Thread by @ndfcagayan

Aktibong asset ng kaaway ang dating NPA na si Edimar Ganat

Crispin Apolinario | Tagapagsalita, Danilo Ben Command, New People's Army - West Cagayan

Matapos litisin ng hukumang militar ang kasong pagtataksil at pag-eespiya ni Edimar "Ed" Ganat, itiniwalag ito sa organisasyon ng New Peoples' Army (NPA) at hinatulan ng kamatayan.

Dating mandirigma ng NPA si Ed ngunit tumalilis noong Enero ng nakaraang taon dahil sa kakaharaping aksyong pandisiplina kaugnay ng pakikipagrelasyon. May asawa't mga anak si Ed ngunit lihim na nakipagrelasyon at nakipagtanan sa iba.

Nang bumaba, hindi simpleng namuhay-sibilyan si Ed bagkus ay naging aktibong ahente ng 17th IB.

Bilang "mata" at "tenga" ng 17th IB, aktibo siyang nagpapasurender sa mga magsasakang Malaweg at Agay ng Zinundungan Valley, Rizal at malisyosong nagtuturo sa mga pinaghihinalaang suporter ng NPA.

Ito ay sa kabila ng deklarasyon ng tambalang 17th IB-Ruma na wala nang presensya at suportang-masa ang NPA sa Rizal.

Bagamat nanggaling sa api at pinagsasamantalahang uri si Ed, tinalikuran niya ang interes ng kanyang uri at mas piniling tuluy-tuloy na magpagamit at magsilbi sa iilang mapagsamantala.

Mahigpit na tatalima ang NPA sa tungkulin nitong ipagtanggol at pangalagaan ang kapakanan at interes laban sa anumang banta o aktwal na ikapapahamak nila.

Seryosong haharapin ng NPA at ng Demokratikong Gubyernong Bayan (DGB) ang lahat ng magtatangka at aktwal na magkakanulo sa mamamayan anuman ang katungkulan o sinuman ang makagagawa.

Ang pagtataksik, pananabotahe, pag-eespiya, pagpaslang, pagnanakaw, panununog, at malubhang malbersasyon ng pondo, kung mapapatunayan, ay may katumbas na parusang kamatayan sa ilalim ng DGB at sa mga saligang alituntunin hinggil sa disiplina ng NPA.