Thread by @WaghamareVikas

महत्वाचा थ्रेड👇
शेतकऱ्यांची हत्या करणाऱ्या भाजपा सरकारच्या विरोधात महाराष्ट्र बंद असल्याचं आज राज्यसभा खासदार @PawarSpeaks यांनी बोलताना सांगितले.
आता त्याच राष्ट्रवादीच्या शरद पवारांना शेतकऱ्यांची हत्या आणि त्यांची कारकीर्द याचीही आठवण करून देणं क्रमप्राप्त आहे.

पवार साहेब,+

तुम्ही स्वतः मुख्यमंत्री असताना 23 नोव्हेंबर 1994 या दिवशी आदिवासी गोवारी हत्याकांड घडले होते. गोवारी आदिवासींचा मोर्चा नागपुरात आला होता. त्या दिवशी विधिमंडळाचं हिवाळी अधिवेशन सुरू होतं. त्या मोर्च्यावर सरकारने लाठीमार केला अन त्यात एकूण 114 गोवारी बांधव मृत्यूमुखी पडले. हजारो+

जखमी झाले. ते तुम्ही सत्तेत असताना सरकार पुरस्कृत झालेले सर्वात मोठे हत्याकांड होते. तेव्हा महाराष्ट्र बंद केला होता का! त्या रक्तरंजित आरोळ्या अन जखमा महाराष्ट्र अजून विसरला नाही.

पवार साहेब, 9 ऑगस्ट 2011 ला पवनेच्या पाण्यासाठी हजारो शेतकऱ्यांनी मावळमध्ये मोर्चा काढला होता.+

त्यावेळी राज्यात तुमचे आघाडी सरकार सत्तेत होते, पुतण्या अजित पवार उपमुख्यमंत्री होता. अन तुम्ही स्वतः केंद्रात मंत्री होतात. पण शेतकऱ्यांना भेटून न्याय देण्याऐवजी निष्ठुरपणे गोळीबाराचे आदेश दिले अन शेतकऱ्यांवर बेछूट गोळ्या झाडल्या गेल्या, त्यामध्ये 3 शेतकऱ्यांची हत्या झाली तर+

शेकडो जखमी झाले. आघाडी सरकार पुरस्कृत अन तुम्ही सत्तेत असताना झालेली शेतकऱ्यांची ही दुसरी मोठी हत्या. हे सुद्धा महाराष्ट्र अजून विसरला नाही, पवनेचं पेटलेलं पाणी अन रक्तरंजित कहाणी...

पवार साहेब, आपण स्वतः केंद्रीय कृषिमंत्री असताना देशात तर आत्महत्या झाल्याच पण या राज्यातही+

लाखो शेतकरी आत्महत्या झाल्या. त्या शेतकरी आत्महत्येचा आकडा आत्तापर्यंतचा उच्चांकी आकडा आहे. त्या आत्महत्या म्हणजे तुमच्या सरकारी धोरणाने केलेल्या हत्याच आहेत. त्याच प्रायश्चित्त कोण घेणार! हेसुद्धा महाराष्ट्र विसरला नाही. लाखो संसार उघड्यावर आहेत...

या घटना तर थोड्या जुन्या+

झाल्या. पण आज राज्यात महापुराने शेतकरी उध्वस्त झाला आहे. शेतातलं पोटच्या पोराप्रमाणं जपलेलं पीक तर गेलंच पण मातीसुद्धा वाहून गेली, जनावरं गेली, काही शेतकऱ्यांचे निधन झाले, आपणकिती शेतकऱ्यांच्या बांधावर गेलाय? तेही जाऊद्या! आपण बसवलेले मुख्यमंत्री उद्धव ठाकरे घरातून अजून बाहेर+

पडले नाहीत, ना आपला पुतण्या अजित पवार शेतकऱ्यांच्या बांधावर पाहणी करायला गेलेत?

उलट राज्याचे मुख्यमंत्री ऑनलाइन पीकपाहणी करून शेतकऱ्यांच्या जखमेवर मीठ चोळण्याचं काम करताहेत. रेड कार्पेट टाकून पुराची पाहणी करणारे निर्लज्ज सरकार आहे हे. आता लहान पोरं सुद्धा आता शाळेत जायला लागली+

पण आपले मुख्यमंत्री मात्र घरातून अजून बाहेर पडत नाहीत, पवार साहेब.

भाजपावर शेतकरी हत्येचा आरोप लावताना आपण दहावेळा विचार करायला हवा. जे मोदी सरकार शेतकऱ्यांना शेतकरी सन्मान योजनेतून वर्षाला 6 हजार रुपये रक्कम देते, शेतकऱ्यांची पिळवणूक थांबवण्यासाठी खुली बाजारपेठ उपलब्ध करून+

देते, कंत्राटी शेतीच्या माध्यमातून शेतीला आधार आणि नव्या तंत्रण्याची जोड देण्यासाठी ठोस पाऊल उचलते, नवीन कृषी कायदाच्या माध्यमातून शेतकऱ्यांना खऱ्या अर्थाने स्वातंत्र्य देते त्या सरकारवर आरोप करताना आपण आपल्या काळात लावलेले दिव्यांचे काळे डाग गदडपणे या राज्यातल्या शेतकऱ्यांना+

अजून दिसतात.
या राष्ट्रवादीने वर्षानूवर्षे नागवलेले शेतकरी आज मोकळा श्वास घेताहेत, बाजार समितीत कुचंबणा होती, लूट होती, विविध विकास सोसायटीत अडवणूक होती, जिल्हा मध्यवर्ती बँकेत अडवणूक होती, सत्ताधारी धनदांडग्यांना कोट्यवधींची कर्ज द्यायची अन सामान्य शेतकऱ्यांना तुमच्या बँका केवळ+

येरझारे घालायला लावायच्या, त्यात कित्येक शेतकरी खंगुन देवाघरी गेले असतील.
शेतकऱ्यांनी हाडाची काडं करून जपलेला, वाढवलेला ऊस राजकीय द्वेषापायी तुमच्या साखर सम्राटांनी फडातच वाळवला, जाळला! याचा महाराष्ट्र साक्षी आहे. हा जळजळीत वास्तव असलेला इतिहास आहे राष्ट्रवादीचा, महाराष्ट्र कधीच+

विसरला नाही. विसरू शकत नाही. स्थानिक स्वराज संस्था ताब्यात असताना सामान्य माणसाला ज्या यातना दिल्या त्याचे ओरखडे जिवंत आहेत कित्येकांच्या मनात...

भाजपाला शेतकरी हत्येचा आरोप लावताना अन जनरल डायरची आठवण काढून त्याच्याशी तुलना करताना राष्ट्रवादीच्या अन तुमच्या या कर्तृत्वाचा+

विसर पडू शकत नाही. तुमच्या या कर्तव्याची तुलना नेमकी कोणत्या घटनेशी करायची? विचारतोय महाराष्ट्र...!!!

- विकास विठोबा वाघमारे
मोहोळ, सोलापूर