இது உங்கள் இடம்: வாய்ப்பை தவற விடாதீர்
பரிமள ரெங்கன், சென்னையிலிருந்து எழுதுகிறார்: தமிழகத்தில் ஆளுங்கட்சி எம்.பி., ரமேஷ் கைது செய்யப்பட்டுள்ளார். மாநிலத்தில் வன்முறை, அடாவடி செயல்கள் தலைதுாக்க துவங்கியுள்ளன. இதை முதல்வர் ஸ்டாலின், துவக்கத்திலேயே கிள்ளி எறிய வேண்டும்.
பரிமள ரெங்கன், சென்னையிலிருந்து எழுதுகிறார்: தமிழகத்தில் ஆளுங்கட்சி எம்.பி., ரமேஷ் கைது செய்யப்பட்டுள்ளார். மாநிலத்தில் வன்முறை, அடாவடி செயல்கள் தலைதுாக்க துவங்கியுள்ளன. இதை முதல்வர் ஸ்டாலின், துவக்கத்திலேயே கிள்ளி எறிய வேண்டும்.
முன்னாள் முதல்வர் கருணாநிதி ஆட்சியில் இருந்த காலம். 'மிசா' வேறு அமலில் இருந்தது. ஆட்சியில் இருப்போர் நிறைய தவறுகள் செய்தனர். பூச்சி மருந்து, அரிசி பேரம் என பல பெரிய ஊழல்கள் அரங்கேறின.
ஆளுங்கட்சியைச் சேர்ந்த அன்பில் தர்மலிங்கம், சண்முகம், நெடுஞ்செழியன், ராஜாராம் ஆகியோர் மீது பல புகார்கள் எழுந்தன.
'நெடுஞ்செழியன், 'நெக்லஸ்' வாங்கினார்; ராஜாராம், மிசா கைதிகளை விடுவிக்க பணம் வாங்கினார்' என, எம்.ஜி.ஆரே குற்றம் சாட்டினார். இதில் பல ஊழல்களுக்கும், கருணாநிதிக்கும் நேரடியாக சம்பந்தம் கிடையாது.
ஆனால், கருணாநிதி ஒரு பேட்டியில், 'தேனை எடுப்பவன் புறங்கையை நக்குவான்' என அதை ஆதரித்து பேசினார்.
எல்லா தவறுகளையும், தன் தலையில் சுமந்து கொண்டார். பத்திரிகைகளும், அவர் மீது குற்றம் சாட்டின.
எல்லா தவறுகளையும், தன் தலையில் சுமந்து கொண்டார். பத்திரிகைகளும், அவர் மீது குற்றம் சாட்டின.
சர்க்காரியா கமிஷன் கொடுத்த, 'விஞ்ஞான ரீதியில் ஊழல் நடந்துள்ளது' என்ற அறிக்கை, கருணாநிதி பெயரோடு கலந்து, வரலாற்றில் நிலைத்து விட்டது.
இதில் ஆச்சரியம் என்னவெனில், எம்.ஜி.ஆர்., யார் யாரை எல்லாம் ஊழல்வாதி என்று சொன்னாரோ, அவ்வளவு பேரையும் தன் கட்சியில் சேர்த்து, அமைச்சர் பதவி கொடுத்து அழகு பார்த்தார் கருணாநிதி.
எம்.ஜி.ஆர்., மீதிருந்த புகழ் வெளிச்சத்தில், அவை யார் கண்ணுக்கும் தெரியவில்லை. அன்று போல இன்று கிடையாது. யாருடைய குற்றத்தையும் மறைக்க முடியாது. மேலும், மாநிலத்தில் நடக்கும் ஊழல் சமாச்சாரங்களை, பா.ஜ., தலைமையிலான மத்திய அரசு உன்னிப்பாக கவனித்து வருகிறது.
அதைத் தவிர, அப்போது இவ்வளவு, 'மீடியா'க்கள் கிடையாது. சமூக வலைதளங்கள் கிடையாது. இப்போது எது நடந்தாலும், உடனே வெளி உலகிற்கு தெரிந்து விடும்.
குற்றவாளிகளை ஆதரித்தாலோ, ஊழல் செய்தாலோ உடனே மக்கள் பார்வைக்கு சென்று விடுகிறது. தற்போது முதல்வர் ஸ்டாலின் மீது மக்களுக்கு நம்பிக்கை பிறந்திருக்கிறது.
அதை விரயமாக்கக் கூடாது. நேர்மையான, வலிமையான தலைவராக உருவெடுக்கும் வாய்ப்பை, அவர் தவறவிடக் கூடாது. குற்றச்செயலில் ஈடுபடும் அமைச்சர்கள், மக்கள் பிரதிநிதிகள், கட்சியினர் மீது துவக்கத்திலேயே நடவடிக்கை எடுக்க வேண்டும்.
தினமலர்
தினமலர்
• • •
Missing some Tweet in this thread? You can try to
force a refresh
