மதம் தான் மனிதனை அடுத்த கட்டத்துக்கு நகர்த்தியதா? இல்லை! சிந்தனையாளர்கள் தான் மனிதனை அடுத்த கட்டத்திற்கு நகர்த்துகிறார்கள். சாக்ரடீஸ் முதல் பெரியார் வரை புரட்சியாளர்கள் தான் சமூகத்தை அடுத்த நிலைக்கு கொண்டு செல்கின்றனர்.
இவர்களது சிந்தனைகளை மதம் கால ஓட்டத்தில் தனக்குள் இணைத்து கொண்டது. எகிப்திய அரசன் Akhenaten தான் உலகில் ஒரே கடவுள் தத்துவத்தை முதலில் கொண்டு வந்தது. சூரிய வழிபாடு மட்டுமே இருக்க வேண்டும்.
மந்திரம் தந்திரம் போன்றவை இருக்க கூடாது என்றெல்லாம் இவர் கொண்டு வந்த மாற்றங்களை சகிக்காத அந்நாட்டு மதவாதிகளால் இவர் கொல்லப்பட்ட இருக்க கூடும் என்று நம்பப்படுகிறது. Akhenaten கொண்டு வந்த மாற்றங்கள் எல்லாம் செல்லாததாக அறிவிக்கப்பட்டது.
ஆனால் இவரது ஒரே கடவுள் தத்துவத்தை ஆபிரகாமிய மதம் தனக்குள் இழுத்துக்கொண்டது. அதே போல யாகங்களில் ஆடு மாடு முதலியவற்றைக் கொல்வது பெரும் பாவம் என்பது புத்தரின் சிந்தனை. புத்தரின் சிந்தனை மேலோங்கிய காரணத்தால், வைதீக பிராமண மதம் கொல்லாமையை தனது மத தத்துவமாக தனக்குள் இழுத்துக்கொண்டது
கம்யூனிச தத்துவங்கள் மேலெழும்பிய போது, விரதம்/நோன்பு இருப்பது எல்லாம் ஏழைகளுக்கு கொடுக்க தான் என்று மதங்கள் காரணங்களை மாற்றி கொண்டன.
இப்படி கால வெள்ளத்தில் மதங்கள் எல்லாம் அப்போதைய காலகட்டத்தில் கோலோச்சிய தத்துவங்களை தனக்குள் இழுத்து கொண்டு தன்னால் தான் மனித சமூகம் அடுத்த நிலைக்கு சென்றது என்று கூறிக் கொள்கிறது.
• • •
Missing some Tweet in this thread? You can try to
force a refresh
