Thread by @LtColShahid

#تاریخِ_گم_گشتہ
تاریخ کے جھروکوں سے
’’جیکب کلاک‘‘ دنیا کا واحد گھڑیال جو کشش ثقل سے چلتا ہے
جوکم صاحب بہادر کے بسائے ہوئے شہر جیکب آباد کا شمار سندھ کے قدیم شہروں میں ہوتا ہے ۔ بریگیڈیئر جنر ل جان جیکب جنہیں ان کے عقیدت مند ’’جوکم صاحب بہادر‘‘ کے نام سے یاد کرتے ہیں
⏬

جیکب آباد شہر کے بانی اور یہاں کے باشندوں کے لیے روحانی بزر گ کا درجہ رکھتے ہیں۔ عالمی تاریخ میں وہ واحد فوجی ہیں جنہوں نے میدان جنگ کے علاوہ فن تعمیراور سول انجینئرنگ میں بھی کمالات کا مظاہرہ کرتے ہوئے کئی نادر شاہ کار تخلیق کیے جو سیاحوں کے لیے آج بھی حیرانی کا باعث ہیں۔
⏬

ویسے تو انہوں نے سول انجینیرنگ اور اُس دور کی ٹیکنالوجی کے لحاظ سے کئی کارہائے نمایاں انجام دیئے لیکن ان کے دو شاہکار ’’جیکب کلاک‘‘ اور کبوتر گھر‘‘ آج بھی دنیا بھر سے آنے والے سیاحوں کا مرکز نگاہ بنے ہوئے ہیں۔ کشش ثقل کی مدد سے چلنے والا دینا بھر میں واحد کلاک ہے
⏬

جو جیکب آباد ڈپٹی کمشر ہاؤس پر ایستادہ ہے
جان جیکب جنوری 1812میں انگلینڈ کی سمرسٹ کاؤنٹی میں پیدا ہوئے ان کے والد اسٹیفن جیکب وہاں کے گرجا گھر میں پادری کے منصب پر فائز تھے ان کا شمار علاقے کی محترم شخصیات میں ہوتا تھا۔ جان جیکب نے اسکول کی تعلیم حاصل کرنے کے
⏬

بعدانتہائی کم عمری میں فوج میں شمولیت اختیار کی اور برگیڈیئر جنرل کے عہدے تک پہنچا
برطانوی تسلط سے قبل جیکب آباد کا ضلع خان آف قلات کی حکومت میں شامل تھا اور ا نہی کی مناسبت سے یہ خان گڑھ کہلاتا تھا۔ وہ یہاں موسم سرما گزارنے آتے تھے ۔ یہ علاقہ اس وقت ریگزار تھا
⏬

اور یہاں پانی اور سبزے کا نام و نشان تک نہیں تھا۔ خان گڑھ سندھ بلوچستان کی سرحد کے سنگم پر واقع تھا۔ ہندوستان سے سامان لے کرتجارتی قافلے یہاں سے گزرکر کر بلوچستان سے ہوتے ہوئے افغانستان ،ایران، ازبکستان اور روس کی جانب عازم سفر ہوتے تھے۔ اس زمانے میں یہاں کی مقامی آبادی کے
⏬

زیادہ تر لوگوں کا پیشہ ڈکیتی اور راہ زنی تھا۔ ان قافلوں پر حملہ کرکے ان کا تمام مال و اسباب لوٹ لیتے تھے۔ سندھ پر برطانوی تسلط قائم ہونے کے بعد 1847ءتک جنرل جان جیکب کرنل کے عہدے پر فائز ہوئے تو انہیں پولیٹیکل سپرنٹنڈنٹ کی حیثیت سے تقرر کرکے خان گڑھ بھیجا گیا
⏬

جو یہاں پہنچ کرمقامی آبادی میں گھل مل گئے۔ انہوں نے علاقے میں امن و امان کی بہتری کے لیے حکمت عملی اپناتے ہوئےاپنے فہم و تدبر سے تمام سماج دشمن عناصر کا خاتمہ کرکے نقل و حمل کے راستوں کو محفوظ بنایا اس کے بعد انہوں نے عوام کی فلاح کی جانب توجہ مرکوز کی اور اسے اپنا مقصد بنالیا
⏬

جان جیکب، فوجی ہونے کے ساتھ مکینیکل انجینئر اور تعمیراتی فن میں بھی دسترس رکھتے تھے۔ اس وقت خان گڑھ کا علاقہ وسیع و عریض صحرا پر مشتمل تھا۔ انہوں نے اس بے آب و گیا صحرا کو ایک خوب صورت شہر اور سر سبز و شاداب علاقہ بنانے کا فیصلہ کیا۔ اس مقصد کے لیے جان جیکب نے خان گڑھ میں
⏬

ایک وسیع و عریض تالاب بنوایا جسے پانی سے بھرنے کے لیے گدو بیراج سے دو نہریں، راج واہ اور بدھو واہ نکالی گئیں۔ ان کا پانی لوگوں کی آبی ضرورتیں پوری کرنے کے علاوہ اراضی کو بھی سیراب کرتا تھا، جس سے علاقے میں ہریالی آگئی
بے آب و گیاریگستانی علاقہ، نخلستان میں بدل گیا
⏬

جان جیکب نےسفری سہولتوں کے لیے، خان گڑھ کو 600 میل طویل شاہ راہ کے ساتھ ملادیا، جس سے یہ علاقہ ہندوستان اور افغانستان کے ساتھ مربوط ہوگیا۔ وائسرائے ہند کو جب جان جیکب کے کارناموں کا علم ہوا تو اس نےاپنے نوجوان افسر کی خدمات کے صلے میں خان گڑھ کا نام تبدیل کر کے
⏬

جیکب آباد رکھ دیا اور اسے کرنل سےترقی دے کر بریگیڈیئر جنرل بنا دیا گیا۔
جنرل جان جیکب کی مکنیکل مہارت کا نمونہ جیکب کلاک ہے‘جو آج بھی جیکب آباد میں عجوبے کی صورت مں موجود ہے، یہ پوری دنیا میں اپنی نوعیت کا واحد کلاک ہے۔ جان جیکب نے زندگی میں اپنے ہاتھوں سے دو گھڑیال بنائےتھے۔
⏬

ان میں سے ایک گھڑیال 27 دسمبر 2007 کو محترمہ بے نظیر بھٹو کی شہادت کے واقعے کے بعد مشتعل افراد کے پرتشدد احتجاج کی بھینٹ چڑھ گیا، جب کہ جیکب کلاک آج بھی موجودہے۔ یہ کلاک جان جیکب کی ایک سو ستر سال پرانی رہائش گاہ میں نصب ہے، جو اب ڈپٹی کمشنر ہاؤس بن چکا ہے۔
⏬

اس گھڑیال کی تیاری کے لیے جنرل جان جیکب نے اپنی رہائش گاہ میں کنواں کھدوایا‘ اس کے اوپر چھ بائی چھ کا آبنوسی لکڑی کا باکس بنوایا اور اس میں اپنے ہاتھوں سے پیتل کا کلاک بنا کر لگوا دیا۔یہ کشش ثقل کے ساتھ چلنے والا دنیا کا اپنی نوعیت کا واحد کلاک ہے
⏬

یہ دن‘ ہفتہ‘ مہینہ اور سال بھی بتاتا ہے‘ اس پر ہر روزچاند کی تاریخ‘ پوزیشن اور سائز بھی آتا ہے۔ اس کے ایک جانب پاکستان اور دوسری طرف برطانیہ کا وقت آتا ہے۔ یہ بات بھی قابل ذکر ہے کہ تقریباً 170 برس گزرنے کے بعد بھی اس میں کوئی خرابی‘ کوئی خامی سامنے نہیں آئی۔
⏬

کلاک کے نیچے پیتل کا چالیس کلو گرام وزنی سیلنڈر بندھا ہے، یہ سیلنڈر چابی کے ذریعے اوپر آتا ہے اور سولہ سے سترہ دنوں میں آہستہ آہستہ کنوئیں میں اترتا چلا جاتا ہے۔ کلاک کوسولہ دن بعد دوبارہ چابی دی جاتی ہےجوخاصی وزنی ہے اور اس کے لیے باقاعدہ زور لگانا پڑتا ہے۔
⏬

جان جیکب نے مقامی آبادی میں سے ایک خاندان کے افراد کو کلاک کی صفائی، مرمت اور چابی بھرنے کی ٹریننگ دینے کے لیے منتخب کیا۔
مذکورہ خاندان کے افراد چار نسلوں سےاس گھڑیال کی دیکھ بھال کا فریضہ انجام دے رہے ہیں۔
⏬

موجودہ دور میں یہ ذمہ داری اس خاندان کے نوجوان جہانگیر خان کےکاندھوں پر عائد ہے، جو ڈپٹی کمشنر کے بنگلے پر یومیہ اجرت پر ملازم ہے۔ جہانگیر کے مطابق یہ گھڑیال اسپرنگ ٹیکنالوجی اور زمین کی کشش ثقل کے تحت کام کرتا ہے اس میں ایک ہزار کلو وزنی پنڈولم لگایا گیا ہے۔
⏬

پینڈولم کو زمین اپنی طرف کھینچتی ہے جس سے گھڑیال کے کانٹوں میں حرکت ہوتی ہے۔ یہ پینڈولم 32 میٹر زیر زمین جاتا ہے اور پھر چابی گھما کر اسے اوپر لایا جاتا ہے اور یہ مشق ہر 15 روز بعد کی جاتی ہے۔
⏬

خان گڑھ کے بے آب و گیا علاقے کو ہرے بھرے شہر میں تبدیل کرنے والا جنرل جان جیکب 1858 میں اپنے ہی بسائے ہوئے شہر میں آخری سفر پر روانہ ہوا۔ مقامی لوگوں اور اس کی رجمنٹ کے جوانوں نے اس کی وصیت پر عمل کرتے ہوئے اسے جیکب آباد کی ریت میں ہی سپرد خاک کیا۔
⏬

رفاہ عامہ کے کاموں اورعوام کے دکھ درد کا مداوا کرنے کے لیے اس نے ہر ممکن کوششیں کیں جس کی وجہ سے مقامی لوگوں نے اسے ’’ولی‘‘ کا درجہ دے دیا۔
جنرل جان جیکب آج بھی جیکب آباد کے لوگوں میں’’ جوکم صاحب بہادر‘‘ کے نام سے زندہ ہے۔
⏬

لوگ 165 برس بعد بھی اس کی قبر پر دیے جلاتے ہیں۔ جان جیکب کی قبر کے سرہانے سیاہ پتھر ہے اور اس سیاہ پتھر پر دیے رکھے ہیں۔
#منقول