Thread by @LtColShahid

#منقول
صِلۂ شہید کیا ہے، تب و تابِ جاودانہ

" جو بچھڑ گئے" ڈرامہ ٹی وی سیریل دیکھ رہا تھا۔ ایک واقعہ یاد آیا سوچا شئیر کرلوں۔ انفنٹری سکول میں Basic کورس کر رہا تھا۔ جناح روڈ پر کھڑے رکشے کا انتظار کر رہے تھے کہ میجر جاوید اقبال، کہیں سے نکل آئے اور ساتھ پیدل چلنے کو کہا۔
⏬

فوراً ساتھ چل دیئے۔ راستے میں بات چیت کے دوران ہمارے علاقے کا ذکر ہوا۔ پھر انتہائی بوجھل دل کے ساتھ ایک کہانی سنائی۔ گاؤں کی ایک بوڑھیا نے رات کو اپنی بہو سے کہا صبح سویرے ڈھیر سارے پراٹھے اور بڑی کیتلی میں چائے تیار کرنا۔ صبح ہوئی اور چاچی پراٹھوں بھرا چنگیر اور کیتلی
⏬

لے کر پگڈنڈیوں پر چلتی ہوئی سیدھی فوجی کیمپ پہنچ گئی اور یہ 18 ایف ایف کا کیمپ ایریا تھا۔ راستے میں آرپی والوں نے روکنے کی کوشش کی لیکن بے سود۔ سی او نےناراض ہو کر ایڈجوٹنٹ کو بھیجا۔ مگر کیا معلوم چاچی نے کیا کہا کہ وہ بھی ساتھ چل دیئے اور یوں چاچی سیدھی آفس میں پہنچ گئی
⏬

پراٹھوں بھرا چنگیر سر سے اتارا اور کیتھلی زمین پر رکھتی ہوئی کرنل صاحب کو بولی “بیٹا! یہ آپ لوگوں کے لیے ہے“ کرنل صاحب ناراض ہو گئے اور زور زور سے بولنا شروع کر دیا:چاچی! ہم فقیر نہیں،فوج کے آفیسر ہیں۔ لے جاؤ یہ سب کچھ اور غریبوں میں بانٹ دو۔
⏬

آر پی والے کی مدد سے چاچی نے چنگیر اٹھایا اور ساتھ والے قبرستان کی طرف چل دی۔
کرنل نے پھر کہا: چاچی! راستہ اُس طرف ہے
چاچی نے مڑ کر کہا: صاحب! میں اپنے بیٹے کے پاس جارہی ہوں، اسے یہ کہنے کہ تمھارے آفیسر اتنے بڑے ہوگئے ہیں کہ ایک شھید کی والدہ اور شھید کی بیوہ
⏬

کے ہاتھوں کے پکاۓ ہوئے پراٹھے نہیں کھاتے
کرنل چکرا گیا فورا اٹھا اور پوچھا: چاچی!تمھارا بیٹا؟
ہاں وہ سامنے قبرستان میں سو رہا ہے۔ جنگ میں شھید ہوا تھا۔ بلوچ پلٹن میں نائیک تھا،گل محمد۔
سی او جھک گیا چاچی کے پیروں کو چھوا، ساتھ والی کرسی پر بٹھایا۔
⏬

میس والوں نے پراٹھے میز پر لگائے اور پھر کیتلی سے چائے کی پیالی بھر کے سی او نے چاچی کو اپنے ہاتھوں سے ناشتہ کرایا۔ یہ تھی ہمارے گاؤں کی چاچی اکبری ۔ نائیک گل محمد شھید 43 بلوچ کی ماں
اس ماں کا یہ جذبہ تھا جب کہ اُس وقت 71 کے بعد ہم ملک کا ایک بازو ہندو بنیےکی سازش کے ہاتھوں
⏬

گنوا چکے تھے آج بھی کتنی مائیں ہیں جن کے نور نظر اس دھرتی پر قربان ہوگئے ہیں اور ہورہےہیں۔ ابھی کل ہی کی تو بات ہے 10 کڑیل جوان کیچ بلوچستان میں شھادت کے درجے پر فائز ہوئے۔ فیصلہ سازوں کو سوچنا چاہیے۔ اب نہیں تو پھر کبھی نہیں۔ افواج پاکستان زندہ باد
کرنل واجد بنگش (ریٹائرڈ)
⏬