Thread by @Raamraaj3

சனாதன தர்மம்!

By காலித் உமர் 

மனிதன் மதத்தைத் தோற்றுவித்தான்….
இயற்கை தர்மத்தைத் தோற்றுவித்தது.
ஆனால்ஹிந்துமதம் குறிப்பிட்ட ஒருவரால் தோன்றியதல்ல.

இந்த பூமியில் இயற்கையாகவே உருவான ஒரே மதம் ஹிந்துமதம் தான்.ஹிந்து வழிபாடு,கடவுள்கள்,திருவிழா,பண்டிகை,உணவு முறை எல்லாமே இயற்கையிலிருந்து அருளப்பட்டவபையே.
பிறப்பிலிருந்து இறப்பு வரை பூமிதேவியையும் அதில் வாழும் கோடானு கோடி உயிரினங்களையும் பாதுகாப்பது இந்து தர்மம்.

போன்சாய் செடிபோல் எல்லைக்குள் கட்டுப்படுத்தப்பட்ட  வழிமுறையன்று.
அது மிகப்பெரிய ஆலமரம்.தனது கிளைகளை ,வேர்களை நீண்ட நெடுந்தூரம் ஆழமாகப் பரவவிட்டிருக்கும் அதிசய மரம்.பூமியில் வாழும் அத்துணை ஜீவராசிகளுக்கும் இளைப்பாற நிழல் தந்து பாரபட்சமின்றி அரவணைக்கும் விருட்சம்.

ஜனனம் மரணம் என்ற சுழற்சியில் கர்ம பலன்களை நல்லதோ கெட்டதோ அனுபவித்தே ஆகவேண்டும் அதன் மூலம் அனுபவப் பாடம் கற்க வேண்டும் என்று போதிக்கிறது ஹிந்து தர்மம்.

மனிதன் உருவாக்கிய மதம் போல் இங்கு ஒரு தலைமை,ஒரே வழிமுறை ஒரே வழிபாடு எதுவும் இல்லை.அதனால் தான் இது பல்லாயிரம் ஆண்டுகளாக உயிர்ப்புடன் உள்ளது.
பிற மதங்களோ ஆணவம், பொறாமை, வன்முறை,  பழிவாங்குதல் என்று அடக்குமுறையால் ஜெயிக்க நினைத்து அழிகின்றன.

ஹிந்துக்களே! ஹிந்துவாகப் பிறந்ததற்கு நீங்கள் ஒவ்வொருவரும் பெருமைப்பட வேண்டும்.எப்பேர்பட்ட பாக்கியம் அது!ஹிந்து என்பது இயற்கையின் மறுபெயர்.இந்த தர்மம் மட்டுமே பரம்பொருளால் உருவாக்கப்பட்டு இயற்கையுன் ஒன்றிணைந்து வழிநடத்துகிறது.

இயற்கைக்கு அழிவில்லை.தன்னைப் புதுப்பித்துக்கொண்டே இருக்கும்.ஆனால் மனிதன் உருவாக்கிய அனைத்தும் அழிந்துவிடும். ஒரேடியாக அழிவதிலிருந்து காக்க பெரும் பிரயாசைப் படவேண்டும்.

அன்பிற்கு அழிவில்லை.ஆனால் திருமண பந்தத்தைப் பேண பெரும் முயற்சி வேண்டுமே அதுபோலத் தான் மனிதன் கட்டமைத்த மதங்களுக்கும் இயற்கை அமைத்த தத்துவங்களுக்கும் இடையே உள்ள வேறுபாடும்.

ஒன்று மதம்.இன்னொன்று தர்மம்.மதம் இறைவனிடம் அஞ்சுகிறது.தர்மம் இறைவனை நேசிக்கிறது!

மொழிபெயர்ப்பு ஆசிரியர்: ஸ்ரீப்ரியா இராம்குமார்