Thread by @DPawarspeaks

ज्यांना पं. नेहरूंनी #मिर_ए_कांरवां म्हणून संबोधलं आणि गांधींनी त्यांना प्लुटो,अरिस्टोटल आणि पायथागोरस या तिघांच्या योग्यतेचा माणूस म्हणलं असे जे स्वतंत्र भारताचे #पहिले_शिक्षण_मंत्री
#MaulanaAbulKalamAzad यांची आज पुण्यतिथी.

१८५७ च्या बंडामध्ये यश न मिळालेल्यामुळे मौलाना अबुल कलाम यांचे वडील सौदी अरेबिया मध्ये जाऊन स्थायिक झाल्यानंतर तिथेच अबुल कलाम यांचा जन्म झाला. पुढे हे कुटुंब कलकत्त्यात येऊन स्थायिक झाले आणि अबुल कलम यांचं शिक्षण पारंपरिक धार्मिक पद्धतीने सुरू झालं.

लहान असताना स्वतःची लायब्ररी चालवणारे आझाद, आपल्यापेक्षा दुप्पट वयाच्या मुलांची शिकवणी घेत. लहानपणीच मुलांची डिबेटिंग सोसायटी स्थापन करून वेगवेगळ्या विषयातल्या आणि वेगळ्या विचारांचा प्रभाव पडल्याने त्यांचा ओढा हा भारतीय स्वातंत्र्य आणि हिंदू मुस्लिम ऐक्याकडे होता.

खरं नाव मोहीउद्दिन अहमद असतांना मुस्लिम धर्माशास्त्रात प्रावीण्य प्राप्त केल्यामुळे त्यांना विद्यावाचस्पती अर्थात "#अबुल_कलाम" ही उपाधी वयाच्या १८व्या वर्षीच मिळाली. स्वतंत्र विचारांचं लेखन करतांना आझाद नाव लावायचे म्हणून पुढे #अबुल_कलाम_आजाद हेच नाव कायम राहिलं.

आझाद यांनी मुहम्मद पैगंबर यांच्या मृत्यूनंतर ३०० वर्षांनंतर चे लिहीत मिळवून कुराणाचं संपादन केलं. पण कुराण हा ग्रंथ अपरिवर्तनीय आणि ईश्वरीय आहे या मूळ कल्पणेलाच छेद दिल्याप्रमाणे मुस्लिम धर्मगुरू संतापले आहे त्यांनी आझाद बिदात, इरतकाम, और इरतदान असे तीन गुन्ह्यात गुन्हेगार मानलं.

कालसापेक्षता, सर्वधर्म समभाव आणि मानवता हा कुराणाचा आधार आहे तर जिहाद, काफिर या गोष्टी कालबाह्य आहेत असं कमाल यांचं मत होतं. हजारो वर्षांपूर्वी लिहिलेल्या त्या काळानुरूप धार्मिक नियमांना आजच्या काळात त्याच पद्धतीने का मानावं असे आझादांचे मत म्हणजे धर्मगुरूंना जोरदार धक्का होता.

धर्मावर आधारित देश बनवणं हे हिंदू आणि मुस्लिम दोघांसाठी योग्य नाही या मतावर ते कायम ठाम होते त्यामुळे भारतात सर्वधर्मीय सर्व पक्षीय सरकार म्हणजेच #उम्मतुलवहिदा स्थापन करणे म्हणजेच खरा धर्म आहे हे त्यांनी सांगितलं.

१९२२ ला कलकत्त्यात त्यांनी "अल् हिलाल" नावाची पत्रिकेतून कुराणाच्या माध्यमातुन व मानवतावादी मूल्यधरुन लिखाण सुरू केलं जे साहजिकच ब्रिटिशांविरुद्ध होतं. साहजिकच यावर पुढे ब्रिटिशांनी बंदी आणली आणि तुरुंगात पाठवलं. त्यानंतर त्यांनी "अल् बिलाल" नावाची दुसरी पत्रिका काढली.

काँग्रेसचे आजपर्यंत चे सर्वात कमी वयात अध्यक्षपद भूषविण्याचा मान यांनाचा मिळाला होता. शिक्षण मंत्री असताना #साहित्य_अकादमी, #संगीत_नाटक_अकादमी, #ललित_कला_अकादमी यांनी सुरू केल्या. #आयआयटीस्, #स्कूल_ऑफ_प्लॅनिंग, दिल्ली सुद्धा आझाद यांच्याच काळातल्या.

#विद्यापीठ_अनुदान_आयोग स्थापन केल्याच्या फायदा आजपर्यंत भारतातल्या सर्व विद्यापीठांना होत आहे. मुस्लिम धर्म पंडित असणाऱ्या #भारत_रत्न मौलाना आझाद यांचं स्वतंत्र्य भारताच्या शिक्षण व्यवस्थेतील योगदान म्हणजे सनातनी लोकांची शिक्षण क्षेत्रात असलेली मक्तेदारी दूर करण्याचं काम होतं.

हे असे प्रकांडपंडित शिक्षण तज्ञ स्वतंत्र भारताला पहिले शिक्षण मंत्री म्हणून लाभले म्हणून आपली शिक्षण पद्धती विज्ञाननिष्ठ होऊ शकली. अन्यथा पुराणमतवादी हिंदू मुस्लिम यांना प्रिय असणाऱ्या धार्मिक संस्थाच या देशात उभ्या राहिल्या असत्या.