Thread by @Raamraaj3

தமிழ் வளர்த்த இராமானுஜ இராகவையங்கார்
By மகர சடகோபன் 

நூல் ஆய்வு:

நவதிருப்பதியில் ஒன்றான எனது ஊர் பக்கம் , ஆழ்வார்களில் தலைவரான நம்மாழ்வார் அவதரித்த, வேதம் தமிழ் செய்த மாறன் அவதரித்த மண்ணில், தமிழ் தன்னுருவம் கொண்டு தவழ்ந்த தவமண்ணில்,

தமிழ் வளர்க்க ஆழ்வார்திருநகரியில் பத்மாஸனி அம்மாள் , இராமானுஜ அய்யங்கார் தம்பதியருக்கு இரண்டாவது மகனாக 1870 ம் ஆண்டு பிறந்தார். அதே சமயத்தில் 1869 ம் ஆண்டு தென்திருப்பேரையில் காளமேகம் அபிநவ அனந்தகிருஷ்ணய்யங்கார் பிறந்தார் என்பதும் குறிப்பிடத்தக்கது.

இவரது தாய்மாமன்கள் கிருஷ்ணய்யங்கார் , சதாவதானம் முத்துசாமி அய்யங்கார் இருவரும் , சேதுபதி மன்னர் சபையில் புலவராகவும் , அமைச்சராகவும் இருந்தார்கள். பன்மொழியில் தேர்ச்சிப் பெற்றவர்கள். இவர்களது தாத்தா கிருஷ்ணய்யங்கார் சேதுபதி மன்னர் அமைச்சரவையில் இரண்டாவது அமைச்சராக இருந்தவர்.

சிறுவயதில் தந்தையை இழந்த காரணத்தினால் மாமா முத்துசாமி அய்யங்கார் வீட்டில் , தாயுடன் வளர்ந்தார். மாமாவிடம் இருந்த சூழ்நிலை காரணமாக , தமிழ் புலமை சிறுவயது முதல் ராகவனாருக்கு இயல்பாக இருந்தது.

தாய்மாமன் முத்துசாமி அய்யங்கார் குருகைக் கலம்பகம் ,சந்திராலோகம் , மணவாள மாமுனி நூற்றந்தாதி, நூற்றெட்டுத் திருப்பதி அகவல் போன்ற நூல்களை இயற்றியுள்ளார்.

கச்சி கலம்பகம் இயற்றிய அரங்கநாத முதலியார் நன்மதிப்பைப் பெற்றார் ரா.ராகவைய்யங்கார். இராகவனார் இயற்றிய திருவரங்கத்து வெண்பாமாலை பாடல்களைக் கேட்டு , அவரது கவியின் திறமையை பாராட்டி மகிழ்ந்தார் முதலியார்.

தமிழ் தாத்தா டாக்டர் உவேசா ஐயரவர்கள் நட்பைப் பெற்றார். இராகவனாருக்கு ” செந்தமிழ் நாட்டின் மகா வித்துவான்” என்ற பட்டத்தைச் சூட்டினார் தமிழ் தாத்தா.

டாக்டர் ஐயரவர்கள் வித்வான் என்று அழைப்பது அவரது ஆசிரியர் மீனாட்சி சுந்தரம் பிள்ளை ஒருவரே. அதற்குப் பிறகு வித்வான் என்று அழைத்தது இராகவையங்காரை மட்டுமே.

பேராசிரியர் அரங்காச்சாரி, இராமனுஜரின் ஶ்ரீ பாஷ்யத்தை ஆங்கிலத்தில் மொழி பெயர்த்தார்.

அவர் ஆங்கில ஶ்ரீபாஷ்ய நூலில் இராகவைய்யங்காரை ” சமஸ்தான தமிழ் வித்வத் சிகாமணியுமாகிய பிரம்மஶ்ரீ உபய வேதாந்த பிரவர்த்தகர்” என்று குறிப்பிட்டுள்ளார். அவரது நன்மதிப்பைப் பெற்றிருந்தார்.

அவர் காலத்தில் வாழ்ந்த பல தமிழ் அறிஞர்கள் , தக்கார்கள் ரா இராகவையங்காரரைப் போற்றி புகழ்ந்தனர்.

அவரது தமிழ் படைப்புகள்:

பாரிகாதை – 753 வெண்பாக்கள்

புவி எழுபது – கம்பர் எரின் சிறப்பு

தொழில் சிறப்பு – 100 செய்யுள்

திருவடிமாலை – 100 செய்யுள் ( திருமால் துதி)

பாரத நீதிவெண்பா- 250 வெண்பாக்கள்

துறைக்கோவை

புல்லை யமகவந்தாதி- 100 செய்யுள்
8 திருவேங்கடமாலை

கடவுள் மாலை
10 தனிப்பாடல்கள்

உரைநடை நூல்கள்:

வஞ்சிமாநகர்
2.சேது நாடும் தமிழும்

நல்லிசை பண்புகளை மெல்லியலார்

அண்டகோள மெய்ப்பொருள்

மொழிப் பெயர்த்து நூல்கள்:

பகவத்கீதை

வால்மீகி ராமாயணம் சில பகுதிகள்

இரகுவம்சம் சில சுருக்கம்

மகாகவி காளிதாசர் ” அபிஜ்ஞான சாகுந்தலம்”

பதிப்பாசிரியர்:

1.நச்சினார்கினியார் உரை – தொல்காப்பிய செய்யுள்

நேமிநாதம் – இலக்கண நூல்

பன்னிரு பாட்டியல்- இலக்கண நூல்

ஐந்திணை ஐம்பது

நான்மணிக்கடிகை

திணைமாலை நூற்றைம்பது

திருநூற்றந்தாதி – ஜைனநூல்

முத்தொள்ளாயிரம்

அகநானூறு

மேற்கண்ட சங்க நூல்களை ஏட்டிலிருந்து நூல் வடிவத்தில ” தமிழ் தாத்தா டாக்டர் உவேசா” போன்று முதன்முதலில் கொண்டு வந்தவர் என்ற பெருமைப் படைத்தவர் ராகவைய்யங்கார்.

குறுந்தொகை என்ற சங்கநூலுக்கு விளக்கவுரை எழுதியுள்ளார்.

மதுரை தமிழ் சங்கத்தின் மாத இதழ் ” செந்தமிழ்” ” நூல் ஆசிரியராக இருந்தவர் ரா.ராகவைய்யங்கார்.

தமிழ் வளர்த்த ரா. ராகவைய்யங்கார் 1946 ஜூலை மாதம் 11ம் நாள் , விண்ணுலகில் தமிழ் வளர்க்க தமிழ் மண்ணை விட்டு மறைந்த நாள்

நன்றி:

நூலாசிரியர் டாக்டர் மா.இராசமாணிக்கனார்

பதிப்பாசிரியர்: புத்தூர் R பாலாஜி

🇮🇳🙏🇮🇳