Tweet

தமிழச்சி

9 May, 5 tweets, 1 min read

மல்லாங்கிணற்றில் மலரும் மல்லிகைப் பூ போதாதென அருப்புக்கோட்டை அரும்புகளையும்
சேர்த்தெடுத்து
நான் சூட சேமித்து வைப்பாள்.

பசும்பால், தயிர், மஞ்சள், வெண்ணெயென ஊர்ச் சாப்பாட்டை ஒரு வாய் நான் ருசிக்கப்
பல நாள் பக்குவப் படுத்தியிருப்பாள்.
#MothersDay
1/5

சின்ன வெங்காயம், பூண்டுக் குழம்பு,
கருணைக் கிழங்கு மசியலுமான
சோற்றைப் பிசைந்தெனக்கு
ஒரு வாய் ஊட்ட
ஒரு மாதம் காத்திருப்பாள்.

அவளுக்கென தேர்ந்த
வண்ணப் புடவைகளை, கைப்பைகளை, கடிகாரங்களை
கண்கள் விரிய எனக்களிப்பாள்.
2/5

என் துக்கத்தின் ஒரு துளி கண்டால்
மணிக்கொருமுறை
தொலை பேசுவாள்
என் இன்பத்தின் செய்தி கேட்டால் தேன் சிரிப்புடன் மலர்ந்திருப்பாள்.

காடு மேடலைந்து கால் நோக
சம்சாரியாய் நெல் விதைத்துக்
கறவை மாடு, கன்று வளர்த்துப்
பூமி பூக்க எமை வளர்த்தாள்.
3/5

ஆணிவேராய் இருந்து ஆலமர நிழல் தந்த அம்மா நீ இருந்திருக்கக் கூடாதா
இன்னுமொரு ஆறு மாதம்?

பாவிமகள் நானழும் கண்ணீர்
கண்டால் தாங்க மாட்டாய்
காணாமல் உறங்கி விட்டாய்
4/5

ஆறேழு பிறவியில் பற்றில்லை
இற்றைக்கும் எற்றைக்கும்
ஒளிருகின்ற திரு விளக்கே-

இருந்திருக்கக் கூடாதா
இன்னுமொரு ஆறு மாதம்?
5/5

• • •

Missing some Tweet in this thread? You can try to force a refresh

This Thread may be Removed Anytime!

Twitter may remove this content at anytime! Save it as PDF for later use!

More from @ThamizhachiTh

தமிழச்சி

@ThamizhachiTh

24 Dec 20

நூறு ஆண்டுகளுக்கு முன்பு வரை மேடும், பள்ளமுமாயிருந்த தமிழ்நாட்டின் பட்டி தொட்டிக்கெல்லாம் ஈரோட்டிலிருந்து ஒரு பகுத்தறிவுத் தார் ரோடு போட்டது சுயம்புவாய்த் தோன்றிய ஒரு சுயமரியாதைக் கனல்.

வெண்தாடி நெய்த அத் தார்ச்சாலை - திராவிடத்தின் தமிழ்ப் பாதங்களுக்குத் தரு நிழல்;
1/4

ஆரியத்தின் அதிகாரத் தலைப்பாகைக்கோ கொடுங்கானல்;
வெண்தாடி நெய்த அத் தார்ச்சாலை -
தன் தடிக்கொரு கைப்பிடியாய் ஒரு பகுத்தறிவு நெசவாளரையும், காஞ்சீபுரத்தில் கண்டெடுத்தது!

அதுவரை, பட்டுக் கடலிலும், பஞ்சுப் பொதியிலும் அமிழ்ந்திருந்த தமிழகத்தின் பாமரத்துத் தறியை இடம் பெயர்த்து,
2/4

ஈரோட்டிற்கு எடுத்து வந்த அந்தக் காஞ்சிபுரத்துக் கலைக் கரம்,

இனமான ஆடையொன்றைத் தமிழருக்குத் தனியாகத் தயாரித்துத் தர, அதுவரை ஆட்சி செய்த, மேல்சாதி ஆயத்த ஆடைகள் ஒழிந்து போய், அன்று முதல், தோளிலே நீண்ட துண்டு அணிந்த கம்பீர உடை அமுலுக்கு வந்தது!
3/4

Read 4 tweets

தமிழச்சி

@ThamizhachiTh

20 Aug 20

தலைவர் கலைஞர் மீதும், கழகத்தின் மீதும் மாறாத விசுவாசமும், தீராப் பற்றும் கொண்ட மூத்த முன்னோடி, மேனாள் தமிழக அமைச்சரும்,
கழகத்தின் செய்தி தொடர்பாளர், கழக உயர்நிலை செயல் திட்டக்குழு உறுப்பினருமான, எங்கள் குடும்பத்தின் அன்பிற்கும் பாசத்திற்கும் உரிய,

1/7

அத்தா ஏ.ரகுமான்கான் அவர்களின் மறைவுச் செய்தியைக் கேட்டுச் செயலற்று அமர்ந்திருக்கிறேன்.
என் தந்தையின் மனமொத்த நண்பராக எங்கள் குடும்பத்தில் ஒன்றானவர்.
அரசினர் தோட்டத்தில் எங்களது வீட்டின் பின்புறத்தில் அவரது வீடு என்பதால் சுக, துக்கங்களில் ஒருவருக்கொருவர் பகிர்ந்து,

2/7

இன்று அடுத்த தலைமுறை வரை தொடர்கின்ற அற்புதமான உறவானவர். அவரது அன்பு மனைவி, எனக்கு உடன்பிறவாத ‘நிலவர் அக்கா’.
‘குட்லி’ எனப் பாசத்தோடு அவர் குடும்பத்தார் அழைக்கும் என் மூத்த மகளுக்கு, அன்பான’ பாய் தாத்தா’.

3/7

Read 7 tweets

Support us! We are indie developers!

This site is made by just two indie developers on a laptop doing marketing, support and development! Read more about the story.

Become a Premium Member ($3/month or $30/year) and get exclusive features!

Become Premium

Too expensive? Make a small donation by buying us coffee ($5) or help with server cost ($10)

Donate via Paypal Become our Patreon

Thank you for your support!

Share this page!

தமிழச்சி

Try unrolling a thread yourself!

More from @ThamizhachiTh

தமிழச்சி

தமிழச்சி

Did Thread Reader help you today?

Like this author's thread?