మృధుగారయంత్రాంగం సమాజంలోని సంస్థల ఇచ్చిపుచ్చుకలకు, ప్రజలు పాటించే ఆచారవ్యవహారాలకు, సంఘంలోని నియమాలకు మరియు విలువలకు ఒక ప్రతిదర్పణం వంటిది. సహజంగానే ఈ విలువలు, వృత్తివైచిత్రులు దేశదేశాలయందు విభిన్నంగా ఉంటాయి. మరి అమెరికా ఉత్పత్తులైన మృధుగారాలు ప్రపంచవ్యాప్తంగా ఎలా చొచ్చుకువచ్చాయి?
https://twitter.com/telugology/status/1466197491666210816
ఈ ప్రశ్నకు సమాధానమివ్వాలంటే, వశ్యపాలనలోని ప్రభుత్వవిధానాలను తద్వారా వచ్చిన సమాజపునర్నిర్మాణమును చర్చించక తప్పదు. అతి సులభంగా అర్థమయ్యే అంశము ప్రజలు వాడే భాష: సహజంగా సాంస్కృతికపరంగా చారిత్రికవైశిష్ఠ్యతపరంగా భారతీయభాషలు మన సమాజనిర్మాణంలోను, పరిశ్రమలలోను వాడబడాలి. వాడబడుతున్నాయా?
పారిశ్రామికవిప్లవం నేపథ్యంగా ప్రపంచవ్యాప్తంగా వచ్చిన మార్పులలో సాంస్కృతిక విచ్ఛిన్నము, సాంఘిక విలువల విధ్వంసము ఒకటి. ఈ పరిణామము వివిధ సమాజాలలో వివిధ ప్రకారాలుగా జరిగింది. వశీకృతమైన భారతదేశాది దేశాలలో ఘోరంగా జరుగగా స్వీయవ్యాపారప్రతిష్టితమైన జపాను ఇత్యాది దేశాలలో మృధువుగా జరిగింది.
ఈ చారిత్రికవాహినిని అనుసరించి, కొన్ని దేశాలలో వారి స్వీయసంస్కృతిపైన స్వాభిమానము గుర్తింపు ఉండగా, కొన్ని దేశాలలో ఆత్మన్యూనత ఉదాసీనత ఉన్నాయి. మన భారతదేశంలో తత్కారణంగా మృధుగారాలను భారతీయభాషలలో అన్వయించుకోవాలి అనే కనీస విచక్షణ కూడా లోపించింది. ఇతర వశ్యోపరి దేశాలలో ఇదే పరిస్థితి ఉంది.
మృధుగారవినియోగానికి ప్రతిముఖంగా ప్రయోగించే భాషను, చేష్టలను, సంజ్ఞలను దేశానుసారం మార్చి పునర్నిర్మాణం చేయటాన్ని అంతర్జాతీయకరణం అంటారు. ప్రాపంచీకరణమైన విపణిలో ఈ అంతర్జాతీయకరణం లేదా దేశోచితాన్వయం ముఖ్యమైన అంశం. అందరు ప్రజలు ఆంగ్లం వాడడం సార్వభౌమీకరణం అవుతుంది తప్ప ప్రాపంచీకరణం కాదు.
కానీ మృధుగారవ్యవస్థలో మన భారతీయులకున్న ఉదాసీనత దీనికి ప్రత్యేకమైనదేమీ కాదు. మన స్థాపత్యప్రక్రియలలోను, గృహభవననిర్మాణాలలోను దేశోచితమైన సంప్రదాయానుసారమైన విధానాలు పాటింపబడుతున్నాయా? లేదు. సర్వనాశనం జరుగుతోంది, మన కళ్ల ముందునే అగ్గిపెట్టెలవంటి మూఢమైన కంకరనిర్మాణాలు లేస్తున్నాయి.
వశ్యపాలనయే గాక పారిశ్రామిక నూతనీకరణం పట్ల సాహసించడమందు భారతీయుల అనాసక్తి కూడా మృధుగారనిర్మాణంలో భారతీయసృజనకు అవాంతరంగా నిలబడి ఉంది. అమెరికా యొక్క ఆర్థిక సుస్థిరత ఫలితంగా అక్కడి పరిశ్రమల్లో కార్యసంవాహనంలో ప్రౌఢత ఉంది. నూతనీకరణానికై కావలిసిన పెట్టుబడులు పెట్టే సాహసము, స్థోమత ఉంది.
ఈ ఆర్థికస్థిరత్వంలోని వ్యత్యాసాల మూలంగానే రెండవ ప్రపంచ యుద్ధానంతరం మృధుగారనిర్మాణంలో అమెరికా ఐరోపా మధ్యన వ్యత్యాసం వచ్చింది. యుద్ధవిధ్వంసం మూలంగా స్థిరత్వాన్ని ఆపాదించే పరిశ్రమల పట్ల ఐరోపా దేశాలు మొగ్గుచూపాయి. అమెరికాలో సాహసత్వము, కార్యసంవాహనూతనత్వము మృధుగారసృష్టికి అనుకూలించాయి.
కానీ పారిశ్రామిక వినియోగాలలో మృధుగారసృష్టి ఒక రీతి, సాంఘికమాధ్యమాలలోను వ్యక్తిగతమైన వినోదవినియోగాలలోను దేశోచితమైన మృధుగారసృష్టి చేయడం ఏ దేశంలోనన్నా సాధ్యమవ్వాలి. ముఖ్యంగా సాంస్కృతికపరంగా అంత తీవ్ర వ్యత్యాసమున్న భారతదేశంలో మన ప్రజలకు ప్రీతికరమైన అనుభూతినందించే మృధుగారాలు రావాలి.
ఇలా దేశోచితమైన, సంప్రదాయోచితమైన సాంఘికమాధ్యమాలు, వినోదకాయోగాలు మృధుగారాలు భారతీయులు సృజించట్లేదంటే కేవలం మన భావదారిద్ర్యత మూలంగాను మన మేధోదాస్యత మూలంగాను మాత్రమే. వీటి నుండి విముక్తి రావాలంటే మన ఆలోచనలలోను విద్యావిధానంలోను నిర్వశ్యీకరణం జరగాలి. ఆలస్యమైతే ఆ అవకాశం తప్పిపోతుంది.
• • •
Missing some Tweet in this thread? You can try to
force a refresh
