Thread by @anbezhil12

#தர்ப்பை சுப காரியம் அல்லது அசுப காரியம் எதுவாக இருந்தாலும் அங்கே தர்ப்பை புல்லுக்கு முக்கியமான இடம் உண்டு. தர்ப்பை புல்லுக்கு இன்னொரு பெயர் 'குசா'. எந்த ஒரு புனிதச்செயல் செய்யும் நேரத்திலும் நம் சக்தி தடைபடாமலிருக்க நாம் கையில் தர்பத்தினாலான பவித்ரத்தை (மோதிரம் போன்ற அமைப்பு)

தரிக்கிறோம். முழுமையாக அந்த வேலை பூர்தியாகும் வரை கழற்றாமலிருப்பது நம் செயலுக்கு உதவுகிறது. #பாணிணி முனிவர் கௌமுதியை எழுதும் போது "பவித்ர பாணியாக உட்கார்ந்து ஆலோசித்து எழுதினார்" என்று மஹாபாஷ்யத்தில் கூறப்படுகிறது. பவித்ரம் என்றால் பரம சுத்தமானது என்று அர்த்தம். இந்த பவித்ரம்,

செய்யப்படும் கர்மாவுக்கு ஏற்ப தர்ப்பை புல்லின் எண்ணிக்கை மாறுபடுகிறது. அவை:
1) ப்ரேத கார்யங்களில் ஒரு தர்ப்பை
2) சுப கர்மாவில் 2 தர்ப்பை
3) பித்ரு கர்மாவில் 3 தர்ப்பை
4) தேவ கர்மாவில் 5 தர்ப்பை
5) சஷ்டியப்த பூர்த்தி போன்ற சாந்தி கர்மாவில் 6 தர்ப்பை
தேவ கார்யங்களுக்கு கிழக்கு

நுனியாகவும் பித்ரு கார்யங்களில் தெற்கு நுனியாகவும் உபயோகப் படுகிறது. ஹோமங்களில் தர்ப்பங்கள் முக்கிய இடம் வகிக்கின்றன. ஶ்ராத்த மற்றும் தர்ப்பண காலங்களில் ஸ்தல சுத்தி, ஆஸனம், கூர்ச்சம் போன்றவைகள் தர்ப்பங்களினால் தான் செய்யப் படுகின்றன. குறிப்பாக தர்ப்பங்களில் தர்ப்ப

கூர்ச்சத்தினால்தான் (அல்லது தர்ப்ப ஸ்தம்பம்) பித்ருக்களை ஆவாஹணம் செய்யச் சொல்லியுள்ளது. கலச ஸ்தாபனம் போது மாவிலை கொத்து தேங்காயுடன் தர்ப்ப கூர்ச்சம் வைப்பது இன்றியமையாதது. ஏனென்றால் தர்ப்பை வழியாக ப்ராண சக்தி கும்பத்துக்குள் வருகிறது. கல்யாணத்தில், கல்யாண பெண்ணிற்கும்,

சீமந்தத்திற்கும், அதே மாதிரி உபநயனத்தில் வடுவிற்கும் இடுப்பில் தர்ப்பங்களினாலான கயிற்றை மந்த்ர பூர்வமாக கட்டும் வழக்கமும் இருந்து வருகிறது. உபயோகப்படுத்தும் தர்ப்பங்களின் நுனி உடையாமல் இருக்க வேண்டும். ப்ரயோகங்களில் நுனி இல்லாத தர்ப்பங்கள் ஆஸனத்தைத் தவிர மற்றதுக்கு உபயோகப்

படுவதில்லை. தர்ப்பத்தினாலான ஜப ஆஸனம் (பாய்) மிகவும் விசேஷம். தர்பாஸனத்தில் அமர்ந்து செய்யும் பூஜை மற்றும் ஜெபங்களுக்கு பலமடங்கு சக்தி உண்டு.
க்ரஹண காலங்களில் (சூர்ய மற்றும் சந்திர) இல்லத்தில் ஏற்கனவே பக்குவமாகி இருக்கும் பதார்த்தங்களிலும், குடிநீரிலும் தர்பங்களை போட்டுவைத்தால்

எந்த வித தோஷமும் அவற்றுக்கு ஏற்படாது. முனிவர்களும், ரிஷிகளும் தர்ப்பைப்புல், தண்ணீர், மந்திரசத்தி மூன்றையும் இணைத்து செயற்கரியா செயல்களை செய்தனர். வரம் கொடுத்தனர், சாபம் கொடுத்தனர், அஸ்திரங்களை பிரயோகிதனர். பிரபஞ்சத்தில் பிராணசக்தியை கடத்தும் சக்தி தர்ப்பைக்கு உண்டு. அதனாலேயே

சங்கல்பத்தில் "தர்பான் தாரயமான:" என்று விரலில் இடுக்கிக் கொண்டு பிராணயாமம் செய்கிறார்கள்.
குசபாணி சதா திஷ்டேத் பிராம்மணோ டம்பவர்ஜித:
ச நித்யம் ஹிந்தி பாபானி தூல ராசிமிவாநல:
கையில் தர்ப்பைப் புல்லுடன் உள்ள பிராமணன் அகங்காரம் இல்லாமல் இருப்பானாகில், அக்னியைக் கண்ட பனி ஒழிவது போல

அவன் பாவங்களை அழிக்கவல்லான். தர்பை ஒரு சிறந்த மின் கடத்தி. அது ஆற்றலையும் கடத்த வல்லது. #திருநள்ளாறு கோயிலுக்கு ஒரு காலத்தில் சிவனை வழிபட்டு பிரம்மா பரிகாரம் பெற்றதாக ஸ்தலபுராணம் சொல்கிறது. பிரம்மதேவர் பூஜித்த சிவனுக்கு 'தர்ப்பாரண்யேஸ்வரர்' என்பது பெயராகும். இங்குள்ள ஸ்தல

விருட்சம் தர்ப்பை ஆகும். திருப்புல்லாணி திருத்தலத்தில் ராமன் சீதையைத் தேடிக்கொண்டு வந்தபொழுது, இங்கே மூன்று நாட்கள் புல்லில் இட்ட படுக்கையில் பள்ளி கொண்டிருந்தார். எனவேதான் இப்பெருமாளுக்கு ‘தர்ப்ப சயன ராமன்’ என்ற திருநாமம் ஏற்பட்டது. இவ்வாலயத்துத் தல விருட்சம் அரசமரம் எனினும்

புல்லாரண்யம் எனப் புகழ்பெற்ற இவ்விடத்தில் ஒருகாலத்தில் தர்ப்பைப் புல் ஏராளமாக வளர்ந்திருந்ததால், தர்ப்பைப் புல்லுக்கும் இங்கு முக்கியத்துவம் அதிகம். தர்ப்பைப்புல் எல்லா இடங்களிலிலும் வளராது. மிகவும் தூய்மையான இடங்களில்தான் வளரும். தர்ப்பைப்புல் இருக்கும் இடத்தில் துர்சக்திகளின்

நடமாட்டம் இருக்காது. தருப்பைப் புல்லைப் பொதுவாக பவுர்ணமிக்கு அடுத்த நாள் பிரதமையன்று சேகரிப்பர். அப்பொழுது அதற்குரிய மந்திரங்கள் உச்சரிக்கப்படும். தர்ப்பைப்புல் கொய்யும் போது சொல்லப்படும் மந்திரம்:
“தேவானாம் பரிஷூதமஸி வர்ஷவ்ருத்தமஸி,
தேவபர்ஹிர்மாத்வாஞ்..விவயஹம் ருஹேம!”-யஜுர்வேதம்

தை.ஸ 1.1.2.1
பொருள்: தர்ப்பமே, நீ தேவர்களின் பொருட்டு சேகரிக்கப்படுகிறாய், மற்றும் மழையால் வளர்கிறாய். உன்னை அறுப்பதற்கு கத்தியை
வைக்கிறேன். உன்னை அறுப்பவனாயினும் நான் குறைவற்றவனாகவே இருக்க வேண்டும். தர்ப்பமே, நீ நூற்றுக்கணக்கான தளிர்களாய் தளிர்த்து இனிது தழைப்பாயாக!
தர்ப்பையைக்

கொண்டே வேத காலங்களில் தவறான அதிர்வலைகளைக் கட்டுப்படுத்தினார்கள் என்பது இன்றைய விஞ்ஞான உலகத்திற்கு தெரிய வேண்டிய ஒன்று. தர்ப்பையை உபயோகப்படுத்திய பின், அதை நான்காக பிரித்து வடக்கு பக்கமாக போடவேண்டும். பின்பு கண்டிப்பாக ஆசமனம் செய்தால்தான், நாம் தர்பையை உபயோகித்து செய்த கர்ம பலன்

அளிக்கும். (ஆசமனம் என்பது வலது கையை பசுவின் காது போல கோகர்ண முத்திரை செய்து கொண்டு, அதில் உளுந்து மூழ்குமளவிற்கு நீர் எடுத்துக் கொண்டு, பிறகு சுண்டு விரலையும் கட்டை விரலையும் நீக்கி கையை குவித்துக்கொண்டு உறிஞ்சுகின்ற போது ஒலி எழாமல், கைகள் உதட்டின் மீது படாமல் நீர் பருகுவதே.

இவ்வாறு 3 முறை மந்திரம் கூறி நீர் பருக வேண்டும்.
#ஆசமன_மந்திரம் ஆசமன மந்திரம் அவரவர் குல ஆசாரப்படியும், குரு உபதேசப்படியும் வேறுபடும். சிலர் அச்சுதாய நமஹ, அனந்தாய நமஹ, கோவிந்தாய நமஹ என்று கூறி செய்வர்.)
இத்தகைய சிறப்பு வாய்ந்த தர்ப்பையின் மகத்துவம் அறிந்து அதை போற்றி பாதுகாக்க

வேண்டியது நம் அனைவரின் கடமையாகும்.
சர்வம் ஶ்ரீ கிருஷ்ணார்ப்பணம்🙏🏻

ஒருவரின் சொந்த அனுபவம், டிஎம்மில் பகிர்ந்தது. தன் தந்தை உடல் நலம் இல்லாதிருந்தபோது ஒருவரின் அறிவுரைப்படி தர்ப்பைப்புல்லை கையில் பிடிதுக் கொண்டு அதன் முனை நீரில் இருக்குமாறு வைத்து தன்வந்திரி ஸ்லோகத்தை 12 முறை சொல்லி அந்த நீரை தன் தந்தைக்கு அருந்த அளித்து வந்தார். வெகு விரைவில்

தந்தை உடல் நலம் பெற்றதை இப்பொழுது நினைவு கூர்ந்துள்ளார். முன்பே இழையில் கூறியிருந்தபடி தர்ப்பை சிறந்த மின் கடத்தி. அறிந்து கொள்வோம் நம் இந்து மதத்தின் மகத்துவத்தை!
சர்வம் ஶ்ரீ கிருஷ்ணார்ப்பணம்🙏🏻