Thread by @ThanjaiMadhavan

சங்க காலத்தில் கடல் வணிகமும், புலம்பெயர்வும்!

சங்க காலத்தில் தமிழகத்திற்கும், கிரேக்க, ரோமானிய நாடுகளுக்குமிடையே நடைபெற்ற கடல் வணிகத்தில் இவ்விரு நாடுகளுக்கிடையே #புலம்பெயர்தல் நிகழ்ந்துள்ளது.

கிறித்து பிறப்பதற்குப் பன்னூறாண்டுகட்கு முன்பே தமிழர் மேற்கே கிரேக்கம், உரோம், எகிப்து முதல் கிழக்கே சீனம் வரையில் கடல் வணிகத் தொடர்பு கொண்டிருந்தார்கள்.

வணிகத்துக்காகத் தமிழகம் வந்த கிரேக்க, ரோமானியர்களைச் சங்க இலக்கியம் #யவனர் என்று குறிப்பிடுகின்றது.

#யவனர்கள் வணிகத்தின் பொருட்டும், தொழில்நுட்பத்தின் காரணமாகவும் சேர, சோழ, பாண்டிய நாடுகளில் புலம்பெயர்ந்து வாழ்ந்துள்ளனர்.

#காவிரி ஆறு கடலோடு கலக்கும் #பூம்புகார் சோழர்களின் தலைநகரமாகவும் பெருந்துறையாகவும் வாணிப, கலாசார நகரமாகவும் இருந்தது.

யவன, கிரேக்க, எகிப்து நாடுகளிலிருந்து புலம் பெயர்ந்து வந்த வணிகர்கள்; வாயில் காப்போர், சிற்பிகள், ஆடல் மகளிர் எனப் பலரும் தங்கள் மொழியைப் பேசிக்கொண்டு தனிக் குடியிருப்புகளில் வாழ்ந்து வந்தார்கள்.

அது #யவனச்சேரி என்று அழைக்கப்பட்டது. #புகார் ஒரு சர்வதேச நகரமாகும் என்பர்.

வணிக நிமித்தமாகச் சோழ நாட்டின் பூம்புகாரில் யவனர்கள் வாழ்ந்ததைப் #பட்டினப்பாலை குறிப்பிடுகிறது.

இவர்கள் தங்கியிருந்த இடத்தைச் #சிலப்பதிகாரம் 'யவன இருக்கை' என்று குறிப்பிட்டுள்ளது.

'அவந்தித் தச்சரும், யவனக் கொல்லரும்' (மணி.19:108) சோழ நாட்டில் தங்கித் தொழில் செய்ததைக் கூறுகிறது

சோழர்களின் சிறப்புமிகு இத்துறைமுக நகரை உருவாக்க 'யவனத் தச்சர்' என அழைக்கப்பட்ட ரோம நாட்டுச் சிற்பிகள், கட்டக்கலை வல்லுநர்கள் பயன்பட்டதை மணிமேகலையால் அறிய முடிகிறது.

தமிழகத் தொல்பொருள் ஆய்வும், கோவா தேசியக் கடலாய்வு நிறுவனம் நடத்திய கடல்ழாய்விலும் இது உறுதிப்படுத்தப்பட்டுள்ளது.

பிற்காலத்தில் தோன்றிய பெருங்கதையும் யவனர்கள் தங்கிருந்த இடங்களை #யவனச்சேரி, #யவனப்பாடி பின்வருமாறு அறியலாம்.

யவனர்கள் தொடர்ந்து தமிழ்நாட்டில் வாழ்ந்துள்ளனர் என்பதைப் பெருங்கதை பதிவு செய்துள்ளது.

பாண்டிய நாட்டில் யவனர்களான கிரேக்க, ரோமானியர்கள் இருந்ததையும் பாண்டியர் தலைநகரான மதுரையை, ரோம் நாட்டு வீரர்கள் காவல் செய்ததையும் இலக்கியங்கள் வெளிப்படுத்தியுள்ளன.

யவனர்களின் இப்புலம்பெயர்வு வாழ்வு பாண்டிய நாட்டின் சிறப்புமிக்க கொற்கைத் துறைமுகத்தின் முத்து வணிகத்தால் ஏற்பட்டது.

தமிழர்கள் மத்திய தரைக்கடல் நாடுகளோடு நடத்திய முத்து வணிகம் பினீஷியர், சால்டியர் மூலம் நடைபெற்றதாம்.

பின்னர் கிரேக்கமும், எகிப்தியரும் இக்கடமையை ஏற்றனர். அவர்களைத் தொடர்ந்து, பொ.பி முதல் - இரண்டாம் நூற்றாண்டுகளில் அராபியரும், உரோமரும் இக்கடமையைச் செய்துள்ளனர்.

நைல் ஆற்றின் துறைமுகப்பட்டினமான அலெக்சாந்திரியாவில் நூற்றுக்கணக்கான பழந்தமிழர்கள் குடியேறியிருந்தனர் என அறிகின்றோம்.

இக்குடியேற்றம் கடல் வணிகத்தால் நடைபெற்ற புலம்பெயர் வாழ்வை எடுத்துரைக்கிறது.

இலண்டன் பல்கலைக்கழக வரலாற்றுப் பேராசிரியர் வார்மிங்டன் இலத்தீன், கிரேக்க நூல்களை ஆய்ந்து உரோமர், யவனர், சீனர் நாட்டாரோடு பழந்தமிழர்கள் பன்னூற்றாண்டுகள் வணிகம் நடத்தினர் என்று குறிப்பிட்டுள்ளார்.

யவன நாட்டினின்று பல பொருள்கள் இறக்குமதி செய்யப்பட்டன என்றும்,

யவன நாட்டிலுள்ள தச்சர்களும், வணிகர்களும், தமிழகத்திற்கு வந்து தமிழ் மன்னர்களின் தலைநகரங்களிலும், துறைமுகப் பட்டினங்களிலும் குடியேறி வாழ்ந்து வந்தனர் என்றும்...

தமிழகத்தில் சோகைச் சேரியும், யவனச் சேரியும் இருந்துவந்தன என சங்க இலக்கியங்கள் சான்று தருகின்றன.

பிறநாட்டிலுள்ள #தாலமி, #பெரிப்புளூசு போன்ற ஆசிரியர்கள் நன்கு குறிப்பிட்டுள்ளனர்.

யவனர்களுக்கும், சீனர்களுக்கும், தமிழர்களுக்குமிடையே புலம் பெயர்வு என்னும் புதிய வாழ்வு தொடங்கியது.

கொற்கையில் #யவனர்கள் பலர் வணிக நலத்தின் பொருட்டுக் குடியேறியுள்ளனர்.

அப்பகுதி யவனர் இருக்கை, யவனச்சேரி, வெள்ளையர் இருக்கை என்றெல்லாம் அழைக்கப்பட்டது.

கடல் வணிகத்தால் விற்பனை மையங்களில் பலமொழி பேசும் தேசத்து மக்களின் வருகையைப் #பட்டினப்பாலை அடிகளில் பின்வருமாறு அழகுற அறியலாம்.

பல தேசத்து மக்கள் பல மொழிகள் பேசி, பொருள்களின் விலை கூறி, விற்ற தகவலைச் #சிலப்பதிகாரம்
பின்வருமாறு எடுத்துரைக்கின்றது.

இதே கருத்து இந்திர விழாவூர் எடுத்த காதையில் பின்வருமாறு அறியலாம்.