நாளை காசியில் #காசிவிஸ்வநாதர் ஆலயத்தின் புதிய வளாகம் திறக்கபடுகிறது. பிரதமர் மோடி அதை திறந்து வைக்கிறார். ரிஷிகள் பல்லாயிரம் ஆண்டுகளுக்கு முன்பே சொன்னது ‘காசி வாழ இத்தேசம் வாழும், காசி வீழ்ந்தால் இத்தேசம் வீழும்’ என்பது. அது முக்கால உண்மை. காலமெல்லாம் போராடிய சத்ரபதி சிவாஜி 
காசியில் கால்வைத்த பின் தான் இந்துகளின் அதிபதியாக முடிசூட்டி கொண்டார். அவர் காலத்துக்குப் பின் காசி சுல்தான் பிடியில் சிக்கினாலும் தமிழக சித்தஞானி குமரகுருபரர் சிங்கத்தின் மேல் அமர்ந்து அரபுமொழி பேசி காசி ஆலயத்தின் உரிமையினை மீட்டு கொடுத்தார். ஞானியர் எப்பொழுதும் முழு காரியமும்
முன்னின்று செய்யமாட்டார்கள், தொடங்கி வைத்துவிட்டு அவர்கள் போக்கில் செல்வார்கள், பின் வருபவர்தான் தொடரவேண்டும். ஆனால் ஏனோ பிற்காலத்தில் யாரும் வரவில்லை சிக்கல் நீடித்தது. சிவாஜியும், குமரகுருபரரும் மட்டும் இல்லாது போயிருந்தால் காசி எனும் அடையாளமே அழிந்திருக்கும், அழிந்துவிட்ட அதை
மீட்டெடுக்க வழி இல்லாமல் போயிருக்கும். காசி மீட்பில் அந்த இருவரையும் ஒரு காலமும் மறக்கமுடியாது. காலவோட்டத்தில் வெள்ளையரும் வந்து ஆள காசி கவனிப்பாரற்று நாசமானது. மோடி நினைத்திருந்தால் குஜராத்தில் இருந்து எளிதாக எம்பி ஆகியிருக்கலாம். ஏன் தேர்தலில் நிற்காமல் மன்மோகன் வழியில் பிரதமர்
ஆகியிருக்கலாம். ஆனால் வாரனாசி எனும் காசியில்தான் நிற்பேன் என வந்து வைராக்கியமாக நின்று வென்றார். வென்றவர் முதலில் #கங்கையை சுத்தப்படுத்தி நீர்வழி சாலையினை ஏற்படுத்தி அதை ஒழுங்கு செய்து, அடுத்தக் கட்டமாக காசிகோவிலுக்கு வந்தார். முடியவே முடியாது என்ற நிலை மாற்றபட்டு ஆக்கிரமிப்புகள்
அகற்றபட்டு மிக நேர்த்தியாக சுமார் ஆயிரம் ஆண்டுக்கு முன் இருந்தது போல காசி ஆலயம் மறுபடி உருவாக்கபட்டுவிட்டது. வளாகம் இன்று மிக சுத்தமாக காட்சி அளிக்கிறது. அங்கு இருந்த மிகப் பெரும் தவறு அக்கோவிலின் நந்தி காசி விஸ்வநாதரை பாராமல் வேறு திசையில் எங்கோ இருந்தது, ஆக்கிரமிப்புகள் இதர
விஷயங்களால் இது வெகுநாள் கவனிக்கபடாமலே இருந்தது. மோடி ஆட்சியில் இது கண்டறியப்பட்டு சுமார் 350 ஆண்டுக்கு பின்னால் அதாவது தமிழக சித்தர் குமரகுருபரர் காசி சென்று அந்த ஏற்பாடுகளை செய்த காலத்துக்குப் பின் இப்பொழுது தான் அந்த நந்தி ஆலயம் நோக்கி திருப்பப் பட்டுள்ளது. இந்த சரித்திர
சம்பவத்தின் அரங்கேற்றம் நாளை காசியில் நடக்கிறது. கார்த்திகை சோமவாரம் ஆன கார்த்திகை திங்கட் கிழமை சிவப்பரம் பொருளுக்கு உகந்த நன்னாளில் இது நடைபெற இருக்கின்றது. இதெல்லாம் சாமான்யனால் செய்யபடும் விஷயம் அல்ல. தனி வரமும் அருளும் கொண்ட ஒருவனால் பிறவிதோறும் தவமிருந்து, தூய நோக்கம் கொண்ட
ஒருவனால் மட்டும் செய்யபடும் காரியங்கள். ஆயிரம் ஆண்டுக்கு பின் தன் முழுவடிவம் பெற்றிருக்கிறது காசி ஆலயம். மிகபெரிய அச்சுறுத்தலில் இருந்து யார் யாரெல்லாமோ காக்கபட்டு அழியாமல் இருந்த அந்த புண்ணிய ஷேத்திரம் மோடி ஆட்சியில் புது கோலத்துடன் தன்னை மீண்டும் முழுமையாக மீட்டெடுக்கின்றது.
முன்பு 4 பேருக்கு மேல் நிற்க முடியாதபடி ஆக்கிரமிப்பில் சிக்கியிருந்த அந்த வளாகம், நந்தி எங்கிருக்கின்றது என தெரியாதபடி மரத்தடி பிள்ளையார் சிலைபோல் ஆகியிருந்த வளாகம் இன்று சுமார் 1 லட்சம் மக்கள் வருமளவு விஸ்தாரமாக்கப்பட்டுள்ளது. வீரசிவாஜிக்கு முடிசூட்டிய காகபட்டர் எனும் காசிக்கரை
சித்தர் சொன்ன வார்த்தையினை மோடிக்கும் சொல்லி வாழ்த்தலாம். “சிவாஜி நீ உனக்காக வாழாமல் இந்த தர்மத்துக்காகவும் இந்த பாரத கண்டத்தின் எழுச்சிக்குமாக வாழ்ந்ததால் அந்த காசி விஸ்வநாதன் இந்து ஷேத்திரங்களின் அதிபதி எனும் சத்ரபதி பட்டத்தை உனக்கு கொடுக்க உத்தரவிட்டான். காசி வாழ இத்தேசம்
வாழும். இந்த இந்து பூமியில் யாரெல்லாம் அந்த புண்ணிய ஷேத்திரத்தை காக்க வந்து தன்னலம் மறந்து நிற்பார்களோ அவர்களும் உனக்கு பின் சேத்திர அதிபதி என்றே அழைக்கப் படுவார்கள், காசி விஸ்வநாதன் அந்த அருளை அவர்களுக்கு வழங்குவான். இதனால்தான் உனக்கு மன்னன், அரசன், சக்ரவர்த்தி பட்டம் வழங்காமல்
நாம் "ஷேத்திரபதி" எனும் பட்டத்தை வழங்குகின்றோம். எவனொருவன் காசிக்காக வாழ்வனோ அவனை சிவன் நடத்துவார் அவனுக்கு தோல்வியே இல்லை காரணம் சிவனுக்குரிய வேலையினை அவன் செய்கிறான், அவனை சிவன் கவனித்து கொள்வார். காசியினை காக்கும் ஒவ்வொருவனும் உன் வழியில் இனி சேத்திரபதி என அழைக்கபடுவான்"
அவ்வகையில் நம் மோடியும் இனி சத்திரபதி மோடி தான்👍
• • •
Missing some Tweet in this thread? You can try to
force a refresh
