आमदारांना फक्त मुंबईत घर देऊन भागेल असं वाटत नाही. महाराष्ट्रातले आमदार खूप काम करतात, त्यांना राज्यभर फिरावं लागतं. त्यामुळे प्रत्येक आमदाराला मुंबईत एक, पुण्यात एक, नागपुरात एक अशी तीन घरे द्यावीत आणि गोव्याच्या सीमेलगत, शिंदुर्गात एक बीच रिसॉर्ट द्यावं.
याचबरोबर कामांसाठी दिल्लीला जायला लागतं, त्यामुळे दिल्लीतहूं एक 2BHK सदनिका द्यावी. आमदारांना कामाचा शीण येतो, त्यामुळे त्यांना ताजतवानं ठेवण्याची जबाबदारी अर्थातच जनतेची आहे. त्यामुळे आमदारांना वर्षातून एकदा थायलंड ट्रिप, अडीच वर्षांतून एकदा लास वेगास ट्रिप
आणि पाच वर्षांतून एकदा पॅरिस ट्रिप घडवून आणावी. आमदारांना जनतेसाठी खूप चालावं लागतं त्यामुळे त्यांचे पाय दुखतात. त्यामुळे त्यांचे पाय चेपण्यासाठी जॅकलिन फर्नांडिस, उर्वशी रौतेला आणि करणजीत कौर यांना एन्युअल मेंटेन्सन कॉन्ट्रॅक्टच्या धर्तीवर कंत्राट द्यावं.
त्याचबरोबर सर्वपक्षीय आमदारांना खूप वेळ बसावं सुद्धा लागतं. त्यामुळेही त्यांना जिथे कुठे त्रास होत असेल त्यासाठी यथायोग्य आल्हाददायक सेविका नेमाव्यात. याचबरोबर आमदारांचे वीजबिल माफ करावे, आमदारांना असुविधा होऊ नये म्हणून स्पेशल आरामयान दर्जाची एसटी सेवा सुरू करावी
आणि आमदारांना मणक्याचा त्रास होऊ नये म्हणून आमदारांपुरते रस्त्यातले खड्डे तातडीने भरावेत. याचबरोबर कोणताही आमदार उपाशी झोपू नये यासाठी प्रत्येकतालुक्याच्या ठिकाणी एक सर्वसुखसोयींनी सुसज्ज असे आमदार उपहारगृह चालू करावे, ज्यात आमदारांना सकस आहार मोफत मिळायची सोय व्हावी.
किमान या एवढ्या मागण्या तरी राज्य सरकारने मान्य करून जनतेला आमदारांचे उपकार थोडेफार का होईना पण परतफेड करण्याची संधी द्यावी अशी विनम्र मागणी आम्ही याठिकाणी करत आहोत!
• • •
Missing some Tweet in this thread? You can try to
force a refresh
