Thread by @RoymukhtarRoy

" جادو بھی کیا جادو ہے "
جادو کیا ہے ؟
جادو کیسے کام کرتا ہے ؟
جادوئی طاقتیں کون ہیں ؟
ان سب سوالوں کے جوابات ہم باری باری جاننے کی کوشش کرتے ہیں
سب سے پہلے یہ جان لیں کہ جادو بھی منجانب اللہ ہے
صرف جادو ہی نہیں ہر خیر و شر اللہ کی طرف سے ہوتا ہے
انسان کی روح میں بھی خیر و شر🔻

ازل سے موجود ہے یعنی built-in ہے
اس پوری کائنات میں صرف پانچ نفوسِ قدسیہ یعنی پنجتن پاک سلام اللہ علیہم اجمعین ایسے ہیں کہ جن میں صرف خیر رکھا گیا
باقی سب میں شر کی شرح کم یا زیادہ مگر موجود رہی
روحانیت اسی کا نام ہے کہ اپنی روح کا تزکیہ کیا جائے اور روح سے شر کو ختم کیا جائے🔻

انبیا کرام نے بھی بار نبوت اٹھانے سے پہلے مختلف مشقتوں اور عبادتوں سے روح کی نجاست کو صاف کیا
اولیا کرام بھی اسی تزکیہ نفس کی بدولت مقامات ارفع تک پہنچے
اور خانقاہی نظام بھی قرآن وسنت کے مطابق تزکیہ نفس کی تربیت دیتا تھا
اس کو مزید وضاحت سے سمجھنا چاہیں تو سورہ الشمس کا مطالعہ 🔻

کریں۔ میں نے یہ اس ضمن میں عرض کیا کہ ہماری آئندہ گفتگو اس کے بغیر سمجھنی مشکل ہو گی
جادو کا نزول سورہ بقرہ کی آیت نمبر 101 کے مطابق بابل یعنی موجودہ بغداد کے ایک کنوئیں پر دو فرشتوں ہاروت و ماروت پر ہوا
انہی فرشتوں نے لوگوں کا جادو سکھانا شروع کیا
مگر یہ لوگوں کو سکھانے سے 🔻

پہلے یہ عہد لیتے کہ ہم تو نری آزمائش میں ہیں آپ لوگ اس کا غلط استعمال مت کرنا
لوگ مگر ان سے سیکھ کر غلط استعمال کرتے اور میاں بیوی میں جدائی ڈالتے
اس آیت کا جو حاصل کلام ہے
وہ اللہ کا یہ حتمی فرمان ہے کہ جادو میرے اذن کے بغیر اثر نہیں کرتا
یہ بات اب آپ نے دماغ میں بٹھا لینی ہے🔻

کہ اللہ نہ چاہے تو جادو کارگر ثابت نہیں ہوتا اور اس کی مثال ہمیں قرآن سے ہی مل جاتی ہے
جب فرعون کے دربار میں جادوگر اپنے کرتب دکھاتے ہیں تو جناب موسیٰ علیہ السلام خوفزدہ ہو جاتے ہیں
جس پر اللہ فرماتا ہے
اے موسیٰ ڈرو نہیں
اپنا عصا زمین پر ڈال دو جو ان سب بناوٹوں کو نگل جائے گا🔻

جناب موسیٰ علیہ السلام نے عصا زمین پر پھینکا تو وہ ان سب بناوٹوں کو نگل گیا، یہ واقعہ آپ نے ہزاروں بار سنا یا پڑھا ہے اس میں سمجھنے والی بات صرف یہ ہے کہ وہ جو بڑے بڑے اژدھے چھوڑے گئے
انہیں اللہ نے بناوٹیں یعنی مصنوعی کہا
جب اللہ کا ایک نبی ان کا ادراک نہیں کر پایا ،کیوں ؟
🔻

کیونکہ حضرت موسیٰ علیہ السلام وہ علم نہیں جانتے تھے
اللہ نے اپنی قدرت سے اسے ناکام کیا
یہ کیا تھا ؟
یہ مسمریزم تھا
جی ہاں اب اس علم پہ سینکڑوں کتابیں موجود ہیں
اور آپ میں سے جو کوئی چاہے سیکھ سکتا ہے
انڈیا میں چند سال پہلے مہاراج نامی ایک جادوگر نے تاج محل کو غائب کر دیا اور 🔻

یہ آدھے گھنٹے تک کسی کو نظر نہیں آیا
حتی کہ کیمرے بھی نہیں دیکھ سکے
تاج محل کی جگہ ایک چٹیل میدان نظر آتا رہا ، اسی جادوگر نے بعد میں چلتی ٹرین بھی غائب کر کے دکھائی
اور یہ مسمریزم کا ہی کرشمہ تھا
جادو کے بارے میں جان لیں کہ یہ حرام یا شیطانی فعل نہیں ہے
یہ صرف ایک علم ہے
جیسا🔻

کہ باقی علوم ہیں
اس کا استعمال اسے اچھا یا برا بناتا ہے
آپ چاہیں تو اس سے مخلوق خدا کی بھلائی بھی کر سکتے ہیں
اور چاہیں تو تباہ بھی کر سکتے ہیں
لوہے کو لوہا کاٹتا ہے
ایسے ہی جاود کے بعض وار جادو سے ہی روکے جاتے ہیں
جس زمانے میں میں جادو کی کاٹ پلٹ کرتا تھا ، اس زمانے میں ہمیں🔻

بھی کچھ جادوئی ٹوٹکے ہی کام میں لانے پڑتے تھے
مثلاً ایک سفلی تعویذ کی کاٹ کیلئے ایک زندہ مرغی پاس رکھتے تھے
اگر جادو کا اثر خود پہ محسوس ہوتا تو فوراً وہ مرغی اپنے سر سے وار کر پھینک دیتے ، وہ وہیں تڑپ کر مر جاتی
سب سے دلچسپ اور قابل غور سوال یہ ہے کہ جادو کام کیسے کرتا ہے ؟ 🔻

اگر آپ کو اس کی سمجھ آ جائے تو آپ کو روحانیت کی بھی سمجھ آ جائے گی
آپ کو کچھ اپنا آپ بھی سمجھ آ جائے گا اور آپ کو ذاتی اور تجرباتی طور پر معلوم ہو جائے گا کہ کائنات میں پنجتن پاک سلام اللہ علیہم اجمعین سے افضل ہونا کیوں ممکن نہیں ہے ؟
جادو کیسے کام کرتا ہے یہ سمجھ لیں
ایک شخص🔻

کینیڈا کے کسی دور دراز علاقے میں جہاز میں محو پرواز ہے
ایک شخص لاہور کی کسی تنگ و تاریک گلی میں بیٹھا اس کا پتلا بنا کر اس پہ ٹونہ کرتا ہے
اب پتلا مکمل کر کے یہ اس پہ خون کے چھینٹے مارتا ہے
یہ خون کے چھینٹے ہزاروں میل دور سینکڑوں فٹ کی بلندی پہ چلتے جہاز میں اس شخص کے منہ پر 🔻

جا پڑیں گے
وہ اس خون کو اپنی آنکھوں سے دیکھے گا اور ناقابل یقین تکلیف میں مبتلا ہو جائے گا،خون کو دیکھ کر جو نفسیاتی مسلہ بنے گا وہ الگ ہے
جادو پہ دنیا بھر میں جہاں ہزاروں کتابیں لکھی گئی ہیں
وہاں سینکڑوں فلمیں بھی بن چکی ہیں
اب آپ سوچیں کہ یہ خون لاہور سے اتنی دور فضا میں اڑتے🔻

جہاز میں بیٹھے ایک مخصوص شخص تک کیسے پہنچا ؟
دوسری طریقہ یہ ہوتا ہے کہ ایک شخص کا پتلا بنا کر اس میں سوئیاں چبھو دی جاتی ہیں
اور وہ شخص یہ سوئیاں اپنے جسم میں محسوس کرتا ہے
اور مسلسل تکلیف میں مبتلا رہتا ہے
ایسا کیسے ہوتا ہے ؟
جادو کے ذریعے کسی کو بیمار کرنا، کسی کا رشتہ توڑنا🔻

،دکان باندھنا، قتل کرنا اور نفسیاتی مریض بنا دینا تو بہت عام ہے
آپ سیرت النبی ﷺ سے سورہ ناس اور سورہ فلق کے نزول کا واقعہ پڑھیں
نبی کریم ﷺ پہ جادو اور گنڈہ کیا گیا
آقا کریم ﷺ نے امت کی تعلیم کیلئے اس اثر کو قبول کیا اور پھر امت کو جاود و حسد سے بچنے کا طریقہ تعلیم فرمایا 🔻

یہ کہنا گستاخی ہے کہ نبی کریم ﷺ پہ بھی جادو ہو گیا تھا
کائنات کی کوئی چیز نبی کریم ﷺ کے حکم سے باہر نہیں ہے
آپ ﷺ نے یہ اثر خود قبول کیا تاکہ ہمیں سکھایا جا سکے
جادو ٹونہ عام طور پر خواتین کرتی اور کرواتی ہیں
اس کی بڑی وجہ گھریلو حسد ہی ہوتا ہے اور زیادہ تر یہ کام رشتے دار 🔻

خواتین کرتی ہیں
ہر گلی محلے میں ایسے غلیظ جادو گر بیٹھے ہیں جو چند روپوں کی خاطر کسی کی بھی زندگی سے کھیل جاتے ہیں، یاد رہے جاود کے ذریعے کسی کو نقصان پہنچانا کفر کے زمرے میں آتا ہے
ایک بار مجھ پر ایک شخص نے کڑا وار کیا ،جو اللہ کی مہربانی سے ناکام رہا
بروقت پتہ چل گیا اور اس🔻

کا توڑ بھی کر لیا اور اس شخص کی طبیعت بھی صاف کر دی
بعد میں پتہ چلا کہ اس نے قتل کی کوشش صرف پانچ ہزار روپوں کیلئے کی تھی، اس پہ تو اسے باقاعدہ شہر سے نکال دیا گیا
آپ کے ذہن میں وہی سوال گونج رہا ہے کہ جاود کام کیسے کرتا ہے
تو جان لیں !
کہ اس کائنات میں بہت سی نادیدہ طاقتیں ہر🔻

وقت کام کر رہی ہیں
ان میں سے کچھ طاقتیں اللہ کی مشیت کے مطابق نظام چلا رہی ہیں
جیسا کہ اولیاء کرام و صالحین کا ایک منظم نیٹ ورک ہے
دوسری شیطانی طاقتیں ہیں جو ہماری آزمائش کیلئے تخلیق کی گئی ہیں
انہیں بھی ایک حد تک کام کرنے کی مکمل آزادی ہے
اور یہ اپنا کام کرتی ہیں
ایک شخص چاہے🔻

وہ روحانی یعنی نوری علم جانتا ہو یا جادو جانتا ہو
سب انہی طاقتوں سے کام لیتے ہیں
نوری علم کیلئے موکلات مدد کرتے ہیں اور مسائل کا حل بنتے ہیں
اور سفلی علوم کیلئے شیطانی طاقتیں ،بدروحیں،جنات اور اسی طرح کی دیگر مخلوقات کام کرتی ہیں
اس کے دو طریقے ہوتے ہیں
ایک تو ان طاقتوں کو 🔻

براہ راست قابو میں کر لیا جاتا ہے اور دوسرا تعویذ،گنڈوں اور عملیات کے ذریعے ان سے کام لیا جاتا ہے
یہ ایک مکمل سائنس ہے
جو باقاعدہ سیکھی اور کام میں لائی جاتی ہے
جاود کے ذریعے کسی کو نقصان پہنچانا اس لئے آسان ہے کہ آپ سامنے بھی نہیں آتے اور اپنا مقصد بھی پورا کر لیتے ہیں
🔻

یہ مگر یاد رکھیں یہ تباہی کا راستہ ہے
اور اس کا انجام ہمیشہ خوفناک ہوتا ہے
میں نے اپنی زندگی میں سینکڑوں عامل دیکھے مگر سفلی کرنے والے کا کبھی اچھا انجام نہیں دیکھا
ایسے ہی وہ عورتیں جو سفلی جادو وغیرہ کے ذریعے لوگوں کی زندگیاں اجیرن بناتی ہیں
وہ زندگی میں بھی اس کے نتائج بھگت🔻

لیتی ہیں اور مرنے کے بعد چڑیلیں بن کر جنگلوں بیابانوں میں بھٹکتی پھرتی ہیں
ان کی روح ناسوت سے آزاد ہی نہیں ہو پاتیں
یاد رہے چڑیل کوئی باقاعدہ مخلوق نہیں ہے یہ بدروح ہی ہوتی ہے
جو بعد ازاں ایسے ہی شیطانی عاملوں کی خدمت کرتی رہتی ہیں
جادو ٹونے کی بنیاد حسد ہے
کسی کی خوشحالی،اولاد🔻

کامیابی وغیرہ ہضم نہ ہو تو لوگ جادو ٹونے سے اسے نقصان پہنچاتے ہیں
یہ اثر انداز ہوتے بھی ہیں
جادو و حسد سے بچنے کیلئے سورہ فلق اور ناس کو خود پر دم کر کے پھونک لیا کریں
دوسرا اپنی روح کو رزق حلال اور عبادت سے مضبوط بنائیں
مضبوط روحوں پہ جادو اثر نہیں کرتا
اللہ آپ سب کو محفوظ رکھے!

@threadreaderapp unroll