#ஶ்ரீகிருஷ்ணன்கதைகள் ஒரு முறை சிவபெருமான் நாரத மகரிஷியைப் பார்த்து, "ஓ நாரதரே! சோழ தேசத்தில் காவேரி மத்தியில் #சந்திரபுஷ்கரணி தீர்த்தத்தில் மிகுந்த லட்சுமிகரமாக விளங்கும் #ஸ்ரீரங்கத்தலம் என்னும் புண்ணியத் தலம் உண்டு. அந்தத் தலத்தைச் சென்று தரிசித்தவர்கள் நரகத்திற்குப் போக 
வேண்டியதில்லை. எமலோகத்திற்குப் போக வேண்டியதில்லை. அவர்களை மரண வேதனை வருத்தமாட்டாது. மீண்டும் அவர்களுக்கு எவ்விதமான பிறவித் துன்பங்களும் ஏற்படாது. ஆகையால், பூலோக மண்டலத்தில் புத்திசாலியாக இருக்கின்றவர்கள், ஸ்ரீரங்கத்துக்குப் போகாமலும், காவேரி தீர்த்த ஸ்நானம் செய்யாமலும், ஸ்ரீரங்க
விமானத்தைத் தரிசிக்காமலும், ஸ்ரீரங்கநாதரை சேவை செய்யாமலும், தங்களால் இயன்றவரை பெரியோர்களுக்குத் தான தருமங்கள் செய்யாமல் இருக்க மாட்டார்கள்" என்றார். அது மட்டுமல்லாமல், தும்மல் வந்து தும்முகற போதும், நடக்கும் போதும், உடலில் ஒரு நோய் கண்ட போதும், எதிரிகள் எதிர்த்த போதும், பாவிகளோடு
சகவாசம் செய்யும் போதும், ஒரு பொய் வார்த்தை சொல்லும் போதும், மனோ - வாக்கு - காயம் என்னும் திரிகரண சுத்தியாய், ஒரு முறை "ரங்கா" என்று தியானம் செய்து, உச்சரித்தால் அவர்களுக்கு ஒரு அபாயமும் உண்டாகாது. இரண்டு முறை "ரங்கா" என்று தியானித்து உச்சரித்தால், அவர்கள் முற்பிறவியில் செய்துளள்ள
பாப வினைகளெல்லாம் சூரியனைக் கண்ட பனி போல நீங்கி, புண்ணியவான்கள் ஆவார்கள். மேலும், அவர்களை ஏழு கடல்களும் சூழ்ந்த உலகம் எல்லாம் கொண்டாடும். ஆயிரம் யோசனை (ஆயிரம் மைல்) தூரத்தில் இருப்பவனாலும், அந்தத் தலத்தை நினைப்பான் எனில், அந்த மனிதனும், அவன் வம்சத்தில் இருபத்தோரு தலைமுறையில் உள்ள
முன்னோர்களும், பூர்வ ஜென்மத்தில் செய்துள்ள சகல பாபங்களும் நீங்கும். அவர்களும் புண்ணியவான்கள் ஆவார்கள். எந்த நாட்டில் ஒருவன் இருந்தாலும், எந்த தீவாந்திரத்தில் ஒருவன் இருந்தாலும் அவன் மகிமை மிக்க "ஸ்ரீரங்க தலம்" இருக்கின்ற திசை நோக்கி இரண்டு கைகளையும், சிரசின் மேல் வைத்து எவனோருவன்
இரு கை கூப்பி, "ரங்கா, ரங்கா" என்று சொல்லிக் கும்பிட்டான் என்றால் அவன் ஒருபோதும் பாவத்தை அடைய மாட்டான். இது மட்டுமல்லாமல், ஏகாதசி விரதம் நிச்சயமாய் (முறை தவறாமல்) இருந்து "துளசி தீர்த்தம்" சாப்பிட்டு, அன்று இரவு முழுவதும் அந்தன் பகவான் மஹாவிஷ்ணுவின் கீர்த்தனைகளைப் பாராயணம்
செய்கின்ற பரம பாகவதர்களின் பெருமை மிகவும் சிறப்பு வாய்ந்தது.
ரங்கா ரங்கா ரங்கா
சர்வம் ஶ்ரீ கிருஷ்ணார்ப்பணம்🙏🏻
ரங்கா ரங்கா ரங்கா
சர்வம் ஶ்ரீ கிருஷ்ணார்ப்பணம்🙏🏻
• • •
Missing some Tweet in this thread? You can try to
force a refresh
