Thread by @Damodarjii

"പലസ്തീൻ ജനതക്ക് ഐക്യദാർഢ്യം!"

ആരാണ് നമ്മളെയീ മുദ്രാവാക്യം ഉരുവിടാൻ പഠിപ്പിച്ചത്?

എവിടെ നിന്നുമാണ് നമ്മൾക്കീ മുദ്രാവാക്യം ലഭിച്ചത്?

#IsraelPalestine

1/23

ഈ ചോദ്യങ്ങൾ നമ്മളെ കൊണ്ടെത്തിക്കുന്നത്, ഇവിടെയുള്ള രാഷ്ട്രീയ പ്രസ്ഥാനങ്ങളിലേക്കും, മതങ്ങളിലേക്കും, മത സംഘടനകളിലേക്കും, മത ജീവികളിലേക്കും, ഇവിടെയുള്ള മാധ്യമങ്ങളിലേക്കും തന്നെയാവും.

2/23

കേരളത്തിൽ ഏതെങ്കിലുമൊരു രാഷ്ട്രീയ പാർട്ടി ഈ മുദ്രാവാക്യമുയർത്തി പിടിക്കുന്നുണ്ടെങ്കിൽ, അത് തിരഞ്ഞെടുപ്പുകളെ മുന്നിൽ കണ്ടു കൊണ്ട് മാത്രമാണ്.

3/23

ഒരുപക്ഷേ രാഷ്ട്രീയ തിരഞ്ഞെടുപ്പുകളെ സ്വാധീനിക്കാൻ കഴിവുള്ളത്രയും ജൂതന്മാർ കേരളത്തിലുണ്ടായിരുന്നുവെങ്കിൽ മാറി മറിയുമായിരുന്ന ഒരു മുദ്രാവാക്യം മാത്രമാവുമായിരുന്നു ഇത്!

4/23

ഇസ്രയേൽ - പലസ്തീൻ പ്രശ്നം ചില രാഷ്ട്രീയ നയങ്ങളുടെ പേരിലുള്ളതാണെന്ന് തെറ്റിദ്ധരിക്കപ്പെടുമ്പോഴാണ് ശരിക്കും നമ്മൾക്ക് അടി പതറുന്നത്. ഇസ്രയേൽ - പലസ്തീൻ പ്രശ്നമെന്താണെന്ന് മനസ്സിലാക്കണമെങ്കിൽ നൂറ്റാണ്ടുകൾ പുറകിലേക്ക് നമ്മൾ പോവേണ്ടി വരും.

5/23

ഇസ്രയേലും അറബ് രാജ്യങ്ങളും തമ്മിലുണ്ടായ ചർച്ചകൾക്കും, കരാറുകൾക്കും, ഇതിനെല്ലാം വഴിവെച്ച ഇസ്രയേൽ - അറബ് യുദ്ധത്തിനും, ഈ യുദ്ധത്തിന് കാരണമായ ഇസ്രയേൽ രാജ്യത്തിന്റെ ജനനത്തിനുമെല്ലാം ഒത്തിരി ഒത്തിരി പിറകോട്ട് നമുക്ക് സഞ്ചാരിക്കേണ്ടതായിട്ടുണ്ട്,

6/23

യഥാർത്ഥ ഇസ്രയേൽ - പലസ്തീൻ പ്രശ്നത്തിന്റെ കാരണമെന്താണെന്ന് മനസ്സിലാക്കാൻ.

1948മെയ്‌ 14നാണ് ഇസ്രയേൽ എന്ന രാജ്യം, 1920 മുതൽ നിലനിന്നിരുന്ന ബ്രിട്ടീഷ് ഭരണത്തിൽ നിന്നും സ്വാതന്ത്ര്യം നേടുന്നത്.അറബ്-ജൂത സംഘർഷങ്ങൾ ബ്രിട്ടീഷ് ഭരണം നിലനിന്നിരുന്ന സമയം മുതൽ തന്നെയുണ്ടായിരുന്ന ഒന്നാണ്
7/23

ഇതിനൊരു പരിഹാരമെന്ന രൂപത്തിലാണ് 1947 ൽ, മുസ്ലിം ഭൂരിപക്ഷമുള്ള പ്രദേശങ്ങളെ സ്വാതന്ത്ര്യ അറബ് രാജ്യമായും, ജൂത ഭൂരിപക്ഷമുള്ള പ്രദേശങ്ങളെ ഇസ്രയേൽ എന്ന രാജ്യമായും വിഭജിക്കുന്ന ഐക്യരാഷ്ട്രസഭയുടെ പലസ്തീൻ വിഭജന പദ്ധതി [UN - Resolution 181 (II)] മുന്നോട്ടു വരുന്നത്.
8/23

ഇത് പിന്നീട് ജൂത സമൂഹമംഗീകരിക്കുകയും, ഇതിൻ പ്രകാരം ഇസ്രയേൽ എന്ന രാജ്യം രൂപം കൊള്ളുകയുമാണുണ്ടായത്. അറബ് സമൂഹങ്ങളിത് അംഗീകരിക്കാൻ തയ്യാറായില്ല.

9/23

അറബ് സമൂഹങ്ങളും ഇസ്രായേലും തമ്മിലുള്ള ഇത്തരം അസ്വാരസ്യങ്ങളാണ് 1947 മുതൽ 1949 വരെ നീണ്ടു നിന്ന ആദ്യ ഇസ്രയേൽ - അറബ് യുദ്ധത്തിനും, ശ്രദ്ധേയമായ 1967 ലെ യുദ്ധത്തിനുമെല്ലാം വഴി വെച്ചത്.
10/23

ഈ യുദ്ധങ്ങളെല്ലാം തുടങ്ങി വെക്കാൻ കാരണം, അറബ് രാജ്യങ്ങളുടെ ഇസ്രയേലിനെതിരെയുള്ള നയങ്ങളായിരുന്നു.

11/23

ഒരു രാജ്യവുമായി എന്തെങ്കിലും തരത്തിലുള്ള പ്രശ്നങ്ങളുണ്ടെങ്കിൽ, അത് തീരാനായി ചർച്ചകൾ നടത്തുക, അല്ലെങ്കിൽ അത് തീരും വരെ യുദ്ധം ചെയ്യുക തുടങ്ങിയ നയങ്ങളല്ല അറബ് രാജ്യങ്ങൾ ഇസ്രയേലിനെതിരെ സ്വീകരിച്ചത്. ഇസ്രയേലിന്റെ സമ്പൂർണ ഉന്മൂലനമായിരുന്നു അവരുടെ ആവശ്യം!

12/23

രാഷ്ട്രീയ പ്രശ്നങ്ങളേക്കാളുപരി എന്താണ് ഇസ്രയേൽ - പലസ്തീൻ പ്രശ്നത്തിന്റെ കാരണമെന്ന് ചോദിച്ചാൽ, അത് മനുഷ്യത്വ വിരുദ്ധമായ മതമല്ലാതെ മറ്റൊന്നുമല്ല.
13/23

ഇന്നിപ്പോൾ നടന്നു കൊണ്ടിരിക്കുന്ന പ്രശ്നങ്ങൾ പോലും പലസ്തീനിലെ തീവ്രവാദ സംഘടനയായ "ഹമാസ്" നടത്തുന്നവയാണ്.കഴിഞ്ഞ ദിവസം മലയാളിയായ ഒരു വനിത ഇസ്രയേലിൽ വെച്ച് കൊല്ലപ്പെട്ടതും ഇതേ തീവ്രവാദ സംഘടനയുടെ ആക്രമണത്തിലാണ്.എന്നിട്ടും അതൊരു തീവ്രവാദ ആക്രമണമാണെന്ന് പറയാൻ നമുക്കിന്നും മടിയാണ്!
14/23

മനുഷ്യാവകാശങ്ങൾ സംരക്ഷിക്കുന്നതിനായോ, സ്വാതന്ത്ര്യത്തിനായോ അങ്ങനെയൊന്നിനും തന്നെ വേണ്ടി നടക്കുന്ന പോരാട്ടങ്ങളല്ല ഇന്ന് ഇസ്രയേലിൽ നടന്നു കൊണ്ടിരിക്കുന്നത്.
15/23

ഇരു കൂട്ടരുടേയും മത വിശ്വാസങ്ങളും, യുദ്ധങ്ങൾ ബാക്കി വെച്ചു പോയ പ്രശ്ങ്ങളും, രാഷ്ട്രീയ നയങ്ങളുമെല്ലാം ഇന്നീ നടന്നു കൊണ്ടിരിക്കുന്ന പ്രശ്നങ്ങൾക്ക് പുറകിലുണ്ട്.
16/23

ഒരു ജനതയെ തന്നെ ഉന്മൂലനം ചെയ്യുകയെന്ന ലക്ഷ്യത്തിന്റെ മറപറ്റി നൂറ്റാണ്ടുകൾക്ക് മുന്നേ തന്നെ തുടങ്ങിവെച്ച അക്രമ പരമ്പരകളുടെ തുടർച്ച കൂടിയാണിപ്പോഴുമവിടെ നടന്നു കൊണ്ടിരിക്കുന്നത്.
17/23

അതുകൊണ്ടാണ് പലസ്തീനിലുൾപ്പടെ ഫാസിസ്റ്റു വക്താവായ ഹിറ്റ്ലറും, അദ്ദേഹത്തിന്റെ മനുഷ്യത്വ വിരുദ്ധ പ്രവൃത്തികളും, വാചകങ്ങളും ഇന്നും വിശുദ്ധ മന്ത്രങ്ങൾ പോലെ അലയടിച്ചു കൊണ്ടിരിക്കുന്നത്!

18/23

കഴിഞ്ഞദിവസങ്ങളിലായി ഗാസയിൽനിന്നും ഇസ്രയേലിലേക്ക് നൂറുകണക്കിന് റോക്കറ്റുകളാണ് ഹമാസ്ആർമി തൊടുത്തുവിട്ടത്.പണ്ടുമുതൽക്കേ ഇത്തരം ആക്രമണങ്ങൾ നേരിട്ടിട്ടുള്ള പരിചയസമ്പത്തും, ഇവയെചെറുക്കാനുള്ള സാങ്കേതികവിദ്യയും കൈവശമുള്ളത്കൊണ്ടുമാത്രമാണ് ഇസ്രയേൽ എന്നരാജ്യമിന്നുമവിടെ നിലനിൽക്കുന്നത്
19/23

യുദ്ധം ചെയ്യുമ്പോൾ പോലും അതിനും ചില മാന്യതകളുണ്ട്. അത് പോലും മറന്ന് കൊണ്ടുള്ളതാണ് ഹമാസിന്റെ പ്രവർത്തികൾ. ആർമികൾ തമ്മിലാണ് യുദ്ധങ്ങൾ നടത്തേണ്ടത്. സാധാരണ ജനവിഭാഗങ്ങളെ കവചമാക്കി ഹമാസിപ്പോൾ നടത്തി കൊണ്ടിരിക്കുന്ന ഈ നീച പ്രവൃത്തിയെ യുദ്ധമെന്ന് പോലും വിശേഷിക്കാൻ കഴിയില്ല.
20/23

യുദ്ധമെപ്പോഴും ഒഴിവാക്കപെടേണ്ടത് തന്നെയാണ്. മരിച്ചു വീഴുന്നത് ഏത് പക്ഷത്തുള്ളവരായാലും മനുഷ്യർ തന്നെയാണ്. എന്നാൽ, ഇതിൽ ചിലയാളുകളെ മാത്രം മതത്തിന്റെപേരിലും, രാഷ്ട്രീയ ലാഭത്തിന്റെ പേരിലും തിരഞ്ഞെടുത്തു കൊണ്ട് അവർക്ക് ഐക്യദാർഢ്യം പ്രഖ്യാപിക്കുന്നത്ത് തീർത്തും നീചമായ ഒന്നാണ്.
21/23

"യുദ്ധം വേണ്ട" എന്ന് പ്രഖ്യാപിക്കേണ്ടിടതാണ്, അവനവന്റെ താല്പര്യം മാത്രം മാനദണ്ഡമാക്കി ഒരു വിഭാഗത്തെ മാത്രം വിശുദ്ധ വൽക്കരിക്കുകയും, അവർക്ക് പിന്തുണ പ്രഖ്യാപിക്കുകയും ചെയ്യുന്നത്.
22/23

ഏറ്റവും കുറഞ്ഞ പക്ഷം, മത താല്പര്യങ്ങൾക്കും, രാഷ്ട്രീയ ലാഭങ്ങൾക്കും വേണ്ടി വിവിധ മത-രാഷ്ട്രീയ മേലാളന്മാർ ഇറക്കുമതി ചെയ്യുന്ന ഇത്തരം ദുഷിച്ച മുദ്രാവാക്യങ്ങളെ തള്ളി കളയാനുള്ള ആർജ്ജവമെങ്കിലും നമ്മൾ കാണിക്കേണ്ടതുണ്ട്.

കടപ്പാട്

23/23