Thread by @karthickmr

நமது மாணவர்களிடம் இந்த வரலாற்றுக் கேள்விகளை கேளுங்கள்.

1. இயேசு கிறிஸ்து எந்த நூற்றாண்டு பிறந்தார்?
2. புத்தர் எந்த நூற்றாண்டு பிறந்தார்?
3.நபிகள் நாயகம் எந்த நூற்றாண்டு பிறந்தார்?

ஓரளவு வரலாற்று ஆர்வம் உள்ள எல்லா மாணவர்களும் இந்த கேள்விகளுக்கு பதில் அளிப்பார்கள்.

இந்தக் கேள்வியை கேட்டுப்பாருங்கள்.

இந்து மதம் அதாவது வேத மதம் தமிழகத்தில் எப்போது பரப்பப்பட்டது?

இதற்கான விடை வரலாற்றுப் பாடங்களில் தெளிவாக இல்லை.

கீழடி அதற்கான விடையை ஓரளவிற்கு தருகிறது.

தமிழகத்திற்கு அனைத்து மதங்களும் வெளியிலிருந்து வந்தவைதான்.

இன்னும் சொல்லப் போனால் வேத மதம் இங்கு வருவதற்கு முன்பே சமணர்கள் தமிழகத்திற்கு வந்து விட்டார்கள்.

தமிழர்களில் பெரும்பாலோர் சமண மதத்தை பின்பற்றினார்கள்.

பிறகு மிகப் பெரும்பாலோர் புத்த மதத்தையும் பின்பற்றியருக்கிறோம்.

இந்துமதம் ஆதியிலிருந்தே இங்கிருந்த மதம், மற்ற மதங்கள் தான் வெளியில் இருந்து கொண்டு வரப்பட்டது என்று பலரும் நினைக்கிறார்கள்.

நம் முன்னோர்கள் முதலில் ஆசிவக மதம், சமண மதம் அல்லது புத்த மதத்தையும் பிறகு அதாவது ஆதி சங்கரர் காலத்திற்கு பிறகு வேத மதத்தையும் அதற்கு பிறகு

கிறிஸ்துவம் அல்லது இஸ்லாம் மத்த்தையும் பின்பற்றியிருக்க வாய்ப்புண்டு என்கிற புரிதல் இங்கு பலருக்கும் இல்லை.

அதாவது நமது முன்னோர்கள் எத்தனையோ மதம் மாறியிருக்கிறார்கள் அதில் ஒன்று இந்த வேத மதம் என்கிற வரலாற்றுப் பார்வை அனைவருக்கும் வேண்டும்.

எதிர்காலத்தில் வைகைக்கரைச் சமவெளி நாகரிகம் முழுமையாக அகழ்வாராய்ச்சி செய்யப்படும்போது வேத மதம் தமிழகத்தில் பரப்பப்பட்ட வருடம் ஆதாரப்பூர்வமாக நிறுவப்பட்டுவிடும்.