Thread by @swathikasarah

சமகாலத்தில் நம் கண் முன்னாடி திடீரென்று முளைக்கும் சாமியார்களை நாம் எப்படி பகடி செய்து விமர்சனம் செய்து கேள்விக்குள்ளாக்குகிறோமோ அதே போல தான் இன்று establish ஆகி இருக்கும் பல மதங்களின் தோற்றுவிப்பாளர்களை

அன்றைய காலத்தில் அவர்களது சமகால மக்கள் கேலி செய்து விமர்சனத்திற்கு உள்ளாகி இருப்பார்கள். இன்று எப்படி பிடிங்க சார் பிடிச்சு ஜெயில்ல போடுங்க சார் என்று பொங்குகிறோமோ அதே போல தான் அன்றும் மக்கள் பொங்கி இருப்பார்கள்.

2000 வருடங்களுக்கு முன் நடந்ததை புனிதப்போராக பார்க்கும் நாம் இன்று நடப்பதை கலக்கப்போவது யாரு என்பது போல பார்த்து சிரித்து மகிழ்கிறோம்.
எல்லா சாமியார்களும் தொடக்கத்தில் ஒரு cult தான். அது யேசுவாக இருந்தாலும், நபிகளாக இருந்தாலும், ஜக்கியாக இருந்தாலும்.

பின்னாளில் அவர்களுக்கு கிடைக்கும் ஆட்பலம், அரசியல் பலத்தை பொறுத்தே அது பெரிதாக வளர்வதும் அல்லது சிறையில் சமாதியாவதும். நபிகளுக்கு முன்பு இயேசு, யேசுவிற்கு முன்பு புத்தர், அவருக்கும் முன்பு Zoroaster.

முதல் மிகப்பெரிய monotheistic மதம் Zoroastrianism (Persian Empire). 1000 வருடங்கள் மிகப்பெரிய மதமாக இருந்தது Persia சாம்ராஜ்யம் வீழ்ந்ததும் கூடவே அழிந்துவிட்டது. இன்று வெகு சிலரால் மட்டுமே பின்பற்றப்படும் மதமாக இருக்கிறது.

ஒரு cult ஐ அரசியல் பின்புலம் ஆதரிக்கும்போது அது மதமாக மாறுகிறது. மதமாக மாறியவுடன் அதன் கோட்பாடுகள் எல்லாம் புனிதமாக ஆகிறது. அதே மதம் வீழும் போது அதன் கோட்பாடுகள் எல்லாம் வெறும் நம்பிக்கைகளாக கதைகளாக ஆகிறது. கிரேக்க புராணங்கள் இன்று வெறும் கதையாக படித்து ரசிக்கப்படுகிறது.

இயேசு இறந்து, கிறிஸ்தவம் ஒரு அங்கீகரிக்கப்பட்ட மதமாக மாற அதற்கு 3 நூற்றாண்டுகள் ஆனது (ரோம பேரரசு அதை அங்கீகரிக்கும் வரை). 10 நூற்றாண்டு கழித்து கிறிஸ்தவ மதம் பல பிரிவுகளாக பிரிந்தது. இன்றளவும் பல சிறிய பிரிவுகளாக பிரிந்து கொண்டே இருக்கிறது.

இதற்கு காரணமும் அரசியல் தான். இந்த சபை வேதத்தை ஒழுங்காக பின்பற்றுவதில்லை. பைபிளை தவறாக போதிக்கிறார்கள், அதனால் நான் பிரிந்து சென்று தனி சபை ஆரம்பித்து சரியாக போதிக்கப்போகிறேன் என்பார்கள்.

ஆனால் உண்மையில் அவர்களுக்கு அந்த சபையில் முக்கியத்துவம் அல்லது அதிகாரம் வழங்கப்பட்டு இருக்காது. அதனால் தனி சபை, நானே தலைவர் என்கிற அரசியல். நான் முன்பே சொன்னது போல கால ஓட்டத்தில் அன்றைய மதங்கள் பல மாற்றங்களுடன் தங்களை தக்கவைத்து கொள்ள முயலுகின்றன.

Zoroastrianism க்கு வந்த நிலை கிறிஸ்தவ/இஸ்லாமிய/இந்து மதங்களுக்கு வரலாம். இன்றைய நித்தியானந்தா/அன்னபூரணி 2000 வருடங்கள் கழித்து இறைத்தூதராக அல்லது கடவுளாகவே கூட பார்க்கப்படலாம்.

"எத்தை தின்றால் பித்தம் தெளியும்" என்று எளிய மக்கள் நினைக்கும் வரை புது புது சாமியார்கள் வருகை இருந்து கொண்டே தான் இருக்கும். மக்களுக்கு ஏதாவது ஒரு பிடிப்பு தேவைப்படுகிறது. மக்களை ஆளுபவர்களுக்கோ மக்கள் ஒரு நிரந்தர போதையில் இருப்பது தேவையாக இருக்கிறது.

எது அதிக போதை தருகிறதோ அதை வளர்த்தெடுப்பார்கள்.
எளிய மக்களை கவரும் மதம் வரலாற்றில் நீடிக்கும். கிறிஸ்தவம் இஸ்லாம் எல்லாம் எளிய மக்களை கவரும் மதங்கள்.

கண்ணுக்கு தெரியும் தூதர்களை விட கண்ணுக்கு தெரியாத கடவுளிடம் தான் ஈர்ப்பு அதிகம் இருக்கும். இந்த நித்தியானந்தா/அன்னபூரணி வகையறாக்கள் தாங்கள் தான் கடவுள் என்று சொல்லாமல் கடவுளின் தூதர் என்றால் reach நன்றாக இருக்கும் ஜக்கி போல.