Thread by @anbezhil12

பௌர்ணமிகளில் மிக சிறப்பு வாய்ந்தது #சித்ராபௌர்ணமி. (16.4.2022) தமிழ்ப் புத்தாண்டில் வரும் முதல் முழுநிலவு நாள் என்பதால் முதல் சிறப்பு. இன்று தோன்றும் சந்திரன் 64 கலைகளையும் முழுமையாகக் கொண்டு பிரகாசமாக ஒளி வழங்குவதால் இம்மாதப் பெளர்ணமி மேலும் சிறப்புப் பெறுகிறது. எமலோகத்தில் நம்

புண்ணிய - பாவ கணக்கை எழுதிக் கொண்டிருக்கும் சித்திர குப்தனின் அவதார நாள் இன்று. சிவபெருமான் வரைந்த சித்திரத்திலிருந்து உயிர்பெற்று வந்தவர் என்பதால் சித்திரகுப்தர் என்றும் சித்திரபுத்தர் என்றும் அழைக்கப்படுகிறார். யமனுக்கு உதவியாக மானிடர்களின் பாவ புண்ணிய கணக்கைத் துல்லியமாக

பதிவிட படைக்கப்பட்டவர். மக்களின் மனதில் ஒளிந்திருக்கும் எண்ணங்களையும் அவர்கள் செய்யும் நல்வினை, தீவினைகளையும் சாரணர்கள் என்ற ஒற்றர்களின் உதவியால் கண்டறிந்து எழுதி வருகிறார் அவர். அனைத்தையும் மிக மிக ரகசியமாகப் பாதுகாப்பதால் சித்திர குப்தர் என்ற பெயர் ஏற்பட்டது. குப்தர் என்றால்

ரகசியம் காப்பவர் என்று பொருள். இந்நாளில் இவரை வழிபட்டு தான தர்மங்கள் செய்வதால், அவரின் அருள் பெற்று நீண்ட ஆயுள் கிடைக்கும். இவர் வலக்காலை ஊன்றி இடக்காலை மடித்து சுகாசன நிலையில் வீற்றிருப்பார். வலது கையில் எழுத்தாணியும் இடக்கையில் சுவடியும் இருக்கும். கேதுவுக்கு சித்திரகுப்தன்தான்

அதிபதி என்றும் கேது தோஷத்தால் பாதிக்கப் பட்டவர்கள் இவரை வழிபட்டால், அத்தோஷம்
நீங்கும். மயன் மகள் பிரபாவதி மனுவின் மகள் நீலாவதி, விஸ்வ கர்மாவின் மகள் கர்ணிகி ஆகியோர் இவரது மனைவியர் அக்கிர சந்தானி என்பது இவரது கணக்குப் புத்தகத்தின் பெயர். இவருக்கு காஞ்சிபுரத்தில் கோவில் உள்ளது.

சித்திரகுப்தரின் படத்திற்கு முன் பேனா, காகிதம் முதலியவற்றை வைத்து மலர்களால் பூஜித்து வணங்கலாம். அந்தக் காலத்தில் பூஜை அறையில் ஓர் ஓலைச் சுவடியில், ‘சித்ரகுப்தன் படி அளக்க’ என்று எழுதி வைத்து வழிபடுவார்களாம். இன்று நாம் அதை ஒரு நோட்டில் எழுதி வைத்து வணங்கலாம். விரதம் இருந்து

மாலையில் பூஜை செய்வதும் விசேஷம். பானகம், நீர் மோர் போன்றவற்றை நிவேதனமாகப் படைத்து அருந்தலாம். சித்ரா பௌர்ணமியன்று மதுரை கள்ளழகர் வைகையாற்றில் இறங்கி மண்டூக மகரிஷிக்கு அருள் புரியும் வைபவம் நடக்கிறது. சித்ராபௌர்ணமி நாளில் காஞ்சிபுரம் ஸ்ரீவரதராகப் பெருமாள் ‘நடவாவி’ என்னும்

கிணற்றுக்குள் எழுந்தருள்வார். ஸ்ரீராமாநுஜருக்கு வரதராஜப் பெருமாள் காட்சி அளித்து அருள்பாலித்த வைபவத்தைக் கொண்டாடும்விதமாக இந்தத் திருவிழா நடந்து வருகிறது. குற்றாலத்தில் உள்ள செண்பகா தேவிக்கு சித்ரா பௌர்ணமியன்று சிறப்பு பூஜைகள் நடைபெறும். அப்போது சந்தன வாசனையுடன் மழை பொழியும்

என்றும் கூறப்படுகிறது. இத்தினத்தன்று அம்பாளின் திருவுருவ சிலை அல்லது படத்திற்கு மலர் மாலை அணிவித்து, வஸ்திரம், ஆபரணங்களை அணிவித்து வழிபடுவது நல்லது. அம்பாளுக்கு மஞ்சள் கலந்த சாதம் படைத்து, பானகம், கிராம்பு, ஏலம், பச்சைக் கற்பூரம் சேர்த்த தாம்பூலம் அடங்கிய நைவேத்தியத்தைப் படைக்க

வேண்டும். இன்று தயிர்சாதம், எலுமிச்சை சாதம், நீர் மோர் போன்றவற்றை பக்தர்களுக்கு தானமாக வழங்குவது மிகுந்த புண்ணியத்தைத் தரும். திருச்சி மலைக்கோட்டை கோயிலில் ராஜராஜ சோழனின் பத்தாம் ஆண்டுக் கல்வெட்டில் சித்ரா பௌர்ணமிக்கு நிவந்தம் கொடுத்த குறிப்பு உள்ளது. இதன் மூலம் தமிழர்கள் தொன்று

தொட்டு சித்ரா பௌர்ணமி வழிபாட்டை மேற்கொண்டு வருகிறார்கள் என்பதை அறியமுடியும். இந்த நாளில் செய்யும் தானம் சிறிதளவாக இருந்தாலும் அதன் பலன் மலையளவாகத் திரும்பக் கிடைக்கும் என்பது நம்பிக்கை. எனவே தவறாமல் தானம் செய்து வழிபாடு செய்ய வேண்டிய நாள்.

சர்வம் ஶ்ரீ கிருஷ்ணார்ப்பணம்🙏🏻

Cc @thiru_neeru