1/5 Falabamos o outro día, co gallo do #Ulysses100, da tradución realizada por Otero Pedrayo, mais a relación da nosa literatura co clásico de James Joyce non se reduce a esta incursión do Patriarca de Trasalba.
https://twitter.com/AtlanticaBeira/status/1488889585627238404
2/5 Porque o que probabelmente poidamos considerar o primeiro "spin off" do "Ulysses" saíu do maxín de Vicente Risco: referímonos ao relato "Dedalus en Compostela", que viu a luz nas páxinas da revista "Nós" (onde se non!) en 1929. 
3/5 Como sabedes, Stephen Dedalus (alter ego do proprio Joyce) é o adláter de Leopold Bloom en "Ulysses", mais xa aparecera noutras obras do autor, como "A portrait of the artist as a young man" (1916), que o proprio Risco menciona explicitamente no seu relato.
4/5 No texto de Risco asistimos a unha conversa entre Dedalus e o autor polas rúas compostelás (trasunto do percurso de Bloom e Dedalus por Dublín), entre reflexións metafísicas, teimas orientalistas, preocupación estética, unhas pingas de celtismo... Risco, no fin das contas 🤗
5/5 A propósito, moi recomendábel a adaptación en banda deseñada realizada por Kohell e publicada en 2015. Non nos ocorre leitura máis axeitada para esta tarde de invernía que nos vén aí.
• • •
Missing some Tweet in this thread? You can try to
force a refresh
