Thread by @Sajid2k

سوره السجده

آیت نمبر ٥

#سرمایہ_زیست

اللہ تعالیٰ کے نزدیک ایک دن کے ایک ہزار سال کے برابر ہونے کا کیا مطلب ہے؟اسکی صحیح تشریح تو اللہ تعالیٰ ہی کو معلوم ہے، اور حضرت عبداللہ بن عباس رضی اللہ عنہ نے اسے متشابہات میں بھی شمار کیا ہے، لیکن دوسرے مفسرین کےمطابق اِس آیت کی ایک تفسیر تو یہ ہےکہ اُس دن سےمراد
#سرمایہ_زیست

قیامت کا دن ہے جو ایک ہزار سال کے برابر ہوگا، اور مطلب یہ ہے کہ جتنی مخلوقات کا انتظام اُس وقت اللہ تعالیٰ فرما رہے ہیں،وہ سب آخرکار قیامت کے دن اللہ تعالیٰ ہی کی طرف لوٹائےجائیں گے۔اور دوسری تفسیر یہ ہےکہ اللہ تعالیٰ جن اُمورکافیصلہ فرماتے ہیں،اُنکی تنفیذ اپنے اپنے
#سرمایہ_زیست

طے شدہ وقت پر ہوتی ہے، چنانچہ بعض اُمور کی تنفیذ میں اِنسانوں کی گنتی کے مطابق ایک ہزار سال بھی لگ جاتے ہیں، لیکن اللہ تعالیٰ کے نزدیک یہ ایک ہزار سال بھی کوئی بڑی مدّت نہیں ہے، بلکہ ایک دن کے برابر ہے، چنانچہ جیساکہ سورۂ حج(23:47)میں فرمایا گیا ہے،کفارکےسامنے جب یہ
#سرمایہ_زیست

کہا جاتا تھا کہ اُن کے کفر کے نتیجے میں اُن پر اللہ تعالیٰ کی طرف سے دُنیا یا آخرت میں عذاب آئے گا تو وہ اس کا مذاق اڑاتے تھے، اور کہتے تھے کہ اِتنے دن گذر گئے، لیکن کوئی عذاب نہیں آیا، اگر واقعی عذاب آنا ہے تو ابھی کیوں نہیں آجاتا؟ اِس کے جواب میں فرمایا گیا ہے کہ
#سرمایہ_زیست

اللہ تعالیٰ نے جو وعدہ کر رکھا ہے، وہ تو ضرور پورا ہوگا۔ رہا اُس کا وقت، تو وہ اللہ تعالیٰ کی اپنی حکمت کے مطابق متعین ہوگا۔ اور تم جو سمجھ رہے ہو کہ اس کے آنے میں بہت دیر ہوگئی ہے تو در حقیقت تم جس مدت کو ایک ہزار سال سمجھتے ہو، وہ اللہ تعالیٰ کے نزدیک ایک دن

#سرمایہ_زیست

کے برابر ھے۔اس آیت کی کچھ مزید تفصیل إن شاء الله سورة المعارج (70:3) میں آئے گی۔

#سرمایہ_زیست