Thread by @vsreekumarnair

പ്രധാനമന്ത്രി ശ്രീ നരേന്ദ്ര മോദി രാജ്യത്തെ അഭിസംബോധന ചെയ്ത് നടത്തിയ പ്രസംഗത്തിന്റെ പരിഭാഷ.

രണ്ടര വർഷത്തെ ഇടവേളയ്ക്ക് ശേഷം ഇന്ന് വീണ്ടും കർത്താർപൂർ സാഹിബ് ഇടനാഴി തുറന്നിട്ടുണ്ട്. -1-

സുഹൃത്തുക്കളെ ഗുരു നാനാക്ക് പറഞ്ഞിട്ടുള്ളത് ലോക സേവനത്തിനുള്ള മാർഗ്ഗം സ്വായത്തമാക്കുന്നതിലൂടെ മാത്രമാണ് ജിവിതം സഫലമാക്കാൻ സാധിക്കുന്നത്. ഞങ്ങളുടെ സർക്കാർ ഇതേ സേവന മനോഭാവത്തോടെ രാജ്യത്തെ ജനങ്ങളുടെ ജീവിതം ആയാസരഹിതമാക്കുന്നതിനുള്ള ശ്രമങ്ങളിൽ മുന്നോട്ട് പോവുകയാണ്. -2-

എത്രയോ തലമുറകൾ നടപ്പിലാവണമെന്ന് സ്വപ്നം കണ്ടിരുന്ന വസ്തുതകൾ നടപ്പിലാക്കുന്നതിനുള്ള ആത്മാർത്ഥമായ പരിശ്രമം ആണ് ഭാരതം ഇന്ന് നടത്തിക്കൊണ്ടിരിക്കുന്നത്.
-3-

സുഹൃത്തുക്കളെ എന്റെ അൻപതുവർഷം നീണ്ടുനിന്ന സാമൂഹ്യജീവിതത്തിൽ ഞാൻ കർഷകരുടെ വിഷമതകളെ, അവർ നേരിടുന്ന വെല്ലുവിളികളെ വളരെ അടുത്ത് മനസ്സിലാക്കിയിട്ടുണ്ട്, അനുഭവിച്ചിട്ടുണ്ട്. -4-

അതുകൊണ്ട് എനിക്ക് 2014-ൽ പ്രധാനമന്ത്രിയായി രാജ്യത്തെ സേവിക്കാനുള്ള അവസരം രാജ്യം നൽകിയപ്പോൾ ഞങ്ങൾ കൃഷിയുടെ വികസനത്തിനും കർഷകരുടെ ഉന്നമനത്തിനും ഏറ്റവും ഉയർന്ന പരിഗണന നൽകി.
-5-

സുഹൃത്തുക്കളെ രാജ്യത്തെ 80% വരെയുള്ള കർഷകർ ചെറുകിട കർഷകരാണെന്ന യാഥാർത്ഥ്യത്തെ കുറിച്ച് വളരെയധികം ആളുകൾ ഇന്നും അജ്ഞർ ആണ്. അവർക്ക് രണ്ട് ഹെക്ടറിലും താഴെ കൃഷി ഭൂമി മാത്രമാണ് ഉള്ളത്. -6-

ഈ ചെറുകിട കർഷകരുടെ എണ്ണം10 കോടിയിലും അധികമാണെന്നത് നിങ്ങൾക്ക് സങ്കല്പിക്കാൻ സാധിക്കുന്നുണ്ടോ?അവരുടെ മുഴുവൻ ജീവിതവും ഈ ചെറിയ കൃഷി ഭൂമിയെ ആശ്രയിച്ചാണ്.ഇതു തന്നെ ആണ് അവരുടെ ജീവിതവും.ഈ ചെറിയ കൃഷിഭൂമിയെ ആശ്രയിച്ചാണ് അവർ അവരുടേയും കുടുംബത്തിന്റേയും ജീവിതം മുന്നോട്ട് കൊണ്ടുപോകുന്നത് -7-

ഓരോതലമുറകൾ പിന്നിടുമ്പോഴും കുടുംബത്തിൽ നടക്കുന്നസ്വത്ത് ഭാഗംവെയ്ക്കൽ ഈകൃഷിഭൂമിയുടെ അളവ് വീണ്ടും കുറയുന്നതിനു കാരണം ആകുന്നു.അതുകൊണ്ട് ചെറുകിട കർഷകർ നേരിടുന്ന വെല്ലുവിളികളെ ഇല്ലാതാക്കുന്നതിനു സർക്കാർ വിത്ത്,ഇൻഷുറൻസ്,വിപണി,ലാഭമെന്നീ എല്ലാ മേഖലകളിലും കൃത്യമായ പ്രവർത്തനങ്ങൾനടത്തി. -8-

കർഷകർക്ക് ഉല്പാദനക്ഷമത കൂടിയ വിത്തുകൾ ലഭ്യമാക്കിയതിനൊപ്പം സർക്കാർ വളം,മണ്ണു പരിശോധന,ചെറുകിട ജലശേഷന പദ്ധതികൾ എന്നിവയും ലഭ്യമാക്കി.സർക്കാർ22കോടി മണ്ണ് പരിശോധന കാർഡുകൾ കർഷകർക്ക് ലഭ്യമാക്കിയിട്ടുണ്ട്.ഈ ശാസ്ത്രീയ പരിശോധനകൾ കാർഷിക ഉത്പാദനം വർദ്ധിപ്പിക്കുന്നതിനും കാരണമായിട്ടുണ്ട് -9-

സുഹൃത്തുക്കളെ ഞങ്ങൾ വിള ഇൻഷുറൻസ് പദ്ധതി കൂടുതൽ കാര്യക്ഷമമാക്കി. അതിന്റെ കീഴിൽ കൂടുതൽ കർഷകരെ കൊണ്ടുവന്നു. കൃഷിനാശം ഉണ്ടാകുന്ന അവസരത്തിൽ കർഷകർക്ക് പരമാവധി നഷ്ടപരിഹാരം എളുപ്പത്തിൽ ലഭിക്കുന്നതിനു വേണ്ടി പഴയ നിയമങ്ങൾ മാറ്റി. -10-

ഇതിലൂടെ കഴിഞ്ഞ നാലുവർഷക്കാലം കൊണ്ട് ഒരു ലക്ഷം കോടിയിലധികം രൂപയുടെ നഷ്ടപരിഹാരം രാജ്യത്തെ കർഷകർക്ക് ലഭ്യമായിട്ടുണ്ട്. ഞങ്ങൾ ചെറുകിട കർഷകർക്ക് മാത്രമല്ല കൃഷിയിടത്ത് പണിയെടുക്കുന്നവർക്കും കൂടി ഇൻഷുറൻസ്, പെഷൻഷൻ സൗകര്യങ്ങൾ ഏർപ്പെടുത്തി. -11-

ചെറുകിടകർഷകരുടെ ആവശ്യങ്ങൾ പൂർത്തിയാക്കുന്നതിനു സഹായകരമായി അവരുടെ ബാങ്ക് അക്കൗണ്ടുകളിലേയ്ക്ക് നേരിട്ട് ഒരു ലക്ഷത്തി അറുപത്തിരണ്ടായിരം കോടി രൂപ നിക്ഷേപിച്ചു. നേരിട്ട് അവരുടെ അക്കൗണ്ടുകളിൽ.
-12-

സുഹൃത്തുക്കളെ കർഷകർക്ക് അവരുടെ പ്രയത്നത്തിനു അർഹമായ പ്രതിഫലം ലഭിക്കുന്നതിനും ഉത്പന്നങ്ങൾക്ക് അർഹമായ വില ലഭിക്കുന്നതിനും ആവശ്യമായ നിരവധി നടപടികൾ സ്വീകരിച്ചു. രാജ്യത്തെ ഗ്രാമീണ വിപണന സംവിധാനങ്ങൾ ശക്തമാക്കി. മിനിമം തങ്ങുവില വിർദ്ധിപ്പിച്ചു. -13-

അതിനൊപ്പം തന്നെ കാർഷിക ഉത്പന്നങ്ങൾ കർഷകരിൽ നിന്നും വാങ്ങുന്നതിനുള്ള സർക്കാർ സംവിധാനങ്ങളുടെ എണ്ണത്തിലും റിക്കോർഡ് വർദ്ധനവ് ഉണ്ടാക്കി. ഞങ്ങളുടെ സർക്കാർ കാർഷിക വിഭവങ്ങളുടെ സംഭരണത്തിൽ കഴിഞ്ഞ പല ദശകങ്ങളിലേയും റിക്കോർഡുകളെ മറികടന്നിട്ടുണ്ട്. -14-

രാജ്യത്തെ ആയിരത്തിൽ അധികം വില്പന കേന്ദ്രങ്ങളെ ഇനാം (eNam - Electronic National Agricultural Market) സംവിധാനത്തിലൂടെ യോജിപ്പിച്ച് കർഷകർക്ക് അവരുടെ ഉല്പന്നങ്ങൾ രാജ്യത്ത് എവിടെയും വിൽക്കുന്നതിനുള്ള അവസരം ഉണ്ടാക്കി. -15-

അതിനൊപ്പം തന്നെ രാജ്യത്തെ കാർഷിക ചന്തകളുടെ ആധുനീകവൽക്കരണത്തിനായി കോടികളുടെ പദ്ധതികൾ നടപ്പിലാക്കി.

സുഹൃത്തുക്കളെ ഇന്ന് കേന്ദ്രസർക്കാരിന്റെ കൃഷി ബഡ്ജറ്റ് മുൻകാലങ്ങളെ അപേക്ഷിച്ച് അഞ്ചിരട്ടി വർദ്ധിച്ചിട്ടുണ്ട്.ഓരോ വർഷവും അരലക്ഷം കോടി രൂപയിൽ അധികം കൃഷിയ്ക്കായി ചിലവാക്കുന്നുണ്ട്. -16-

ഒരു ലക്ഷം കോടി രൂപയുടെ കാർഷിക ഭൗതിക സാഹചര്യ വികസന പദ്ധതികളുടെ ഭാഗമായി ഗ്രാമങ്ങളിൽ കൃഷിയിടത്തിനടുത്തായി കാർഷിക ഉത്പന്നങ്ങൾ സംഭരിക്കുന്ന കേന്ദ്രങ്ങൾ, കാർഷിക ഉപകരണങ്ങൾ ലഭ്യമാക്കുന്നതിനുള്ള സംവിധാനങ്ങൾ ഇവയെല്ലാം വേഗത്തിൽ നടപ്പിൽ വരുത്തിക്കൊണ്ടിരിക്കുകയാണ്. -17-

ചെറുകിട കർഷകരുടെ ശക്തി വർദ്ധിപ്പിക്കുന്നതിനായി പതിനയിരം FPOS (Farmer Producer Organization Scheme) പ്രവർത്തന സജ്ജമാക്കുന്നതിനുള്ള പദ്ധതികളും നടപ്പിൽ വരുത്തുന്നുണ്ട്. ഇതിലും ഏകദേശം ഏഴായിരം കോടി രൂപ ചിലവാക്കുന്നുണ്ട്. -18-

ചെറുകിടജലസേചനപദ്ധതികൾക്കുള്ള വിഹിതം രണ്ടിരട്ടിവർദ്ധിപ്പിച്ച് പതിനായിരംകോടി ആക്കി ഉയർത്തിയിട്ടുണ്ട്.കാർഷികവായ്പകളും ഞങ്ങൾഇരട്ടിയാക്കി വർദ്ധിപ്പിച്ചു.ഈവർഷം അത് പതിനാറ് ലക്ഷംകോടി രൂപയാകും.മത്സ്യകൃഷി നടത്തുന്നകർഷകർക്കും കിസാൻ ക്രെഡിറ്റ് കാർഡിന്റെ നേട്ടംലഭ്യമാകാൻ തുടങ്ങിയിട്ടുണ്ട്-19-

അതായത് ഞങ്ങളുടെ സർക്കാർ കർഷകരുടെ ഉന്നമനത്തിനായി സാധ്യമായ എല്ലാ നടപടികളും സ്വീകരിക്കുന്നുണ്ട്. ഇനിയും അത്തരം നടപടികൾ തുടർച്ചയായി സ്വീകരിക്കുക തന്നെ ചെയ്യും. -20-

കാർഷകരുടെ സാമ്പത്തിക സ്ഥിതി മെച്ചപ്പെടുത്തുന്നതിനും അവരുടെ സാമൂഹ്യവസ്ഥ ശക്തിപ്പെടുത്തുന്നതിനും പൂർണ്ണമായും ആത്മാർത്ഥമായ നടപടികൾ ആണ് സ്വീകരിച്ചു വരുന്നത്.
-21-

സുഹൃത്തുക്കളെ,കർഷകരുടെ അവസ്ഥ മെച്ചപ്പെടുത്തുന്നതിനുള്ള് ഈ ബൃഹത്തായ പദ്ധതികളുടെ ഭാഗമായി ഈരാജ്യത്ത് മൂന്നു കാർഷികനിയമങ്ങൾ നടപ്പാക്കിയിരുന്നു.ഈ നിയമങ്ങളുടെ ഉദ്ദേശം രാജ്യത്തെ കർഷകർക്ക് പ്രത്യേകിച്ചും ചെറുകിട കർഷകർക്ക് അവരുടെ ഉൽപ്പന്നങ്ങൾക്ക് നല്ല വില ലഭ്യമാക്കണം, -22-

അവരുടെ ഉൽപ്പന്നങ്ങൾ വിറ്റഴിക്കുന്നതിനു കൂടുതൽ അവസരങ്ങൾ ലഭ്യമാക്കണം. വർഷങ്ങളായി ഈ ആവശ്യം രാജ്യത്തെ കർഷകരും, കൃഷി വിദഗ്ദ്ധരും, കാർഷിക സാമ്പത്തിക ശാസ്ത്രജ്ഞരും, കർഷക സംഘടനകളും തുടർച്ചയായി ഉന്നയിച്ചു വന്നതാണ്. മുൻപും പല സർക്കാരുകളും ഈ വിഷയത്തിൽ ആലോചനകൾ നടത്തിയിട്ടുണ്ട്. -23-

ഇത്തവണയും പാർലമെന്റിൽ ഈ വിഷയം അവതരിപ്പിച്ചു. ചർച്ചകൾ നടത്തി. വിശകലനങ്ങൾ നടത്തി.നിയമം കൊണ്ടുവന്നു. രാജ്യത്തിന്റെ എല്ലാ കോണിലും ഉള്ള കോടിക്കണക്കിനു കർഷകരും അനേകം കർഷക സംഘടനകളും ഈ നിയമത്തെ സ്വാഗതം ചെയ്തു, പിന്തുണ നൽകി.ഞാൻ ഇന്ന് അവരോടെല്ലാം വളരെയധികം കടപ്പെട്ടിരിക്കുന്നു. -24-

അവർക്കെല്ലാം ഞാൻ നന്ദി അറിയിക്കുന്നു.

സുഹൃത്തുക്കളെ ഞങ്ങളുടെ സർക്കാർ കർഷകരുടെ ഉന്നമനത്തിനായി, -25-

പ്രത്യേകിച്ചും ചെറുകിട കർഷകരുടെ ഉന്നമനത്തിനായി രാജ്യത്തെ കാർഷിക മേഖലയ്ക്ക് വേണ്ടി രാജ്യത്തിനു വേണ്ടി ഗ്രാമങ്ങളിലെ ദരിദ്രരുടെ ഉജ്ജ്വലമായ ഭാവിയ്ക്ക് വേണ്ടി പൂർണ്ണമായ സത്യസന്ധതയോടെ കർഷകരുടെ ഉന്നമനം മാത്രം ലക്ഷ്യമാക്കി നല്ല ഉദ്ദേശത്തോടെ ആണ് ഈ നിയമം കൊണ്ടുവന്നത്. -26-

എന്നാൽ ഇത്രയും പവിത്രമായ കാര്യം, പൂർണ്ണമായും കർഷകരുടെ ഉന്നമനത്തിനായുള്ള കാര്യം ഞങ്ങൾ പരമാവധി പരിശ്രമിച്ചിട്ടും കുറച്ച് കർഷകരെ മനസ്സിലാക്കിക്കാൻ സാധിച്ചില്ല.കർഷകരിലെ ഒരു വിഭാഗം മാത്രമാണ് ഇതിനെ എതിർത്തിരുന്നത്.എന്നാൽ അവരും ഞങ്ങളെ സംബന്ധിച്ച് പ്രധാനപ്പെട്ടവർ തന്നെ ആയിരുന്നു. -27-

കാർഷിക സാമ്പത്തിക ശാസ്ത്രജ്ഞന്മാരും,കാർഷിക വിദഗ്ദ്ധരും വികസനം ആഗ്രഹിക്കുന്ന കർഷകരും എല്ലാം അവരെ കാർഷിക നിയമ ഭേദഗതിയുടെ മഹത്വം മനസ്സിലാക്കിക്കുന്നതിനു കഠിനമായ പരിശ്രമം നടത്തി.ഞങ്ങൾ വിനയാന്വിതരായി തുറന്ന മനസ്സോടെ അവരെ മനസ്സിലാക്കിക്കാൻ ശ്രമിച്ചു കൊണ്ടേയിരുന്നു. -28-

വ്യക്തിപരമായും സാമൂഹ്യമായും അനേകവഴികളിലൂടെ ഞങ്ങളുടെ ചർച്ചകൾ തുടർന്നുകൊണ്ടേയിരുന്നു. കർഷകരുടെ വാക്കുകൾ കേൾക്കുന്നതിനും അവരുടെ ആശങ്കകൾ പരിഗണിക്കുന്നതിനും കിട്ടിയ ഒരു അവസരവും ഞങ്ങൾ പാഴാക്കിയില്ല. -29-

നിയമത്തിലെ ചില വ്യവസ്ഥകളോട് അവർക്ക് ഉണ്ടായിരുന്ന എതിർപ്പ് പരിഗണിച്ച് ആ വ്യവസ്ഥകൾ തിരുത്തുന്നതിനും സർക്കാർ തയ്യാറായി. ഈ നിയമം നടപ്പിൽ വരുത്തുന്നത് രണ്ട് വർഷത്തേയ്ക്ക് നിറുത്തിവയ്ക്കാൻ തയ്യാറാണെന്ന പ്രഖ്യാപനവും ഞങ്ങൾ നടത്തി. -30-

ഇതിനിടയിൽ ഈ വിഷയം ബഹുമാനപ്പെട്ട സുപ്രീം കോടതിയുടെ മുന്നിലും എത്തി. ഈ കാര്യങ്ങൾ എല്ലാം ജനങ്ങൾക്ക് മുന്നിൽ ഉണ്ട്. അതുകൊണ്ട് ഇതേപ്പറ്റി ഞാൻ കൂടുതൽ വിശദീകരിക്കുന്നില്ല. -31-

ദീപത്തിന്റെ പ്രകാശം പോലെ സത്യമായ വസ്തുതകൾ കുറച്ച് കർഷക സഹോദരങ്ങളെ മനസ്സിലാക്കിക്കാൻ ഞങ്ങൾക്ക് സാധിക്കാതെ പോയത് ഞങ്ങളുടെ തന്നെ പ്രവർത്തനങ്ങളിൽ വന്ന വീഴ്ചയുടെ ഫമായിട്ടാവണം എന്ന് പൂർണ്ണ മനസ്സോടെയും ആത്മാർത്ഥമായ ഹൃദയത്തോടെയും പറഞ്ഞുകൊണ്ട് ഞാൻ ഈ ദേശവാസികളോട് ക്ഷമ ചോദിക്കുന്നു. -32-

ഇന്ന് ഗുരുനാനാക്ക് ദേവന്റെ പവിത്രമായ ഈ ജന്മദിനത്തിൽ ആരേയും കുറ്റപ്പെടുത്താൻ ഞാൻ ആഗ്രഹിക്കുന്നില്ല. ഇന്ന് ഈ മൂന്ന് കാർഷിക നിയമങ്ങളും പിൻവലിക്കാൻ ഞങ്ങൾ തീരുമാനിച്ചു എന്ന് നിങ്ങളെ അറിയിക്കാൻ ഈ രാജ്യത്തെ അറിയിക്കാൻ ആണ് ഞാൻ എത്തിയിരിക്കുന്നത്. -33-

ഈ മാസം അവസാനം ആരംഭിക്കുന്ന പാർലമെന്റ് സമ്മേളനത്തിൽ കാർഷിക നിയമങ്ങൾ പിൻവലിക്കുന്നതിനുള്ള ഭരണഘടനാപരമായ നടപടിക്രമങ്ങൾ പൂർത്തിയാക്കും.
-34-

സുഹൃത്തുക്കളെ സമരംചെയ്യുന്ന മുഴുവൻകർഷക സഹോദരങ്ങളോടും ഇന്ന് എനിക്ക് അപേക്ഷിക്കാനുള്ളത് ഇന്ന് ഗുരുനാനാക്കിന്റെ പവിത്രമായ ഈദിവസത്തിൽ നിങ്ങൾ വീടുകളിലേയ്ക്ക് മടങ്ങിപ്പോകണം,നിങ്ങളുടെ കൃഷിയിടങ്ങളിലേയ്ക്ക് മടങ്ങിപ്പോകണം,നിങ്ങളുടെ കുടുംബാംഗങ്ങളുടെ അടുത്തേയ്ക്ക് മടങ്ങിപ്പോകണം എന്നാണ് -35-

വരൂ നമുക്ക് ഒരുമിച്ച് ഒരു പുതിയ തുടക്കം കുറിക്കാം. പുതിയ തീരുമാനങ്ങളോടെ മുന്നോട്ട് പോകാം.

സുഹൃത്തുക്കളെ ഇന്നു തന്നെ സർക്കാർ കാർഷികവൃത്തിയുമായി ബന്ധപ്പെട്ട മറ്റൊരു പ്രധാന തീരുമാനവും എടുത്തിട്ടുണ്ട്. -36-

രാജ്യത്തെ കാർഷിക ഉത്പാദനം വർദ്ധിപ്പിക്കുന്നതിനും രാജ്യത്തിന്റെ മാറിവരുന്ന ആവശ്യങ്ങൾ മുന്നിൽ കണ്ടുകൊണ്ട് crop pattern ശാസ്ത്രീയ അടിസ്ഥാനത്തിൽ മാറ്റം വരുത്തുന്നതിനും, -37-

മിനിമം താങ്ങുവില(MSP)കൂടുതൽ ഗുണപ്രദവും പ്രയോജനപ്രദവും ആക്കുന്നതിനും ഉൾപ്പടെയുള്ള എല്ലാ വിഷയങ്ങളിലും ഭാവിയിലെ ആവശ്യതകൾ മുന്നിൽക്കണ്ട് തീരുമാനങ്ങൾ എടുക്കുന്നതിനു ഒരു കമ്മറ്റി രൂപീകരിക്കും.ഈ കമ്മറ്റിയിൽ കേന്ദ്രസർക്കാർ-സംസ്ഥാന സർക്കാരുകളുടെ പ്രതിനിധികൾ, കർഷകർ,കാർഷിക ശാസ്ത്രജ്ഞർ -38-

കാർഷിക സാമ്പത്തിക വിദഗ്ദ്ധർ, എന്നിവർ ഉണ്ടാകും. സുഹൃത്തുക്കളെ ഞങ്ങളുടെ സർക്കാർ കർഷകരുടെ ഉന്നമനത്തിനായാണ് പ്രവർത്തിച്ചിട്ടുള്ളത്, ഇനി മുന്നോട്ടും പ്രവർത്തിക്കാൻ പോകുന്നത്. ഞാൻ ഗുരു ഗോവിന്ത് സിങ്ങിന്റെ വാക്യങ്ങളോടെ എന്റെ വാക്കുകൾ ചുരുക്കുന്നു. -39-

“ഹേ ദേവി എനിക്ക് ശുഭകാര്യങ്ങൾ ചെയ്യുന്നതിൽ നിന്നും ഒരിക്കലും പിന്നോട്ട് പോകേണ്ട അവസ്ഥ ഉണ്ടാകില്ലെന്ന വരം തന്നാലും” ചെയ്തതെല്ലാം കർഷകരുടെ ഉന്നമനത്തിനു വേണ്ടിയാണ്. ചെയ്യുന്നതെല്ലാം നാടിന്റെ നന്മയ്ക്ക് വേണ്ടിയാണ്. -40-

നിങ്ങൾ എല്ലാവരുടെയും അനുഗ്രഹത്താൽ ഞാൻ മുൻപും എന്റെ പ്രയത്നങ്ങളിൽ ഒരു കുറവും വരുത്തിയിട്ടില്ല. നിങ്ങളുടെ സ്വപ്നങ്ങൾ സാക്ഷാത്കരിക്കുന്നതിന്, -41-

രാജ്യത്തിന്റെ സ്വപ്നങ്ങൾ സാക്ഷാത്കരിക്കുന്നതിന് ഇനിയും കൂടുതൽ ശക്തമായി പ്രയത്നിക്കും എന്ന് ഞാൻ നിങ്ങൾക്ക് ഉറപ്പ് നൽകുന്നു. നിങ്ങൾക്ക് വളരെയധികം നന്ദി. നമസ്കാരം. -42-