Tweet

⏺مش عارف

29 Jun, 12 tweets, 3 min read

بص حضرتك عشان تتعامل مع الانثي خد مني الكلمتين دول وأمشي علي أساسهم هاترتاح وهاتدعيلي..ثريد طويل شوية بس أتقل تاخد حاجة نضيفة..ركز معايا يا معلم..
لما خطيبتك ولا مراتك ولا الكائن الأنثوي اللي مرتبط بيه أيا كان توصيفه ونوعه فجأه مودها يقلب وتبقي متضايقه وتسألها مالك؟ وتقولك مفيش !

في الغالب هي مش بتأفور أو بتدلع هو فعلا مفيش، بس عشان نتفاهم ونعيش سوا بشكل كويس خلونا نفهم بعض و خلونا نناقش الموضوع علميا وهعرضهلكم بشكل بلدي خالص كده !!
بص المتحكم في الموود بتاعنا وتحسين الحاله المزاجية ناقل عصبي في المخ إسمه الـسيرتونين Serotonin اللي بيسموه هرمون السعاده..

أظن مشهور وكلنا عارفينه..الناقل العصبي الجميل دا بيتم إفرازه من المخ وطبعا بيفرز بحساب عشان ميدخلناش في أمراض نفسيه،لكن في حاجات مهمه بيفرقوا الراجل عن الست !!
زي مثلا إن عدد المستقبلات العصبيه للسروتونين دا علي كل خليه أكتر بكتيير عند الستات من الرجاله ؟؟

وبالتالي هما عاوزين كميه كبيره من السيروتونين دا ! حلو اوي..وجسمنا بقي لو فرز سيروتونين كتير..
بيحصل إيه ؟
أنا أقولك بيبدأ يعكس العمليه ويطلع بروتين إسمه SSR وظيفته إنه يروح يجيب السيروتونين الزياده ده ويرجعه للخلايا العصبيه تاني كمخزون لوقت اللزوم ، جميل جدا..

لكن الستات بقي عندهم نسبة البروتين ده قليله جدا فبقت المحصلة إيه بقي ؟
ان عندهم مستقبلات كتيير فاتحه بقها عاوز سروتونين وكمان عندهم مخزون قليل جدا منه لانه مش بيتخزن عندهم فإيه اللي يحصل بقي؟
إنهم بيستنفذوا كل كمية هرمون السعاده ده مره واحده وتبقي عايشه كده من غير سيروتونين

علي ما يتصنع عندها شويه تانين هيجيبلك منين يعني !
وعشان كده نسبة نزول السيروتونين او هرمون السعاده ده أكتر في الستات دايما عن الرجاله وده بيخليهم عرضه للإكتئاب أكتر وأكتر
وده اللي بيخليها من عز الضحك والفرفشه إديها نص ساعه تكون خلصت السيروتونين وتقلب علي طول,

مالك يا حبيبتي؟ مفيش , مالك يا قلب الخسايه ؟ ماللك يا حبيبة حياة روح قلب ميتين سنينك السودا مالك ؟مفيش..هو فعلا مفيش !!
غير كده بقي أهم متحكم في نسبة السيروتونين عند الستات هرمون إسمه الإستروجين لأنه بيحفز خروج السيروتونين وعشان كده في ستات كتير بعد توقف المبيضين عند سن اليأس ..

او بعد الولاده مباشرة بيقل إفراز الإستروجين وبالتالي بيقل إفراز السيروتونين بنسبه واضحه مما يؤدي لإكتئاب يعرف بـ Postpartum Depression أو إكتئاب ما بعد الولاده وكذلك فتره البريود الشهريه
هرمون الإستروجين الحلو ده بقي هو أكتر هرمون متقلب عند الستات لأسباب كتير فسيولوجيه مفهومه..

وأخري غير مفهومه عجز العلماء عن تفسيرها بس بيحصل.
يعني الحاجات اللي بتثبت نسبة السيروتونين عندهم متقلبه , وكمان مبيعرفوش يخزنوا سيروتونين زينا بالعكس بيخلصوه مره واحده وكمان عندهم مستقبلات للسيروتونين أكتر مننا بكتير..
طب تعمل إيه بقي في النكد والبوز دا ؟

خليك ناصح ,بدل ما نقفش ونروح قافلين و مبوزين و ضاربين بعض بالجزم..خليك صايع ..كلمتين حلوين , علي حته مورنينج يا قلبي وإنتي خسيتي ,حتي لو مجامله مشي أمورك إحنا في وضع فسيولوجي صعب دلوقتي..
هوب في هرمونات جدعه كده زي الأوكسيتوسين و الدوبامين يعلو عندها فيعلوا السيرتونين ..

فتلحقها بشيكولاتايه كده تاكلها السيروتونين يضرب في السما، هوب هتبقي معاك تمام و هتروح تكتب فيك قصايد شعر و تحط ستاتس الواتس" إيدي وقعت لقيت كتفك ،راسي مالت لقيت كرشك والحياه هتبقي ع الهادي يا زبادي..واحيانا الظاهره ممكن تيجي بالتدريب برده وتعود المخ..

يعني لو انتي سنجله بائسه بتمعلشي نفسك كل شويه
ومعاكي سناجل بائسين زيك بتمعلشوا بعض وبأكله فول وطعميه تظبطوا الهرمون برده ..
#سيكولوجية_الأنثي
#Cpd

• • •

Missing some Tweet in this thread? You can try to force a refresh

This Thread may be Removed Anytime!

Twitter may remove this content at anytime! Save it as PDF for later use!

More from @emadmustapha

⏺مش عارف

@emadmustapha

28 Jun

في بيدج الموقف المصري بيتكلموا عن أقتراح بيع اللقاح والدكتورة مني مينا بتأكد علي كذا نقطة..
تاني راجعين يتكلموا عن بيع اللقاح ...تاني
خلينا نرجع نشرح..بيع اللقاح وقت الجائحة مش بينفع ..ليه ؟؟؟
لأن لازم اللقاح يصل لحوالي 70% عشان يكون في مناعة مجتمعية ..

عشان كده لازم الدولة هي اللي توفر كميات اللقاح المطلوبة و تنظم عملية توزيع اللقاح بالأولويات العلمية المعروفة ..
ما ينفعش يترك امر توزيع اللقاح للمستشفيات الخاصة .. و تكتفي وزارة الصحة ب"الاتاحة الشكلية" اللي ماشيه ببطء شديد (حتى الآن تم تلقيح 3% فقط من المصريين)..

و نقول اللي مستعجل يلجأ للمستشفيات الخاصة ..
لا يصح تكرار ما حدث مع تحليل PCR .. حيث هناك أعداد محدودة جدا يتم عملها في المستشفيات الحكومية ..و اللي عاوز يعمل.. أو مضطر يعمل بيلجأ للمعامل و المستشفيات الخاصة ..و طبعا في انفلات رهيب في الأسعار ..

Read 6 tweets

⏺مش عارف

@emadmustapha

27 Jun

حبيت أنقلكم حاجة حلوة علي الصبح..يمكن تفرق مع أي حد وتخليه متفائل ونزود ثقتنا وحسن ظننا بالله..
فى سنة 2002،كنت بدرس بكلية الهندسة جامعة الإسكندرية..وكان ليا اصحاب من مختلف طبقات المجتمع..وكانت ظروفى على قدها جدا،لان والدى موظف بسيط ووالدتى ست بيت..وكان ليا اخت بتدرس بكلية الطب..

وهى حاليا دكتورة اطفال ومتجوزة..
المهم،جماعة من زمايلى اللى ظروفهم كويسة،حبوا يعملوا فيا مقلب..وطبعا مقلب موجع اوى..
قالوا لى تعال بعد الكلية نتمشي شوية،ونشرب حاجة فى اى كافتريا برا..المهم خرجت معاهم وكانوا مجموعة شباب وبنات عددهم 10..
وفي العادة،كان كل واحد بيحاسب لنفسه..

المرة دى،بعد ما كل واحد شرب المشروب بتاعه،بدأوا يتحججوا،وكل واحد يخرج من الكافيه ويختفى ويبصوا لبعض ويبتسموا..وانا مش فاهم حاجة..
لحد مابقيت لوحدى،وماكانش معايا موبايل عشان اتصل بحد.
وبعد ساعه كاملة،فهمت انهم كانوا قاصدين كدا..بس انا ماشكتش فيهم..ومش عارف كان دا غباء منى..

Read 13 tweets

⏺مش عارف

@emadmustapha

27 Apr

@moustafa_aziz

وجه معادنا مع قصة من قصص القرآن الكريم..والنهاردة و زي ما طلب مني@moustafa_aziz هانقلكم قصة سيدنا"إدريس"عليه السلام..وتفسير معني الآيه"وَرَفَعْنَاهُ مَكَانًا عَلِيًّا"..نبدأ القصة مع بعض..
بعد ما مات سيدنا آدم وأبنه سيدنا شيث(ايوا شيث كان نبي من الأنبياء) إبتدا الناس ينسوا ربنا.

وينسوا اللي اتعلموه من سيدنا"شيث"وابنه وبدأت تنتشر المعاصي في الأرض..ابن سيدنا شيث كان عنده ولد اسمه"إدريس".. تمام كدا..
"إدريس" كان ولد صالح جدا ومؤمن وبيسمع كلام ربنا وكان بيعمل بوصيه أبوه وأجداده شيث وادم..كان بيعلم الناس الفرق بين الخير والشر..والحلال والحرام..

بعد ما سيدنا شيث مات مكنش في نبي غيره..
ولما الناس بدأت تبعد عن ربنا..ف ربنا بعتلهم سيدنا إدريس يبقي نبي..عشان يفكرهم بدينهم..ويخليهم يرجعوا تاني يسمعوا كلام ربنا ويبعدوا عن المعاصي..
(وَاذْكُرْ فِي الْكِتَابِ إِدْرِيسَ ۚ إِنَّهُ كَانَ صِدِّيقًا نَّبِيًّا)..

Read 18 tweets

⏺مش عارف

@emadmustapha

26 Apr

وعشان مواعيد شغلي أختلفت فيبقي جه معادنا مع قصة من قصص القرآن الكريم..النهاردة هانقلكم قصة
"أصحاب السبت"..مين هم !! وليه خدوا الإسم دا !! وايه كان العقاب !! تعالوا نعرف..
هم قوم من بني إسرائيل، منعرفش زمانهم كان إمتى بالتحديد،لكن يُقال إنهم كانوا في زمن داوود عليه السلام،

وكانت قرية اليهود دي جنب البحر،فطبعا ده معناه إنهم بيعتمدوا على صيد السمك في غذائهم،ربنا كان محرم عليهم صيد السمك في يوم السبت..باقي الأسبوع حلال لكن يوم السبت لأ !!
-طيب اشمعنى يوم السبت
كل نبي من الأنبياء بيقول لقومه على يوم الجمعة وفضله،فلما موسى عليه السلام قال لبني إسرائيل.

عن يوم الجمعة زي باقي الأنبياء،بني إسرائيل اعترضوا وقالوا لأ السبت أحسن،وقعدوا يبرروا فربنا قال لهم خليكم في السبت،ربنا ابتلاهم إنهم لا يصطادوا السمك يوم السبت اختبار وامتحان لهم
في البداية كانوا ملتزمين بعدم صيد السمك، وكانوا بيصطادوا في باقي أيام الأسبوع،لكن مفيش سمك في البحر..

Read 17 tweets

⏺مش عارف

@emadmustapha

25 Apr

-كتب محمد شحاتة
استوقفنى مافعلته المذيعة سلوى حجازى،وقت استضافتها للكاتب الكبير ثروت أباظة.
المذيعة كانت بتحتفل مع الكاتب الكبير برواية "شىء من الخوف" ورواية "هارب من الأيام" ،ودار بينهم حوار أدبى مرموق جداً.
وفجأة..أرادت المذيعة أن تجعل اللقاء ينتهى بشكل كوميدى جداً..

واستضافت الضيف أحمد (علشان يبقى أراجوز ويتسلوا عليه مع ثروت أباظة)..
ثروت أباظة بدأ حواره بطريقة سخيفة وقال له : انتم بتعملوا حاجات كويسة..وبتقولوا إنكم كثلاثى أضواء للمسرح متعلمين يا ترى بقى إنتم مثقفين
فرد عليه الضيف أحمد وقال : الثقافة يا سيدى تأثيرها يظهر من خلال ما نقدمه

للجمهور بشكل غير مباشر،فالثقافة المُباشرة ليست ثقافة،فهى كالفن ـ براعته فى عدم وضوحه.
فسأله ثروت أباظة:هل تؤمن بكوميديا الفارص،أم تؤمن بالكوميديا الإنسانية
فابتسم الضيف أحمد وقال:
أولاً لا توجد كوميديا إنسانية ، ولكن توجد كوميديا اجتماعية ، تُناقش قضايانا الاجتماعية العويصة.

Read 5 tweets

⏺مش عارف

@emadmustapha

31 Dec 20

بما إننا هانبدأ سنة جديدة ربنا وحده عالم بيها..تعالي أقولك علي سر كدا قالوه علماء التفسير..أيه هو !!
سورة الإستجابة !!
هو في سورة أسمها سورة "الإستجابة" أتقل وأقرا للآخر.
طوال عمري أسمع ان سورة الأنبياء معروفة بين المشايخ وأهل العلم بإنها سورة "الإستجابة" لكنني مادورتش عن السبب..

هي السورة القرآنية الوحيدة التي ورد فيها لفظ "فاستجبنا له" أكثر من مرة وفي أكثر من سياق، هذا اللفظ لم يرد في أي موضع قرآني اخر ما عدا سورة "الأنبياء"..
والسؤال كم ورد فيها من مرة وفي أي سياقات؟

-أول مرة :" وَنُوحًا إِذْ نَادَىٰ مِن قَبْلُ فَاسْتَجَبْنَا لَهُ فَنَجَّيْنَاهُ وَأَهْلَهُ مِنَ الْكَرْبِ الْعَظِيمِ" آية رقم 76
-تاني مرة عن سيدنا أيوب عليه السلام:
" فَاسْتَجَبْنَا لَهُ فَكَشَفْنَا مَا بِهِ مِن ضُرٍّ ۖ وَآتَيْنَاهُ أهْلَهُ وَمِثْلَهُم مَّعَهُمْ رَحْمَةً

Read 13 tweets

Support us! We are indie developers!

This site is made by just two indie developers on a laptop doing marketing, support and development! Read more about the story.

Become a Premium Member ($3/month or $30/year) and get exclusive features!

Become Premium

Too expensive? Make a small donation by buying us coffee ($5) or help with server cost ($10)

Donate via Paypal Become our Patreon

Thank you for your support!