Thread by @Soma33088836

தங்க நகைகளுக்கு எதற்கு இந்த கட்டாய HUID என்பது சரியா? தவறா?

தங்கத்தில் முதலீடு: ஹால்மார்க் அடையாள எண்ணால் என்ன நேரும்? நகைக்கடை அதிபர்கள் குமுறுவது ஏன்?
1/18

இந்தியாவில் தங்கத்தில் நடைபெறும் முறைகேடுகளைக் களையும் வகையில் கடந்த ஜனவரி 15 ஆம் தேதி முதல் புதிய விதிகளை இந்திய அரசு அறிமுகப்படுத்தியுள்ளது.
2/18

அதன்படி, தங்க நகைகள் ஒவ்வொன்றுக்கும் ஆறு இலக்கம் கொண்ட

HUID (Hallmark Unique IDentity code)

எனப்படும் “ஹால்மார்க் அடையாள எண்” அவசியம்என அறிவிக்கப்பட்டுள்ளது.
3/18

புதிய விதிமுறைகளின் அடிப்படையில் 14, 18, 22 கேரட் ஆகிய மூன்று கிரேடுகளில் மட்டுமே தங்கத்தை விற்பனை செய்ய வேண்டும் எனவும் பி.ஐ.எஸ் தெரிவித்திருந்தது.
4/18

தங்க நகை தயாரிப்பாளர்கள் மொத்த விற்பனைக்கு கொடுக்கும்போதும், அதை நகை கடைகள் நுகர்வோருக்கு விற்கும்போதும் என்ன விலைக்கு விற்கப்படுகிறது எனக் குறிப்பிட்டு இந்திய தர நிர்ணய (BIS) அமைப்பின் இணையத்தளத்தில் பதிவேற்றம் செய்ய வேண்டியது இனி கட்டாயம்.
5/18

அப்போது ஒரு நகை உற்பத்தியாகி அது நுகர்வோரை சென்று சேரும் வரையில் அனைத்து விவரங்களும் அழிக்க முடியா சான்றுகளாக பதிவாகும்.
6/18

இதில் பெரிய சிக்கல் என்னவென்றால், அடையாள எண் பதிக்காத நகைகளை பறிமுதல் செய்வது, கடைக்கு சீல் வைப்பது அல்லது எந்த நகைக்கு அடையாள இலக்கம் கொடுக்கவில்லையோ அந்த நகைக்கு ஈடாக 5 மடங்கு அபராதம் விதிக்கலாம் என்பன போன்ற பல அதிகாரங்களை பி.ஐ.எஸ்ஸிடம் அரசு கொடுத்துள்ளது.
7/18

வருமான வரித்துறையால்கூட நகைகயை பறிமுதல் செய்ய முடியாது. அதைவிட கூடுதல் அதிகாரத்தை தர நிர்ணய அமைப்புக்குக் அரசு இந்த சட்டத்தின் மூலம் கொடுத்துள்ளது. .
8/18

“எந்த நுகர்வோரும் 22 கேரட் சீல் மற்றும் ஹால்மார்க் முத்திரை ஆகியவற்றைத்தான் கேட்பார்கள். அடையாள எண் போடுங்கள் என யாரும் கேட்டதில்லை" என்கின்றனர் நகை கடைக்காரர்கள்.
9/18

இந்தியாவுக்கு ஒரு வருடத்திற்கு ஆயிரம் டன் தங்கம் வருகிறது என்றால் அதில் 900 டன் தங்கத்தைப் பணக்காரர்கள்தான் வாங்குகின்றனர்.

எங்களின் வியாபாரத்துக்கு முதுகெலும்பாக இருப்பது நுகர்வோர்கள்தான். அவர்களின் ரகசியம் பாதுகாக்கப்பட வேண்டும்" என்கிறார்கள் நகை கடைக்காரர்கள்.
10/18

ஊழல் பெருச்சாளிகள், கருப்பண முதலைகள் தங்களுடைய கருப்பு பணத்தை பதுக்கும் வழிகளில் ஒன்றே தங்கத்தில் முதலீடு செய்வது. இப்படிப் பட்டவர்களின் ரகசியம் எதற்காக பாதுகாக்கப்பட வேண்டும்?

இந்தியாவில் தங்கம் என்பது இன்றைக்கும் ஏழைகளுக்கு எட்டாக் கணியே, ஆடம்பரமான ஒன்றுதான்.
11/18

இதனை மறைப்பதற்காகவே இந்த விவகாரத்தில் ஏழை, எளியவர்கள் பக்கம் தங்க நகை வியாபாரிகள் கைகளை காண்பிக்கின்றனர்.

இவ்வாறு பேசுகிறவர்கள் எல்லருமே பெரும் செல்வந்தர்கள்தான்.
12/18

பி.ஐ.எஸ்ஸின் புதிய விதிகளால் சிறு தொழில் செய்கிறவர்கள் அதிகம் பாதிக்கப் போவதில்லை.

ஒரு கோடி வைத்திருந்தால் என்ன செய்வது எனத் தெரியாத நிலை வரும்போது பணத்தை வெள்ளையாக்க தங்கத்தை வாங்கத் தொடங்குவார்கள்.
13/18

கறுப்புப் பணம் பதுக்கும் இடங்களில் ரியல் எஸ்டேட் மிக முக்கியமான இடமாக உள்ளது. அந்தத் தொழிலுக்கும் அடையாள எண்ணை அரசு கொண்டு வரும் வேலைகளையும் செய்துகொண்டிருக்கிறது.
14/18

இந்தியாவில் உள்ள மொத்த நிலங்களுக்கும் பட்டா உள்பட அனைத்து விவரங்களும் அரசு ஆவணங்களில் இப்பொழுதே தெளிவாக உள்ளன. இந்த சொத்துக்களின் உடமையாளர்களின் ஆதார் எண்ணை பதிவு ஆவணங்களோடு இனைப்பதன் மூலம் அங்கேயும் ஒரு தடை ஏற்படுத்தப்படும்.
15/18

இனி கருப்பண முதலைகள், கள்ளச் சந்தை வியாரிகள், ஊழல் குற்றவாளிகள் எவரும் இனி எங்கேயும் ஓடவோ, ஒழியவோ முடியாது என்பதைத்தான் இந்த HUID திட்டம் தெளிவாகச் சொல்லுகிறது.
16/18

நரேந்திர மோடியின் பாஜக அரசு இப்படி பல நல்ல திட்டங்களுக்கு அடிக்கல் நாட்டிவிட்டது. இதை நரேந்திர மோடியின் அரசு செயல் படுத்துகிறதோ இல்லையோ இனி வரும் காலங்களில் கருப்பணம் பரவலாக ஒழிக்கப்படும் என்பதில் எந்த ஐயமும் இல்லை.
17/18

பிரதமர் திரு நரேந்திர மோடி அவர்களின் பாஜக அரசை

தங்க நகைகள் ஒவ்வொன்றுக்கும் ஆறு இலக்கம் கொண்ட

HUID (Hallmark Unique IDentity code) எனப்படும் “ஹால்மார்க் அடையாள எண் அவசியம்”

என அறிவித்ததற்காக மனதார நன்றாக வாழ்த்தலாம்.
18/18

@threadreaderapp unroll

திருத்தம்:

இனி கருப்பு பண முதலைகள், கள்ளச் சந்தை வியாரிகள், ஊழல் குற்றவாளிகள் எவரும் இனி எங்கேயும் ஓடவோ, ஒழியவோ முடியாது என்பதைத்தான் இந்த HUID திட்டம் தெளிவாகச் சொல்லுகிறது.