Thread by @umaraqti

جسٹس فائز کیس - تھریڈ:

عدالتی فتوحات دو طرح کی ہوتی ہے۔ ایک تکنیکی اور ایک “تکنیکی اور اخلاقی”۔ کچھ مقام ایسے ہوتے ہیں جن پہ فائز ہونے کیلئے اور کچھ خیالات ایسے ہوتے ہیں جن کا اظہار کرنے کیلیے انسان کو تکنیکی فتح نہیں بلکہ تکنیکی کے ساتھ ساتھ اخلاقی فتح بھی درکار ہوتی ہے۔

سپریم کورٹ کے چھ معزز جج صاحبان نے اپنی دانست میں قاضی فائز عیسی کے مقدمے کا فیصلہ تکنیکی بنیادوں پر آئین اور قانون کے مطابق دیا ہوگا۔ لیکن اب بینچ کے بقیہ چار ججز نے کچھ ایسے سوالات اُٹھا دیے ہیں کہ قاضی فائز عیسی کی عدالتی فتح اخلاقی تو دور کی بات شاید تکنیکی بنیادوں پر بھی..

..آئین و قانون کے مطابق نہیں رہی۔

اگرچہ چار ججز کا یہ اقلیتی فیصلہ ہے مگر حضور یہ تکنیکی فتح ہے۔ اس عدالتی فتح نے یہ ثابت نہیں کیا کہ جناب کا دامن صاف ہے یا نہیں۔ عین ممکن ہے کہ آپکا دامن صاف ہو۔ اور یہ بھی ہو سکتا ہے کہ آپکا دامن شاید صاف نہ ہو۔

پاکیِ دامن پہ سوال و جواب کی نوبت آنے ہی نہیں دیئ گئی لہذا مان لیجئے کہ اس تکنیکی فتح سے پاکیِ دامن ثابت بھی نہیں ہوئی۔

عزت ماب قاضی فائز عیسی کی اِس عدالتی فتح کی بنیاد تکنیکی نکات ہی تھے۔ مثلاً یہ کہ فارن پراپرٹیز فنانشلی انڈیپنڈنٹ بیگم کے نام پر تھیں۔..

جو اپنے مالی امور کیلئے خوُد جواب دہ ہے۔ مثلاً یہ کہ اثاثہ جس مالیاتی سال سے تعلق رکھتا ہے وہ سال اب انکم ٹیکس کے قانون کے مطابق ٹائم بار ہو چکا ہے۔ مثلاً یہ کہ سپریم جوڈیشل کاؤنسل کو ریفرنس بھیجنے کیلئے رُولز نہ فالو کیے گئے اور صدرِ پاکستان نے اپنی سوجھ بوجھ کا استعمال نہ کیا۔

مثلاً یہ کہ ایسیٹ ریکوری یونٹ کی کوئی قانونی حیثیت نہیں تھی۔ مثلاً یہ کہ سپریم کورٹ نے جون 2020 کا فیصلہ دینے سے پہلے محترمہ سرینہ عیسی کا موقف "با معنی انداز" میں نہیں سُنا۔

یہ سب درست ہے اور آپکو مبارک ہو کہ یہ تمام قانونی و تکنیکی نکتے آپکے حق میں گئے۔

لیکن دس میں سے چار ججوں نے اوپر بیان کردہ تمام تکنیکی بنیادوں کو اپنے تفصیلی فیصلے میں بحث کے بعد گِرایا دیا ہے۔ اب تو تکنیکی فتح بھی تھوڑی دھندلا سی گئ ہے۔

چار ججوں کے فیصلے کے بعد یہ بات طے ہوگئی ہے کہ ابھی تک یہ ثابت نہیں ہوا کہ 2014 میں لندن میں خریدے گئے اثاثے..

..آپکی اہلیہ نے اپنے معلوم ذرائع سے ہی بنائے تھے یا نہیں۔ یاد رہے کہ تین میں سے دو فلیٹس تب خریدے گئے جب قاضی صاحب بلوچستان ہائیکورٹ کے چیف جسٹس تھے۔ یہ بھی ثابت نہیں ہو کہ منی ٹریل اور جائز منی ٹریل موجود تھی بھی یا نہیں۔

..ہو سکتا ہے کہ آپکی اہلیہ کے ذرائع جائز ہوں لیکن مان لیجئے کہ آپ نے بات یہاں تک آنے ہی نہیں دی۔

جس مقام (عہدہ نہیں مقام) پر آپ فائز ہونے کی تمنا رکھتے ہیں وہ مقام اس بات کا متقاضی تھا کہ آپ تکانیک اور قانونی دلائل کو تھوڑی دیر کیلئے پسِ پُشت رکھ کر ایک دفعہ..

اپنا اور اپنی اہلیہ کے اثاثوں کا میرٹس پہ جواب دے دیتے۔ اُس جواب کے بعد آپ تکنیکی نکات بھی اُٹھانا چاہتے تو اُٹھا لیتے۔ اُس صورت میں آپکی جیت "تکنکی اور اخلاقی" فتح ہوتی۔

ایسے ہی حالات کا سامنا آپ سے پہلے ایک اور شخص کو بھی ہوا تھا جو چاہتا تو اوپر بیان کردہ تکنیکنی نکات..

..کو بنیاد بنا کر اپنا مقدمہ قانون کی عدالت (کورٹ آف لا) سے جیت جاتا۔ کیا وہ آپکی طرح تکنیکی نکات کی آڑ نہیں لے سکتا تھا؟ کیا وہ بھی یہ تکنیکی دلیل نہیں لے سکتا تھا کہ جب اُس نے لندن کا فلیٹ خریدا تھا تب تو وہ عوامی عہدیدار ہی نہیں تھا؟

کیا وہ یہ نہیں کہہ سکتا تھا کہ جس سال میں لندن فلیٹ لیا(1983)اور جس سال میں وہ لندن فلیٹ بیچا(2003) وہ دونوں سال ٹائم بار ہو چکے ہیں؟ کیا وہ یہ نہیں کہہ سکتا تھا کہ اُسکے سیاسی مخالف حنیف عباسی نے یہ رِٹ پیٹیشن بدنیتی سے دائر کی ہے اور اُسکے خلاف سیاسی انتقامی کارروائی ہو رہی ہے؟

لیکن اُس نے ایسی کوئی تکنیکی حُجت کی آڑ نہیں لی اور اپنا دامن پیش کیا۔ بلا چون و چرا آپکی عدالت کے سامنے تلاشی دی اور سوالات کے "جواب" دئیے۔
کم و بیش تیس سال پُرانی وہ رسیدیں بھی عدالت کے روبرو رکھیں جو آپکی اہلیہ کے ٹائم بار سالوں سے سے بھی کم از کم پینتیس سال پرانی تھیں۔

وہ آپکے برادر ججوں کے سامنے کٹہرے میں کھڑا ہوا اور آپ ہی کے برادر ججوں نے بعد از پڑتال اسکو آئینِ پاکستان کے مطابق صادق اور امین قرار دیا۔

چار ججوں نے اپنے اقلیتی فیصلے میں اوپر بیان کردہ کیس (حنیف عباسی بنام عمران خان 2018 PLD SC 89) کا حوالہ بھی عدالتی مثال کے طور پر پیش کر دیا ہے کہ عمران خان کے کیس میں حقائق کی تہہ تک پہنچنے کیلئے اور سچ نکال کر لانے کیلئے عدالت نے آئینِ پاکستان کے آرٹیکل 184 کے تحت وہ وہ..

..دستایزات طلب کیں اور وہ وہ سوالات پوچھے جو فریقین کے عدالتی مقدمے کی حدود سے باہر تھیں۔

حسرت ہی رہی حضور کہ آپ بھی حنیف عباسی بنام عمران خان مقدمے کے defendant کی طرح تکنیک کی زرہ اُتار کر اور سینہ تان کر میدان میں آتے۔

اپنا اور اپنی اہلیہ کا نامہِ اعمال سپریم جوڈیشل کاؤنسل کے سامنے یا سپریم کورٹ کے سامنے پیش کرتے تاکہ ہم بھی پھر کُھلے دل سے تسلیم کرتے کہ قاضی اخلاقی فتح کے ساتھ مزین ہے اور اُس مقام پہ فائز ہونے کا اہل بھی ہے جسکا وہ دعویدار ہے۔

ابھی تو سرگوشیوں میں یہی کہا اور سُنا جارہا ہے کہ قاضی صاحب کو "تکنیکی فتح" نصیب ہوئی ہے۔

آخر میں ایک غلط فہمی کا ازالہ کرنا چاہوں گا کہ جس شخص کے مقابلے پہ چند خاندانی جماعتیں اور چند تنظیمیں آپکو لا کر کھڑا کرنا چاہ رہی ہیں اُس شخص کی اخلاقی و تکنیکی..

..فتح فی الوقت آپکی نِری تکنیکی فتح سے بہت اوپر ہے۔ اور یہ بات ہم ہی نہیں بلکہ بین السطور آپکے برادر جج بھی کہہ رہے ہیں۔

*تھریڈ ختم شد۔*