இது உங்கள் இடம்: இதுதான்யா உண்மையான சுயமரியாதை
உலக, நாடு, தமிழக நடப்புகள் பற்றி வாசகர்கள் தினமலர் நாளிதழிற்கு எழுதிய கடிதம்
ஆர்.சுப்ரா, சென்னையில் இருந்து அனுப்பிய, 'இ - மெயில்' கடிதம்:
உலக, நாடு, தமிழக நடப்புகள் பற்றி வாசகர்கள் தினமலர் நாளிதழிற்கு எழுதிய கடிதம்
ஆர்.சுப்ரா, சென்னையில் இருந்து அனுப்பிய, 'இ - மெயில்' கடிதம்:
https://twitter.com/dinamalarweb/status/1497323107438239746
லோக்சபா மற்றும் சட்டசபை தேர்தலில், அ.தி.மு.க., தலைமையிலான கூட்டணியில் பா.ஜ.,வும் இடம் பெற்றிருந்தது. ஆனால், நகர்ப்புற உள்ளாட்சி தேர்தலில், பா.ஜ.,வை கூட்டணியில் இருந்து வெளியேற்றி விட்டனர்,
அ.தி.மு.க.,வினர், தமிழக காங்கிரஸ் தலைவர் அழகிரி போன்றவர், தமிழக பா.ஜ., தலைவராக இருந்திருந்தால், 'ஐயா சாமி! அடியேன் சரணம்! நீங்கள் கொடுக்குறதை கொடுங்க; நாங்கள் சந்தோஷமா ஏத்துக்கறோம்' என்று சொல்லி, பழனிசாமி, பன்னீர்செல்வம் கால்களில் விழுந்து இருப்பார்.
தற்போதைய பா.ஜ., தலைவர் அண்ணாமலை, தன்மானம் உள்ளவர்; சுயமரியாதை உடையவர். 'துணிந்து நில்; தொடர்ந்து செல்! தோல்வி கிடையாது தம்பி... உள்ளதை சொல்; சொன்னதை செய்! தெய்வம் இருப்பதை நம்பி...' என்ற வாலியின், பால்குடம் பட பாடல் போல, நகர்ப்புற உள்ளாட்சி தேர்தலில் தனியாக நின்றார்.
தெய்வம் இருப்பதை நம்பினார்; கணிசமாக வென்றார்.'இது, ஈ.வெ.ரா., மண்; தாமரை இங்கு மலராது; தமிழகத்தில் பா.ஜ., ஜெயிக்காது' என்று சொல்லிக் கொண்டிருந்தவர்கள் முகத்தில், 300க்கும் அதிகமான இடங்களில் வென்று சாதித்து காட்டி, கரியை பூசி இருக்கிறார்.
ஓட்டு போட வாக்காளர்களுக்கு 1 ரூபாய் கூட லஞ்சம் தராமல், இன்று, 300 இடங்களில் வென்றுள்ள பா.ஜ., நாளை இந்த பணப் பட்டுவாடாக்களை முறியடித்து, வெற்றி வாகை சூடி, கோட்டையையும் கைப்பற்றும்.
லோக்சபாவில், 1980ல் இரண்டே இரண்டு எம்.பி.,க்களோடு இருந்த பா.ஜ.,வை, காங்கிரஸ் கட்சியினர் ஏளனமாக பார்த்தனர்; எள்ளி நகையாடி சிரித்தனர்.
அப்போது, எம்.பி.,யாக இருந்த முன்னாள் பிரதமர் வாஜ்பாய், 'இன்றைக்கு நாங்கள் இரண்டு பேர் இருக்கலாம்.
ஒரு நாள் பா.ஜ., - எம்.பி.,க்கள் இந்த சபை முழுதும் நிறைந்து இருப்பர். 'அப்போது, காங்கிரசை எங்கே என்று தேட வேண்டி இருக்கும்' என்று பதிலளித்தார். அன்று வாஜ்பாய் சொன்னது பலித்ததா இல்லையா!
அதுபோல, தமிழகத்திலும், இது இந்திய மண் என்ற உணர்வு மேலோங்கி, பா.ஜ., ஆட்சியில் அமரும். அதற்கு தமிழக பா.ஜ., செய்ய வேண்டியது ஒன்றே ஒன்று தான்...அது, இனி தமிழகத்தில், எந்த மாநில கட்சியுடனும் கூட்டணி வைக்காமல், எதிர்வரும் அனைத்து தேர்தலிலும், தனித்தே நின்று முத்திரை பதிக்க வேண்டும்.
லோக்சபாவில் வாஜ்பாயின் குரல் வென்றது போல, தமிழகத்திலும் வெல்லும். தமிழக மக்களுக்கு இப்போது தான், கொஞ்சம் சுயமரியாதை கிளர்ந்திருக்கிறது. அந்த சுயமரியாதையை பட்டி தொட்டியெங்கும் கொண்டு சேர்ப்பதே அண்ணாமலையின் கடமை
• • •
Missing some Tweet in this thread? You can try to
force a refresh
