இன்று #மாசிமகம். ஆசார்யர் மணக்கால் நம்பி திருவவதார தினம். இவரின் இயற்பெயர் ஸ்ரீ ராமமிஶ்ரர். லால்குடி அருகில் உள்ள மணக்கால் என்ற கிராமத்தில் அவதரித்தார். வைணவ ஸம்பிரதாயத்தில் மணக்கால் நம்பி என்ற திருநாமத்திலேயே அழைக்கப்படுகிறார். அவர் நித்ய சூரிகளில் குமுதா என்பவரின் திருவவதாரம். 
'லக்ஷ்மிநாத சமாரம்பாம் நாதயாமுன மத்யமாம்அஸ்மாதாசார்ய பர்யந்தாம் வந்தே குரு பரம்பராம்!'
லக்ஷ்மி நாத சமாரம்பாம் என குருபரம்பரையின் முதல் ஆச்சார்யரான மகாவிஷ்ணு, பின் மகாலட்சுமி, விஸ்வக்சேனர், நம்மாழ்வார், அடுத்து 'நாலாயிர திவ்யப்ரபந்தத்தை' தொகுத்து, ஸ்ரீவைஷ்ணவர்கள் அனைவரும் பயன்
லக்ஷ்மி நாத சமாரம்பாம் என குருபரம்பரையின் முதல் ஆச்சார்யரான மகாவிஷ்ணு, பின் மகாலட்சுமி, விஸ்வக்சேனர், நம்மாழ்வார், அடுத்து 'நாலாயிர திவ்யப்ரபந்தத்தை' தொகுத்து, ஸ்ரீவைஷ்ணவர்கள் அனைவரும் பயன்
பெறும்படி அரிய செயலை செய்த மகான் நாதமுனிகளை நடுவாகக் கொள்கிறோம். அதற்குப் பிறகு உய்யக்கொண்டார். அதன் பின் #மணக்கால்_நம்பி. அவருக்கு அடுத்து ஆளவந்தார் இந்த குரு பரம்பரையில் வருகிறார். மணக்கால் நம்பி அவருடைய ஆசார்யரான உய்யக்கொண்டாருடன் வாழ்ந்து அவருக்கு 12 வருடம் கைங்கர்யம்
செய்தார். அந்த சமயத்தில் உய்யக்கொண்டருடைய தர்ம பத்தினி பரமபதித்து விட்டார். அதனால் மணக்கால் நம்பி அவருடைய ஆசார்யன் திருமாளிகை மற்றும் அவருடய குழந்தைகளை நன்கு கவனித்து வந்தார். ஒருமுறை அவருடைய ஆசார்யனின் திருக்குமாரத்திகள் காவேரியிலிருந்து திரும்பி வரும்பொழுது வழியில் சேற்று நீர்
ஒரு பெரிய குட்டை போல் இருக்க அதைக் கடக்க அவர்கள் தயங்கினார்கள். அப்பொழுது நம்பி சேற்றில் படுத்து, அவர் மேல் அந்த குழந்தைகளை நடக்க சொல்லி அந்த சேற்றை கடக்க வைத்தார். இதை கேட்டவுடன் உய்யக்கொண்டார் மிகவும் மகிழ்ந்து அவருடைய திருவடித் தாமரைகளால், நம்பியினுடைய திருமுடியை அலங்கரித்தார்
உடனே உய்யக்கொண்டர் நம்பிக்கு என்ன வேண்டும் என்று கேட்க, தன் ஆசார்யருக்கு கைங்கர்யம் பண்ணுவதே தனக்கு விருப்பம் என்று கூறினார். உடனே உய்யக்கொண்டர் நம்பிக்கு என்ன வேண்டும் என்று கேட்க, தன் ஆசார்யருக்கு கைங்கர்யம் பண்ணுவதே தனக்கு விருப்பம் என்று கூறினார். இதைக் கேட்ட உய்யக்கொண்டார்,
தன் சிஷ்யனுடைய நடத்தையையும், விருப்பத்தையும் கண்டு மிகவும் மகிழ்ந்து, உடனே மீண்டும் ஒரு முறை த்வய மஹாமந்த்ரோபதேசம் செய்தார் (தனது சிஷ்யர்களுடைய கைங்கர்யத்தைக் கண்டு மிகவும் மகிழ்ந்தால், அவர்களுக்கு த்வய மஹாமந்த்ரோபதேசம் செய்வது என்பது பூர்வாசாரியர்களுடைய பழக்கமாக இருந்தது).
உய்யக்கொண்டார் பரமபதிக்கும் பொழுது, மணக்கால் நம்பியை தர்ஶன ப்ரவர்தகராக நியமித்து, (சம்பிரதாயத்தைப் பாதுகாத்துப் பரப்புபவர்) ஈஶ்வர முனியினுடைய திருக்குமரரை அடுத்த தலைவராக நியமிக்குமாறு கட்டளையிட்டார். ஈஶ்வர முனி யமுனைத்துறைவரை பெற்று எடுக்க, நம்பி அவருக்கு பஞ்ச ஸம்ஸ்காரத்தில்
முதன்மையான தாப ஸம்ஸ்காரம் செய்து வைக்கிறார். யமுனைத்துறைவர் (ஆளவந்தார்) மிகவும் அறிவுத்திறம் வாய்ந்தவராக இருந்தார். அவர் ராஜாவாக இருந்தமையால் தனது உண்மை நிலையை மறந்து ராஜ்ய நிர்வாகத்திலேயே இருந்தார். மணக்கால் நம்பி, ஆளவந்தாரை சந்திக்கச் செல்லும்பொழுதெல்லாம் காவலர்கள் அவரை உள்ளே
அனுமதிக்கவில்லை. மணக்கால் நம்பி ஆளவந்தரை திருத்த வேண்டும் என்று நினைத்து, அவர் தினமும் தூதுவளைக் கீரையை அரண்மணையில் உள்ள திருமடப்பள்ளியில் கைங்கர்யம் செய்பவரிடம் கொடுத்து வந்தார். ஆளவந்தாருக்கு அது மிகவும் பிடித்திருந்தது. நம்பி திடீரென்று ஒரு நாள் கீரை கொடுப்பதை நிறுத்திவிட்டார்
ஆளவந்தர் தன் வேலையாட்களிடம் ஏன் கீரை இல்லை என்று கேட்க, ஒரு வயதான ஸ்ரீவைஷ்ணவர் தினமும் கொடுத்து வந்தார், இப்பொழுது அவர் கொடுப்பதை நிறுத்தி விட்டார் என்று கூறினார்கள். பிறகு மணக்கால் நம்பியை அழைத்து வந்து, ஆளவந்தார் அவருக்கு ஒரு இருக்கையை கொடுத்து ஏதேனும் செல்வம் வேண்டுமா என்று
கேட்டார். அதற்கு மணக்கால் நம்பி “நாதமுனிகள் கொடுத்த உண்மையான செல்வம் (ஸ்ரீவைஷ்ணவஸ்ரீ) என்னிடம் உள்ளது, அதை கொடுக்கத்தான் வந்தோம்” என்று கூறினார். இதைக் கேட்ட ஆளவந்தார், அவரது காவலர்களிடம் நம்பி எப்பொழுது வந்தாலும் உள்ளே அனுப்புமாறு கூறினார். மணக்கால் நம்பி பகவத் கீதையின் அனைத்து
விசேஷ அர்த்தங்களையும் ஆளவந்தாருக்கு கற்றுக்கொடுத்தார். அதை கேட்டதும் ஆளவந்தார் கொஞ்சம் கொஞ்சமாக பழைய நிலைமைக்கு மாறினார். ஆளவந்தார் கீதையின் ஸாரமான பொருளை விளக்குமாறு கேட்க, நம்பி சரம ஸ்லோகார்த்தத்தை அவருக்கு விரிவாக உபதேசித்தார். பிறகு ஆளவந்தரை திருவரங்கத்திற்கு அழைத்துச் சென்று
பெரிய பெருமாளை சேவிக்க வைத்தார். பெரிய பெருமாளுடைய அழகைக் கண்டு மெய்மறந்து, ஆளவந்தார் உலகப் பற்று அனைத்தையும் விட்டார். இதன்மூலம் மணக்கால் நம்பி நாதமுனிகளுடைய ஆசையை நிறைவேற்றினார். எப்பொழுதும் நாதமுனிகளை தியானித்துக்கொண்டு ஆளவந்தாரை சம்பிரதாயத்தை பாதுகாத்து பரப்புமாறு கட்டளை
இட்டார். அத்தோடு ஆளவந்தாரை அடுத்த தர்ஶன ப்ரவர்த்தகரைத் தேர்ந்தெடுத்து நியமிக்குமாறு கட்டளையிட்டார். இதை நினைத்துக்கொண்டு மிகவும் மகிழ்ச்சியுடன் பரமபதம் சென்றார். ஆளவந்தார் எம்பெருமானாரை கடாக்ஷித்து அடுத்த தர்ஶனப்ரவர்த்தகராக நியமித்தார்.
மணக்கால் நம்பியின் வாழி திருநாமம்:
மணக்கால் நம்பியின் வாழி திருநாமம்:
தேசமுய்யக் கொண்டவர் தாள் சென்னிவைப்போன் வாழியே
தென்னரங்கர் சீரருளைச் சேர்ந்திருப்போன் வாழியே
தாசரதி திருநாமம் தழைக்கவந்தோன் வாழியே
தமிழ் நாதமுனியுகப்பைத் தாபித்தான் வாழியே
நேசமுடனாரியனை நியமித்தான் வாழியே
நீள் நிலத்தில் பதின்மர் கலை நிறுத்தினான் வாழியே
மாசிமகம் தனில் விளங்க
தென்னரங்கர் சீரருளைச் சேர்ந்திருப்போன் வாழியே
தாசரதி திருநாமம் தழைக்கவந்தோன் வாழியே
தமிழ் நாதமுனியுகப்பைத் தாபித்தான் வாழியே
நேசமுடனாரியனை நியமித்தான் வாழியே
நீள் நிலத்தில் பதின்மர் கலை நிறுத்தினான் வாழியே
மாசிமகம் தனில் விளங்க
வந்துதித்தான் வாழியே
மால்மணக்கால் நம்பி பதம் வையகத்தில் வாழியே!!
ஆழ்வார், ஆச்சார்யார், எம்பெருமானார், ஜீயர், ஸ்ரீமணவாளமாமுனிகள், தேசிகன் திருவடிகளே சரணம்.
மாசிமகம் சிறக்க நாமும் போற்றுவோம் கொண்டாடுவோம்.
சர்வம் ஸ்ரீ கிருஷ்ணார்ப்பணம்🙏🏾
மால்மணக்கால் நம்பி பதம் வையகத்தில் வாழியே!!
ஆழ்வார், ஆச்சார்யார், எம்பெருமானார், ஜீயர், ஸ்ரீமணவாளமாமுனிகள், தேசிகன் திருவடிகளே சரணம்.
மாசிமகம் சிறக்க நாமும் போற்றுவோம் கொண்டாடுவோம்.
சர்வம் ஸ்ரீ கிருஷ்ணார்ப்பணம்🙏🏾
ஶ்ரீ மணக்கால் நம்பி திருவடிகளே சரணம்🙏🏻
• • •
Missing some Tweet in this thread? You can try to
force a refresh
