Thread by @RoymukhtarRoy

" آلودگی/ pollution "
آلودگی ،فارسی لفظ "آلودہ" سے نکلا ہے جس کے معنی " گندہ" ہیں
آلودگی کے بارے میں آپ بچپن سے پڑھتے چلے آ رہے ہیں کہ آلودگی کیسے ماحول کو گندہ کرتی ہے اور ہمارا جینا دوبھر کر دیتی ہے
آلودگی کی چار بڑی قسمیں ہیں جن پر ہم آج باری باری اندھیرا ڈالیں گے کہ یہ 🔻

روشنی ڈالنے سے اور نمایاں ہو جاتی ہے
آلودگی کی قسمیں یہ ہیں :
1: سیاسی آلودگی
2: انتہا پسندی کی آلودگی
3: تجارتی آلودگی
4: جہالت کی آلودگی
اس کے علاؤہ بھی آلودگی کی بے شمار چھوٹی چھوٹی قسمیں ہیں مگر سب سے بڑی اور خوفناک قسمیں یہی ہیں
سب سے پہلے ہم سیاسی آلودگی پہ بات کرتے ہیں🔻

سیاسی آلودگی :
یہ آلودگی پاکستان میں بہت زیادہ پائی جاتی ہے
ہر سال مختلف سیاسی جماعتوں سے بہت سا سیاسی کچرا برآمد ہوتا ہے اور دوسری سیاسی جماعتوں میں گھس جاتا ہے
اس سیاسی کچرے نے قیام پاکستان سے اب تک ماحول کو سخت آلودہ کر رکھا ہے، سیاسی آلودگی کی وجہ سے پاکستان دنیا بھر گندہ 🔻

ہو چکا ہے اور اقوام عالم میں اپنا وقار کھو چکا ہے
سیاسی آلودگی فضا کو اس قدر کثیف بنا چکی ہے کہ لوگ اپنے بنیادی حقوق تک تلاش نہیں کر پا رہے
نہ ہی ملک آگے بڑھ رہا ہے
اس آلودگی نے پاکستان کو بہت نقصان پہنچایا ہے
سیاسی آلودہ چہرے ہمیشہ اپنا مفاد دیکھتے ہیں
اور ہر وہ کام کرتے ہیں 🔻

جس سے ملک پیچھے اور یہ آگے نکل جاتے ہیں
کئی بار آپریشنز کلین اپ کئے گئے مگر یہ آلودگی پھر جمع ہو جاتی ہے
پاکستان کی ترقی میں سیاسی آلودگی کی ایک بڑی رکاوٹ ہے جس سے جان چھڑانا لازم ہے
انتہا پسندی کی آلودگی:
سیاسی آلودگی کے بعد یہ آلودگی سب سے زیادہ خطرناک ہے
یہ آلودگی زیادہ تر🔻

مذہبی جماعتوں میں پائی جاتی ہے
مگر کچھ علاقائی و لسانی جماعتیں بھی اس سے آلودہ ہیں
حتی کہ کچھ لبرل اور بظاہر روشن خیال بھی یہ آلودگی پیدا کرتے ہیں
اس آلودگی نے نہ صرف یہ کہ اسلام جیسے خوبصورت مذہب کو نقصان پہنچایا ہے بلکہ ہمارے باہمی بھائی چارے اور تعلقات کو بھی کھا رہی ہے 🔻

دکھ یہ ہے کہ اس آلودگی میں مسلسل اضافہ ہو رہا ہے
یہ آلودگی زیادہ تر مدارس پیدا کرتے ہیں
مگر کچھ یونیورسٹیاں بھی یہ آلودگی پھیلا رہی ہیں
سیاسی جماعتوں کے کچھ ونگز بھی اس آلودگی کو پیدا کرنے کا سبب بن رہے ہیں کچھ بڑی مذہبی و سیاسی شخصیات تو کام ہی صرف یہ آلودگی پھیلانے کا 🔻

کرتی ہیں۔ آج کل کچھ لفافے یعنی صحافتی طوائفیں بھی اس میں ملوث نظر آ رہی ہیں
پریشانی والی بات یہ ہے کہ یہ آلودگی مساجد سے بھی برآمد ہو رہی ہے
ریاست کو جلد از جلد اس آلودگی کو اس ملک سے صاف کرنا ہو گا
تجارتی آلودگی :
یہ آلودگی کی تیسری بڑی قسم ہے
کچھ بڑے تاجران اور ملز مالکان مل🔻

کر تجارتی آلودگی پیدا کرتے ہیں
یہ ضروری اشیا کو ذخیرہ کرتے ہیں
مصنوعی قلت پیدا کرتے ہیں اور پھر من چاہے ریٹس پر بیچتے ہیں
یہ خوف خدا سے عاری ہوتے ہیں
اور ہر وقت اس تاڑ میں رہتے ہیں کہ کون سی چیز ذخیرہ کر کے لمبی دیہاڑی لگائی جا سکتی ہے
ان کے ساتھ کچھ آلودہ سیاستدان اور 🔻

آلودہ افسران بھی ملے ہوتے ہیں
اور یہ ملی بھگت سے تجارتی آلودگی پھیلاتے ہیں
اس آلودگی سے عام مزدور طبقہ زیادہ متاثر ہوتا ہے اور ان کیلئے سانس لینا مشکل ہو جاتا ہے
مگر متوسط طبقہ کی دھڑکنیں بھی تیز ہو جاتی ہیں
ان کیخلاف ریاست اگر کبھی کاروائی کرنا چاہے تو یہ اپنی آلودگی لے کر 🔻

سڑکوں پہ ا جاتے ہیں
ریاست پر فرض ہے کہ اپنے شہریوں کی بہتری کیلئے اس آلودگی کا خاتمہ کرے
جہالت کی آلودگی:
جہالت کی آلودگی دراصل سب آلودگیوں کی ماں ہے
جہالت سے آلودہ لوگ درج بالا ہر قسم کی آلودگی کا آسانی سے شکار بن جاتے ہیں ۔ انہیں سیاسی گدھ بھی خوش نما نعروں اور سہانے سپنے 🔻

دکھا کر نوچتے ہیں تو انہیں مذہبی گدھ بھی جذباتی نعروں کے ذریعے بے وقوف بناتے ہیں
یہ جہالت سے آلودہ لوگ زندگی بھر جانوروں کی طرح جیتے ہیں اور انہیں استعمال کرنے والے بڑی گاڑیوں میں گھومتے ہیں اور محلوں میں رہتے ہیں
یہ جہالت کی آلودگی اتنی بری ہے کہ آدمی کو کبھی بڑا آدمی نہیں 🔻

بننے دیتی ، اس کی سوچ چھوٹی رکھتی ہے اور وہ کبھی اس شخصیت کی پوجا کرتا ہے تو کبھی دوسری شخصیت کی پرستش کرتا پایا جاتا ہے
یہ جہالت بھی خود کو مذہبی شو کرنے والے طبقے میں زیادہ پائی جاتی ہے
دوسرے نمبر پہ سیاسی طبقہ ہے
یہ آلودگی انسان کی شخصیت مسخ کر کے رکھ دیتی ہے
ریاست نے اس 🔻

آلودگی سے بچنے کیلئے خاطر خواہ انتظامات کر رکھے ہیں
مگر جہالت کی فیکٹریاں کہیں زیادہ ہیں
جو اس کی پیداوار کم نہیں ہونے دیتیں
آنے والی نسلوں کو بہتر مستقبل دینا ہے تو اس آلودگی کو بھی ختم کرنا ہو گا
۔۔۔۔۔۔۔۔۔
ان کے علاؤہ بیڈ گورننس کی آلودگی ،رشوت کی آلودگی، فتویٰ بازی کی 🔻

آلودگی، قبیح رسم و رواج کی آلودگی ، فرقہ پرستی کی آلودگی اور شخصیت پرستی کی آلودگی اس ملک کی بڑی پراڈکٹس ہیں
جنہوں نے مل ملا کر پاکستان کو برباد کر رکھا ہے
ان آلودگیوں سے چھٹکارا پانا صرف ریاست کا نہیں ہمارا بھی فرض ہے
ورنہ آنے والی نسلیں ہمیں بددعائیں دیں گی !!
#میرا