Thread by @_ahmdkamal_

ليه ثقه بعض الشباب الاصغر ارائهم و حلولهم اكتر بكتير من الناس اللي عندها خبره ؟

#ثريد عن تأثير دانينغ كروجر و علاقته ب #تطوير_الذات.

في نظريه لعالمي النفس دانينغ و كروجر بيتكلموا فيها عن ...

ازاي المبتدئين و غير المؤهلين اكتر عرضه للاحساس المبالغ فيه بتفوقهم مع عدم ادراكهم لقدراتهم الحقيقيه بسبب عدم مرورهم بتجارب يقدروا من خلالها يحكموا بشكل حقيقي علي نفسهم 🧐

مع الوقت و تعمق الشخص و احتكاكه بناس خبراتها اعلي بيبدأ ..

بيبدأ يشكك في تقييمه السابق و يدخل مرحله يدرك فيها عدم معرفته بالكثير من الامور ، ضروري ان الانسان في المرحله دي ما ينتقلش من الثقه المطلقه الي الشك المحبط اللي يمنعه من الاستمرار في التطور.

و دا دور مهم لاي مدير شاطر انه يعمل coaching للناس الصغيره و يساعدها تعدي المرحله دي.

كلمه السر في التعامل مع المراحل دي بالنسبه للشخص نفسه او القائد اللي بيساعد هي مصفوفه الادراك.

المصفوفه بتقولنا في حاجات :

- منعرفش اننا منعرفهاش و دي في احيان كتير اهم مساحه للتطور الذاتي 📈.
- منعرفش اننا نعرفها و دي نقاط قوه فطريه معندناش وعي بيها و مهم نحافظ عليها.

-بالاضافه طبعا للحاجات اللي عارفين اننا عارفينها او مش عارفينها و دي نقاط قوتنا 💪🏼 و ضعفنا اللي عندنا وعي بيها.

في ادوات متعدده بنقدر من خلالها نرفع وعينا عن قدراتنا و خصوصا عن المساحات اللي عندنا جهل بعدم معرفتها ، اهمها الاتي:

⬅ السعي للحصول علي feedback من دواير الناس ..

اللي حوالينا اللي بنتعامل معاهم سواء كانوا مديرين ، زملاء او حتي مدارين.

⬅ محاوله الاحتكاك بناس عندها خبرات متنوعه و عميقه نقدر نتعلم منهم.

⬅ اخيرا mentorship او الارشاد اللي عن طريقه يقدر الانسان يتعرف علي نفسه بشكل اكبر من خلال خبرات حد اكبر منه.

بالتالي اجابه السؤال اللي سألناه و علاقتها بتأثير دانينغ كروجر ، ان مع مرور الوقت بتزداد ثقه الشخص في نفسه مع زياده وعيه بقدراته و تطورها ، الثقه الواعية بتدي الشخص حكمة بتخليه قلقان من الجزم بصوابية افكاره بسرعه لانه عارف ان في جوانب متعدده للمشكله و موازنات محتاج يفكر فيها.

لو عجبك الثريد، ممكن تعمل Follow ل @_ahmdkamal_

انا بكتب عن التقنيه و الانتاجيه والدروس اللي بتعلمها و انا ببني AI Products بتأثر علي حياه ملايين الناس كل يوم!