Thread by @ItsRDil

( Thread )
Aaj shaam ko abhi kuch der pehle main society mein walk karne nikla tha… aur hamari society kafi badi hai to uska ek round lagbhag 1km jitna hai…

Mausam suhaana tha…thandi hawayein chal rahi thi aur mere phone ki playlist mein bajne wala song tha “Wo dekhne main kaisi seedhi saadi lagti”

Bas isi ke sath ek achhe mood se main walk kiya jaa raha tha apni hee dhun mein tha…

Aage jaa kar ek mod par maine dekha ke saamne se ek ladki aa rahi hai…

Main usually niche utarta hu to bhi mere society mein itne khas koi dost hai nahin… hai bhi to kuch 4-5 gine hue wo bhi bhaiya jaise kuch badi age ke…baki to aur koi nahin

Safed rang ka salwar suit pehne hue wo ladki meri taraf badhi chali aa rahi thi aur main apne fix round ko follow karta hua aage badh raha tha…

Baal uske khule hue the…jaise doori thodi kam hui to usne hath upar karke apni char ungliyon se baalon ko kuch pichhe kiya

Hum aur nazdeek aaye thoda sa hawa thodi tez hui to uske kandhe ke side se baal udne lage…aur wo meri aur dekh ke muskraye jaa rahi thi…

Main soch raha tha ki kya main ise jaanta hu…? tab tak doori aur kam hui thi kyunki pace to walk wala hee tha…aur baal abhi thoda thoda uske ud rahe the thoda wo unhe sambhal kar wapas set kar rahi thi…

Vaise mahol pura set tha aise mein mere aage violin 🎻bhajne chahiye the… dhadkane tez honi chahiye thi… par kuch bhi aisa ho nahin raha tha…

Hum aur kareeb aaye to maine dekhkar jaana ke uske kaano mein earbuds lage the aur wo shayad kisi ko sun kar hase jaa rahi thi… hum cross kar chuke the ek dusre ko aur ek mod mera khatam hua tha aage jaa kar…

Jab maine turn liya to mere playlist mein song change hua automatically jiske bol the…
“Sochta hoon ke wo kitne masoom the…kya se kya ho gaye dekhte dekhte” 😂😂

( Comment karein kaisi lagi yeh fictional thread stories ) 🤣