Thread by @anbezhil12

#பைரவர் சிவனின் 64 வடிவங்களில் மகாஞானியான, ரௌத்ர தோற்றம் கொண்டவர். எல்லா சிவன் கோவில்களிலும் இருப்பார். சிவன் சொத்துக்களை காவல் காக்கும் அதிகாரியும் இவரே. நாயை வாகனமாகக் கொண்டு அனேகமாக திகம்பரராக காட்சி தருபவர். அஷ்டமி திதி இவரை பூகிக்க உகந்த நாள், அதிலும் தேய்பிறை அஷ்டமி திதி.

அன்று நம் குறை தீர வேண்டிக் கொண்டு ஸ்ரீ காலபைரவருக்கு விரதம் மற்றும் வழிபாடு நடத்தினால் மிக சிறப்பான பலன்களை வாரி வழங்குவார். தேய்பிறை அஷ்டமியில் சிகப்பு நிற ஆடை அணிந்து, சிகப்பு நிற மலர்களால் அர்ச்சித்து, வெள்ளைப் பூசனியில் நெய் தீபம் ஏற்றி வர மிகவும் நல்ல பலன்களை பெறலாம்.

ராகுகாலத்தில் 11 நெய் தீபம் ஏற்றி வழிபடுவதும், ருத்ராபிஷேகம் செய்தல், வடைமாலை சாற்றி வழிபடுவது நல்லது. தினமும் ஸ்ரீ காலபைர் காயத்திரி மந்திரம் சொல்லி அர்ச்சனை செய்து வழிபட்டால் திருமணம் ஆகாதவர்களுக்கு விரைவில் நடக்கும். அவரை வணங்குவதால் வறுமை, பகைவர்களின் தொல்லை, வியாபார

முன்னேற்றம், தன லாபம், பயம் நீங்கி அஷ்ட ஐஸ்வர்களும் கிடைக்கும். எலுமிச்சம்பழத்தை பைரவமூர்த்தியின் காலில் வைத்து அர்ச்சித்து வீட்டுக்கு கொண்டு போனால் தீராத வியாதிகள் தீரும். வீட்டை சூழ்ந்திருக்கும் பீடைகள் ஒழியும். கெட்ட அதிர்வுகள் விலகும் என்று சொல்லப்படுகிறது. மன அமைதியே

இல்லாதவர்களுக்கு பைரவரே நல்ல துணை. செல்வவளம் பெருக சொர்ணாகர்ஷன பைரவரை வணங்கலாம். எட்டு தேய்பிறை அஷ்டமி நாட்களில் பைரவ வழிபாடு செய்தால் எந்தத் துன்பமானாலும் விலகி வாழ்க்கையில் சுபிட்சம் உண்டாகும் என்பது ஆன்றோர்கள் வாக்கு. தேய்பிறை அஷ்டமியில் பஞ்சதீபம் ஏற்றி வழிபட்டால் காலத்தினால்

தீர்க்கமுடியாத தொல்லைகள் நீங்கும், நல்லருள் கிட்டும். பஞ்சதீபம் என்பது இலுப்ப எண்ணெய், விளக்கு எண்ணெய், தேங்காய் எண்ணெய், நல்லெண்ணெய், பசு நெய் ஆகும். இவற்றை தனித்தனி தீபமாக ஏற்ற வேண்டும். அகல் விளக்கில் ஏற்றலாம்.
ஸ்ரீ பைரவருக்கு இந்த பஞ்சதீபம் ஏற்றி வழிபட்டால் எண்ணிய செயல்கள்

நிறைவேறும் என்பது ஐதீகம். தை மாதம் முதல் செவ்வாய்க்கிழமை தொடங்கி ஒவ்வொரு செவ்வாய் தோறும் பைரவரை வணங்கி கால பைரவ அஷ்டகம் படித்து வந்தால் எதிரிகள் அழிந்து, கடன்கள் தீர்ந்து, யம பயம் மட்டுமில்லாது எவர் பயமுமின்றி நீண்டநாள் வாழலாம். நம்முடைய முன்னோர்கள் வழிபாட்டினை தேய்பிறை தேதிகளில்

துவங்கி வளர்பிறை தேதிகளில் முடிப்பார்கள். இதுவே வழிபாட்டின் ரகசியம் ஆகும். தேய்பிறை தேதிகளில் நமது கர்ம வினைகள் அனைத்தும் அழியத் தொடங்கும். பின்னர் வளர்பிறை தேதிகளில் நமது தேவைகள் கிடைக்க ஆரம்பிக்கும். இதனை எந்த  எல்லா கடவுள் வழிபாட்டிலும் பின்பற்றலாம். வளர்பிறை அஷ்டமி திதியில்

சனிக்கிழமையும் சேர்ந்து வருவது ஒரு விசேஷமான நாளாக கருதப் படுகிறது. இந்நாளில் மேற்கொள்ளும் விரதங்களும், வழிபாடுகளும் நம் கஷ்டங்களை நீக்கும். குறிப்பாக கடன் நீங்கி செல்வ செழிப்பு, பிள்ளை வரம், பாவங்கள் தீர, தோஷங்கள் கழிய செய்ய வேண்டிய எளிதான பூஜையின் முறை தான் இது.
வளர்பிறை

அஷ்டமியில், திதி மூடிய விரதம் இருந்து உண்ணாமல், உறங்காமல் சைவ முறையில் மகாலட்சுமியையும், பைரவரையும் நினைப்பவர்களுக்கு கேட்ட வரம் கேட்டபடி நிச்சயம் கிடைக்கும் என்பது நம்பிக்கையாக இருந்து வருகிறது. 8 வளர்பிறை அஷ்டமி திதிகளில் 8 அகல் விளக்குகள் ஏற்றி வந்தால் மடியில் கனம் உண்டாகும்.

அதாவது குழந்தை வரம் வேண்டி காத்திருப்பவர்களுக்கு இந்த அஷ்டமி வளர்பிறை திதியில் ஆரம்பித்து எட்டு வாரங்கள் இதே போல மகாலட்சுமி வழிபாடு செய்து வர கரு உண்டாகும். மகாலட்சுமி படம் அல்லது அஷ்டலட்சுமிகளின் திரு உருவத்துடன் கூடிய படங்கள் இருந்தால் அதனை வாசம் மிகுந்த மல்லிகை மலர்களால்

அலங்கரித்து 8 சிறிய அளவிலான மண் அகல் விளக்குகளில் நெய் ஊற்றி அதில் சுத்தமான வெள்ளை நிற திரியை போட்டு, சர்க்கரை பொங்கல் நிவேதனம் வைத்து, செய்த பாவங்கள் தொலைய பிள்ளை பேறு உண்டாக வேண்டும் என்று மனதில் நினைத்து தீபம் ஏற்றி, மகாலட்சுமி 108 நாமாவளிகளை உச்சரித்து வந்தால் 8 வாரத்திற்குள்

நல்ல செய்தி கிடைக்கும். கடன் தொல்லையால் அவதிப்பட்டு வந்தவர்களுக்கு இந்த வளர்பிறை அஷ்டமி உடன் கூடிய சனிக்கிழமை கிழமையில் பைரவ பூஜை செய்வதன் மூலம் நல்ல நிவாரணம் கிடைக்கும். அசைவம் தவிர்த்து, திட உணவுகளை நீங்கி முடிந்தால் திரவ உணவுகளை மட்டுமே எடுத்துக் கொண்டு விரதம் இருக்கலாம்.

முழுநேர விரதம் இருக்க முடிந்தவர்கள் முழுநேரமும் சாப்பிடாமல் விரதம் இருக்கலாம்.
ஸ்வர்ண ஆகர்ஷண பைரவர் படத்தை வைத்து 108 ஐந்து ரூபாய் நாணயங்கள் அல்லது குபேர நாணயங்களை வைத்தும் சிவப்பு நிற ரோஜா, செம்பருத்தி, செவ்வரளி போன்ற செந்நிற மலர்களைக் கொண்டு அர்ச்சிக்கலாம். நைவேத்தியமாக தயிர்

சாதம் படைத்து வழிபட்டு வரலாம்.
பைரவ விரதம் இருந்து கடன் தீர மிளகு தீபம் ஏற்றுபவர்கள் வீட்டில் அதை செய்யக்கூடாது. பைரவர் சன்னிதிக்குச் சென்று அங்கு சிவப்பு நிறத்தில் திரி வைத்து உள்ளே மிளகு போட்டு தீபம் ஏற்றுவது முறையாகும். இதற்கும் எட்டு தீபங்கள் வீதம், மிளகு தீபம் ஏற்றி வந்தால்

8 வாரத்திற்குள் தீராத கடன் பிரச்சனைகள் முடிவுக்கு வரும் என்பது நம்பிக்கையாக இருந்து வருகிறது. பாவங்கள், முன்வினை கர்மாக்கள் தீர்வதற்கு தொடர்ந்து வளர்பிறை, தேய்பிறை அஷ்டமி நாட்களில் பைரவரை வணங்கி அவருடைய விபூதியை வீட்டில் வைத்து தினமும் பூசிக் கொண்டால் வாழ்க்கையில் திருப்பம்.

உண்டாகும்.
செய்து பாருங்கள் பலன் கிடைக்கும்.
சர்வம் ஶ்ரீ கிருஷ்ணார்ப்பணம்🙏🏻