Thread by @NaikParveen22

انسانیت کی قدرومنزلت ان لوگوں کے نزدیک ا س طرح کی تھی۔ انسانوں کی آنکھیں نکالنا ، زبان کاٹنا، کھال کھینچنا اور زندہ جلادینا، رومیوں کی عام سزائیں تھیں۔ ایک مرتبہ جب رومیوں نے روسیوں کو شکست دی تو قیدیوں کے ہاتھ کاٹ کر ان کے ہار بنائے اور ان ہاروں سے قسطنطنیہ کی فصیل کو سجایا۔

ایک موقع پر جب اسلامی فوج کو شکست ہوئی تو رومیوں نے مسلم اسیران جنگ کو سمندر کے کنارے لٹا کر ان کے پیٹ میں لوہے کے بڑے بڑے کیل ٹھونک دئیے تاکہ بچے کھچے مسلمان جب جہازوں پر واپس آئیں تو اس منظر کو دیکھیں۔

قیصر باسل دوم(963 ء تا 1025ئ) نے بلغاریہ پر فتح حاصل کی تو پندرہ ہزار اسیران جنگ کی آنکھیں نکال دیں اور ہر سو قیدیوں کے بعد ایک قیدی کی ایک آنکھ رہنے دی تاکہ وہ ان اندھوں کو گھروں تک پہنچا سکیں۔

غلاموں کی تجارت زوروں پر تھی۔ فرانس کی حریت پسند خاتون جون آف آرک انگریزوں کے ہتھے چڑھی تو اسے سر بازار زندہ جلا دیا گیا۔ علم اور عالم دشمنی میں ان کاکوئی ثانی نہیں تھا۔ زوال رومہ (476ئ) کے بعد پاپائیت برسر اقتدار آگئی تھی اور 1546)ئ) تک سیاہ سفید کی مالک رہی ۔ پوپ مذہبی

ادب کے بغیر تمام اصناف ِعلم کا دشمن تھااور جہاں کہیں کوئی عالم یا فلسفی یا مفکر سر اٹھاتا، اسے کچل دیتا تھا۔ اس دور میں مدارس حکماً بند تھے۔ لاکھوں کی تعداد میں کتابیں نذر آتش ہوئیں ۔ کئی علماء پوپ کی علم دشمنی کے ہاتھوں قتل ہوئے اور یورپ پر ہر طرف جہالت کی تاریکی چھاگئی۔

یونان کی ایک لڑکی ہائے پیشا 414)ئ) نے ا سکندریہ سے فلسفے کاعلم حاصل کیااور ممتاز فلسفی بن گئی۔ اسکندریہ کے بشپ سائزل نے اس لڑکی کو کافرہ قرار دیااور ایک روز جب وہ فرائض ِ تدریس سرانجام دینے کے لیے اپنی درس گاہ کی طرف جا رہی تھی، سائزل کے بھیجے ہوئے چند سنگدل راہبوں نے اسے پکڑ لیا

پہلے اسے ننگا کرکے بازار میں گھسیٹا پھر اسے گرجے میں لے گئے ۔ وہاں تیز کٹر سے اس کی کھال کھرچی ، پتھر سے اس کا سر پھوڑا ، لاش کے ٹکڑے ٹکڑے کیے اور انہیں آگ لگا دی۔ گلیلیو (1642ئ) اٹلی کا وہ مشہور ہئیت دان جس نے دور بین ایجاد کی تھی، جب اس نے کاپر نیکی (1543 ئ) کے نظام شمسی کی

تائید کی تو پوپ نے اسے گرفتا ر کر کے مذہبی عدالت کے سامنے پیش کیا۔ اس نے وہاںڈر سے توبہ کرلی لیکن کچھ ہی عرصہ بعد اس نے اپنی کتاب ’’نظام عالم ‘‘ شائع کر دی جس پر اسے جیل میں پھینک دیا گیا ۔ جہاں وہ دس سال تک انتہائی دکھ اٹھانے کے بعد فوت ہوگیا۔

اہل یورپ کی کتب سوزی بھی ایک تاریخ رکھتی ہے۔ بریفالٹ کہتا ہے کہ قرونِ وسطیٰ میں راہبوں کی علمی سرگرمیاں یہ تھیں کہ وہ یونان و روما کی کتابیں جلا کر ان کی جگہ مسیحی اولیاء کی داستانیں لکھ دیتے تھے۔ چونکہ اس زمانے میں کاغذ نایاب تھا اور اس کی جگہ چرمی جھلی استعمال ہوتی تھی۔

جس کی قیمت کافی زیادہ تھی اس لیے یہ راہب جھلی پر لکھی ہوئی کتابیں کھرچ ڈالتے اور ان پر اپنے مطلب کی تحریریںلکھ ڈالتے۔ پاپائے اعظم گریگوری (540 ء تا 604 ء ) سائنس ، تاریخ ، ادب اور دیگر علوم کا دشمن تھا ۔ اور دینیات یا دعائوں کے سوا کسی اور صنف کو برداشت نہیں کر تا تھا۔

اس نے رومی سیاستدان و خطیب سسرو اور مورخ لیوی کی سب کتابیں تلف کر ڈالیں۔ ایک دفعہ اسے خبر پہنچی کہ وی آنا ( آسٹریا کے دارالحکومت) کے لاٹ پادری نے کسی ادبی موضوع پر ایک مقا لہ پڑھا ہے تواسے لکھا: ’’ ہمیں خبر ملی ہے کہ جس کے ذکر سے ہمیں شرم آتی ہے کہ تم نے کوئی ادبی مقالہ پڑھا ہے۔

مجھے امید ہے کہ تم مجھے لکھو گے کہ تمہیں ان لغویات سے کوئی سروکار نہیں۔ ‘‘ انگلستان میں چوتھی صدی عیسوی میں راہبوں کے گروہ جا بجا گھومتے نظر آتے تھے۔ یہ جہاں کہیں بھی کوئی کتاب یا آرٹ کا کوئی نمونہ پاتے اسے جلا دیتے۔

طرابلس میں اس دور کی عظیم ترین لائبریری تھی جس میں کتابوں کی تعداد تیس لاکھ تھی ۔ ایک مرتبہ جب صلیبی لشکر اس شہر میں پہنچا تو کتب خانہ کو آگ لگا دی ۔ تما م کتب جلا ڈالیںاور مسلمانوں کی چھ سو سالہ محنت کو تباہ کر دیا۔

جاگیرداروں کے قلعے ڈاکوئوں کے اڈے تھے جو مسافروں پر چھاپے مارتے اور زر فدیہ وصول کرنے کے لیے انہیں پکڑ لاتے تھے۔ حصول زر کے لیے وہ مختلف طریقے استعمال کرتے تھے۔ مثلاََ آدمی کے پائوں کے انگوٹھوں کو رسی سے باندھ کر اسے الٹا لٹکا دیتے تھے اور گرم سلاخوں سے جسم کو داغٖتے یا گرہ دار

رسی کو سر کے گرد لپیٹ کر پوری طاقت سے مروڑتے تھے۔ یورپ میں سڑکیں نہ تھیں ۔ ذرائع نقل و حمل بیل گاڑیاں ، خچر اور گدھے تھے۔ جنگلوں اور پہاڑوں میں ایسے ڈاکو رہتے تھے جو آدم خور بھی تھے۔ وبائیں عام تھیں ، صرف دسویں صدی میں دس تباہ کن قحط اور تیرا وبائیں پھوٹیں

اور لوگ مکھیوں کی طرح ہلاک ہوئے۔ ان کے پادری فریب اور جعلسازی سے کام لیتے تھے۔ پوپ جنت کی راہداریاں اور گنا ہ کے پرمٹ (اجازت نامے) فروخت کیا کرتا تھا۔ عوام کے لیے سود لینا حرام تھالیکن پوپ کا بینک لوگوں کو بھاری شرح سود پر قرض دیتا تھا۔

عوام گور پرست اور مجسمہ ساز تھے اور علماء عشائے ربانی ، کرامات اولیاء رہبانیت اور تصرفات روح کی بحثوں میں الجھے رہتے تھے۔ بطور گبن! اتنے طویل تاریخی زمانے میں بدی کی یہ کژت اور نیکی کی یہ قلت کہیں او ر نظر نہیں آتی ۔

#قلمکار
(As Received)