Thread by @fbuyobe

Una umri gani?
Umewahi kuwasikia watu hawa?
1. Bokoman Mkongoman
2. Limonga Justin Limonga
3. Chidi chidi Chitenda
3. Wajadi Fundi
4. Mwalimu Mashaka Sabuni
5. Alafa Kapilima
6. Thomas Mushi Kimboka
Na Zakaria Ndemfoo wakiwa safarini kuelekea Mahuta Newala?

Nazungumzia enzi zileee za post kadi kipindi cha Jambo, Mchana Mwema, Salam za mchana, Shambani, na pole kwa kazi...
Story kidogo kuhusu hawa jamaa ni siku walipomchezee mtu mzima Charles Hilary akiwa redio one
Alipiga simu Muhiru Obare na kuweka kikorombwezo Niambriiiiiiieeeee

Charles Hilary akakasirika sana akamkandia kiaina na akaweka wazi kuwa hapendi hiyo tabia ya watu kutamka hivyo (Niambriiiieee!). Akapiga simu Mkaudi Mkaudo Tingisha naye akaweka vikorombwezo hivyo hivyo Charles akamkatia cm akachukia sana .👇

Mtu wa tatu kupiga simu ni Ima Kulaya, akatuma salama kama kawaida ila mwisho akamwambia Charles ;

IMA KULAYA: Brother Charles eeh!
CHARLES HILARY: Ndio Ima kulaya
IMA KULAYA: Watu wengine sio wastaarabu kabisa
👇

CHARLES HILARY: Kweli kabisa Ima kulaya,kwa nini wasiige watu wastaarabu kama wewe!
IMA KULAYA: Huwa nawachukia sana hawa jamaa wanaosema Niambriiiiiiiiiiiiiiiiieeeeeeiii
Charles Hilary alicheka sana mwenyewe kwani Imma naye alifanya yale yale ila kwa style nyingine.

Tokea hapo ikabidi awe anawaacha wazee wa niambriiiieeee koma koma,sela sela,nukta nukta.

Mkasa mwingine ulikuwa ule wa kutuma salamu kwa zaidi ya watu 3,👇

Charles Hilary aliwashindwa kabisa jamaa kwani kitendo cha kupokea simu tu, mtu kama Papaa Osama alikuwa ameshataja watu kama 6. Walikwa na swaga za aina yake

Charles Hilary : Karibu Papaa Osama ,tuma salaam
Papaa Osama : Charles Hilary! Nipo na Mwiri Obare,Mamka Mushi,....

... Chesco Mzee wa Matunda wakusalimu sana.Chidi Chitenda anamuuguza Maalim Litumbi hivyo hatafika . Kaka Charles Natuma Salaam kwa watu watatu kama ifuatavyo moja Chivalavala akiwa pale kwa Makabureta Pili kwa David Bekham Onana na Mwisho kwa Mohamed Kiyai yai ambaye..

.. ametapeliwa saa na Baba Dula 1.
Charles Hilary : Haya bwana..!
Kuwadhibiti ilikuwa inashindikana kwani walikuwa wanaspeed kali sana hawa jamaa katika kutaja majina haswa Muhiri Obare na Limonga J. Limonga

Kuna mmoja alikua anajiita 'Jemedari Mkuu aliyevuka maji ya shingo bila mgongoni kuloa'
Enzi za call box za TTCL,enzi za Tritel na mwanzo wa BUZZ,Long time sana. Mwingine unakuta anapiga simu hadi BBC anampa ushauri al asad sasa sijui ujumbe ulikuwa unawafikia?