખલ થયેલાં ત્યારે ડોકટર એમની 19 વર્ષની છોકરીને જબરદસ્તી રેમડેસિવિર આપવાનું કહેતાં હતાં અને એમણે ના પાડી ત્યારે કહે કે સરકારી પ્રોટોકોલ છે કે દાખલ થયેલાં દર્દીને આપવી જ પડે. તો હવે પ્રોટોકોલ બદલાઈ ગયાં? (4/n)

વળી સરકારી અધિકારીઓ એવી દલીલ કરે છે કે આઇસીયુ, ઑક્સિજન પર કે HDU માં હોય તેવા દર્દીઓને જ રેમડેસિવિર આપીશું. તો શું દર્દીને ઑક્સિજનની જરૂર પડે એવી સ્થિતિમાં પહોંચે ત્યાં સુધી અમારે રાહ જોવાની? (5/n)

ચાલો એ રાહ જોવા પણ તૈયાર થઈએ, પરંતુ પાછળથી જરૂર પડે ત્યારે તમે તાત્કાલિક ઑક્સિજન બેડ આપવાની ગેરંટી આપો છો? ગઇકાલે જ એક સંબંધી માટે વેન્ટિલેટર મેળવવાના હવાતિયાં મારી ચૂક્યા છીએ. એમને ગુમાવી ચૂક્યા છીએ. અને રોજ રેમડેસિવિર માટે ફોન કરીએ છીએ ને ધક્કા ખાઈએ છીએ. (6/n)

આવી સ્થિતિમાં કોઈપણ બાંહેધરી પર કેવી રીતે વિશ્વાસ કરવો? અને રોજેરોજ જ્યાં સરકારી નિયમો બદલાતાં હોય ત્યારે તો એ બિલકુલ જ શક્ય નથી. હા એક સારી વાત થઈ છે એનો સ્વીકાર કરવો રહ્યો, આજે Drive through facility માં ટેસ્ટ કરાવ્યો અને પરિણામ 6-7 કલાકમાં મળ્યું. (7/n)

જે પહેલાં કરતાં ઘણું સારું કહેવાય. અગાઉ 24-36 કલાકે રિપોર્ટ મળતો હતો. પણ રેમડેસિવિરની માથાકૂટ તો ચાલુ જ છે. આશા રાખીએ કે આ અઠવાડિયામાં પરિસ્થિતિમાં સુધારો આવે. (8/8)

#remdesivir #ahmedabad #covid19