Thread by @sarangchaps

#राहुलबजाज__एक_आठवण
नोकरी, व्यवसाय करताना त्या ठिकाणी तुमची जात, धर्म आणि राजकीय अभिनिवेश बाजुला ठेवावा लागतो. आजचं मोदी सरकारचं ब्रीद वाक्य "सबका साथ सबका विकास सबका विश्वास सबका प्रयास" हे आचरणात आणावं लागतं.+

वर्ष भर एका छोट्या कंपनीत औरंगाबाद आणि गोवा ईथे पाइपलाइनचं काम करून १९८९ ला मी गॅनन डंकर्ली कंपनी मधे जॉईन झालो आणि माझा पहिला प्रोजेक्ट होता वाळूज औरंगाबाद इथल्या बजाज ऑटोचा कावासाकी प्लांट.+

राहुल बजाज हे बजाज ग्रूपचे सर्वेसर्वा. मी जरी संघ परिवारातून आलेला असलो तरी राहुल बजाज हे काँग्रेसी आहेत किंवा भाजप द्वेष्टे आहेत याच्याशी आम्हाला काही घेणं देणं नव्हतं कारण मला नोकरी देणाऱ्या कंपनीसाठी ते एक क्लायंट होते.+

तसं पाहिलं तर माझ्या कंपनीचे मालक कमल मुरारका हे समाजवादी पक्षाचे खासदार होते.
भगवान विश्वकर्मा हे आम्हा कामगारांचं दैवत. दरवर्षी १७ सप्टेंबरला प्रत्येक प्रकल्पाच्या ठिकाणी विश्वकर्मा जयंती जोरदार साजरी केली जाते तशीच आमच्या बजाज ऑटोच्या साईट वर पण होत असे. +

पुजा, होम हवन आणि नंतर अधिकारी वर्ग, कामगार यांच्यासाठी महाप्रसाद म्हणून पोटभर जेवण केलं जायचं. यावेळी येणाऱ्या खर्चाचा भार आमची कंपनी तर उचलत असेच पण राहुल बजाज यांच्या सुचनेवरुन बजाज ऑटो पण बराच हिस्सा देत असे.
प्रचंड मोठा प्रोजेक्ट असल्याने आमचे एक हजाराच्या वर लेबर होते, +

जवळपास दीडशे स्टाफ आणि सर्वांचे परीवार असे खूप लोक असायचे. जेवणाच्या पंगती वर पंगती उठत असत
विशेष म्हणजे श्री राहुल बजाज हे स्वतः दिवसभर आमच्या सोबत लेबर लोकांच्या जेवणाच्या पंगती वाढत असत. कोणताही अभिनिवेश, मोठेपणा बाजुला ठेवलेला असे इतकंच...

✍️रंगा